WUKUMBUSO 18:3 - Biblia Ilagho Jiboie Kwa Wandu Wose

³ “Wandu wikafunya vizongona va ng'ombe angu ng'ondi, wakohani wichanekwa mawoko, na nyama ya mizu, na vindo va ndenyi.

WUKUMBUSO 18:3 ပူးပေါင်းရင်းမြစ်များ

KUFUMA 29:27

“Iji mkohani wawikwa wakfu, kidari na bara ya bauru vatumilwa kwa kum'bonya wakfu, vichafunywa kwapo vikaie manosi mecha; ima sena viwikilo mbai kwa wundu ghwa Haruni na wana wake.

KUFUMA 29:28

Vichawuya va Haruni na wana wake, ni manosi gha toe kufuma kwa wandu wa Israeli. Ivo vizongona vichawuya ifungu ja wakohani, vifunywagha ni wandu wa Israeli; ni vizongona vawo vifunywagha kwa BWANA.

WALAWI 22:7

Iruwa jikaneng'ena, uchatalwa kukaia waela, nao wadima kuja vindo vieleshero, kwa kukaia ivo ni vindo vake.

MITALO 18:11

“Na ivi wori vichakaia venyu: vizongona va manosi ghawo, na vizongona vesughuswa va wandu wa Israeli, nakuneka oho, na wana wako wa womi na wa waka; ni hachi yenyu ya matuku ghose. Kula mundu nyumbenyi kwako uelie, wadima kuja.

MITALO 18:12

Mavuda ghose ghiboie kuchumba, divei yose na viro viboie kuchumba, nagho ni mavalo gha imbiri gha wandu wa Israeli wimnekagha BWANA nigho namneka inyo.

WUKUMBUSO 12:27

kufunye vizongona vako vekora va nyama na bagha aighu ya madhabahu ya BWANA Mlungu wako. Bagha ya kizongona chako, ichadilwa madhabahunyi ya BWANA Mlungu wako, ela nyama kwadima kuija.