WUKUMBUSO 18:2 - Biblia Ilagho Jiboie Kwa Wandu Wose

² Awo ndewichaakaia na ifwa jingi ja isanga aghadi ya waruna; BWANA nuo ifwa jawo sa iji koni orewilaghirieghe.

WUKUMBUSO 18:2 ပူးပေါင်းရင်းမြစ်များ

KUZOYA 15:1

Nyuma ya maza iro, BWANA ukamchea Abramu kwa mawono ukamzera, “Kusakeobua Abramu, ini nuo ngao yako, na ifungu jako jichakaia ibaa na ndighi.”

ZABURI 119:57

Neeka na oho kumoni ee BWANA; nalaghira kughiwadia malagho ghako.

ZABURI 16:5

Ini neekusaghua kukaie ifungu japo BWANA, na irangi japo, jeeka mikonunyi kwako.

ZABURI 84:11

BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.

ISAYA 61:6

Ela inyo mchawangwa wakohani wa BWANA, wandu wichamghora inyo kukaia wadumiki wa Mlungu odu; mchaja mali ra iro mbari ra wandu, na kukukasa aighu ya mali rawo.

KILILO CHA JEREMIA 3:24

Neeka na BWANA moni, kwa huwo naawuyamsuwiria uo.

EZEKIELI 44:28

“Wakohani ndewichaakaia na ifwa jingi; ini nimoni nichakaia ifwa jawo, nenyo ndemchaawiwaghia ifwa jingi andenyi ya Israeli; kwa kukaia, ini nichakaia ifwa jawo.

MITALO 18:20

Sena BWANA ukamzera Haruni, “Oho ndekuchaakaia na ifwa jingi isangenyi, hata ifungu jingi aghadi ya wandu wa Israeli anduangi. Ini ne ifungu jako na ifwa jako aghadi kwawo.

MITALO 18:7

Ela oho na wana wako, mchabonya kazi ra wukohani madhabahunyi, na iro ra Andu kwa wueli kuchumbie. Wukohani ni inosi jenyu nimnekie na mndungi ukaghusoghodera, uchabwaghwa.”

WUKUMBUSO 10:9

Kwa huwo Lawi ndene ifungu angu ifwa jingi chiaimweri na waruna; BWANA nuo ifwa jawo sa iji koni BWANA Mlungu onyu oremzerieghe.)

JOSHUA 13:14

Musa nderewinekieghe kichuku cha Lawi isanga jingi, kwa kukaia BWANA oremlaghirieghe kukaia ifungu jawo jichakaia kwa ivo vizongona vekora vifunywagha kwa BWANA.

1 PETRO 2:5

Nammbeni, sa magho ghiko moyo, muagho kukaia nyumba ya kiroho, wukohani ghwa wueli, ghofunya vizongona va kiroho, virumirikiagha kwa Mlungu kwa chia ya Jesu Kristo.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.