WUKUMBUSO 17:7 - Biblia Ilagho Jiboie Kwa Wandu Wose

⁷ Awo washahidi niwo wichaazoya kumlasa na magho, ima wandu wazima winughie. Kwa chia iyo, mchainja wuwiwi aghadi konyu.

WUKUMBUSO 17:7 ပူးပေါင်းရင်းမြစ်များ

WALAWI 24:14

“Mredenyi uo mundu ujisholie irina japo shighadi ya kambi, chia imweri na waja wandu weremsikireghe ukijisholia, wipate kuwikiria mikonu yawo aighu ya chongo chake kumshuhudia kukaia ni mkosi; na izungu jose jimlase na magho hata ufo.

JOHANE 8:7

Hata iji wachuria kumkotia, Jesu ukawuka ukawizera, “Uo usewadie kaung'a aghadi konyu ndekaie wa imbiri kumlasa na magho.”

1 WAKORINTHO 5:13

Mlungu uwitanya waja wiko shighadi. “Mmbingenyi uja mundu mmbiwi ufume aghadi konyu.”

WUKUMBUSO 13:10

Kum'bwaghe na magho, kwa kukaia wadalola kukutanya na BWANA Mlungu wako, uo orekufunyireghe isanga ja Misri kufuma nyumba ya wuzumba.

WUKUMBUSO 13:5

Ela uja mlodi angu mtambushiri ndodo, uchabwaghwa; angu wafundisha maza remlegha BWANA Mlungu onyu, uo oremfunyireghe isanga ja Misri; ukamkombua kufuma nyumba ya wuzumba. Mundu ufwane huwo ni mmbiwi, nao waawuyatima kumfunya kwa chia ya irangi BWANA umnekie. Suti ubwagho eri muinjikie ugho wuwiwi.

WUKUMBUSO 13:6

“Mwanyinyu wa mayo, angu mwana wako wa womi angu wa waka, angu muka wako umoni kumkunde, angu mghenyi wako wa ngolonyi, ukakusesea kwa kiviso wei muendetasa milungu mizima iyo hata weke ndeyo wisereiichighi;

WUKUMBUSO 13:9

Ela kukaie wa imbiri kuzoya kum'bwagha, konyuma niko wandu wose wimngirie.

WUKUMBUSO 17:12

Mundu ukang'eta, na kulegha kumsikira mtanyi angu mkohani uo udumikagha imbiri ya BWANA Mlungu wako, uchabwaghwa; na kwa chia iyo, mchainja wuwiwi kwa Israeli.

WUKUMBUSO 19:19

moomneka adhabu icheni ukundeghe mruna uipate; na kwa chia iyo, mchainja ugho wuwiwi aghadi konyu.

WUKUMBUSO 21:21

Niko wandu wose wa muzi wichamlasa na magho hata ufo. Kwa chia iyo kuchainja wuwiwi aghadi kwako, na Israeli yose ichasikira na kuobua.

WUKUMBUSO 22:21

wichamfunya uo mwai mnyangonyi ghwa nyumba ya ndee, na wandu wa muzi ghwa kwawo wichamlasa na magho hata ufo; kwa kukaia wabonyere wukelu andenyi ya Israeli kwa kubonya wumalaya uko nyumbenyi kwa ndee. Na kwa iyo chia, mchainja ugho wuwiwi aghadi konyu.

WUKUMBUSO 22:22

“Mundu ukawadwa ukilala na muka wa mundu mzima, wose wichabwaghwa mndwawomi na muka. Na kwa iyo chia, mchainja ugho wuwiwi kwa Israeli.

WUKUMBUSO 22:24

mchawifunya shighadi wose mbengenyi ya ugho muzi andu kokwania na kuwilasa na magho hata wifo; kwa kukaia uo nderekemieghe ukikunda wutesia, na sena odeeka aeni mzinyi; na uja mundu nao odenonia mmbao muka wake. Na kwa iyo chia mchainja ugho wuwiwi aghadi konyu.

WUKUMBUSO 24:7

Mundu ukawadwa ukiiwa mruna Muisraeli na kum'bonya mzumba, angu kumuuza, icho kitoi chibwagho. Na kwa chia iyo, mchaaghuinja ugho wuwiwi aghadi konyu.

WATANYI 20:13

Kwa huwo idana wifunyenyi awo wandu wa kisha wiko Gibea dipate kuwibwagha na kuinja wuwiwi kufuma Israeli.” Ela Wabenjamini ndewerekoghe tayari kusikira lwaka lwa waruna awo wandu wa Israeli anduangi.