WUKUMBUSO 15:23 - Biblia Ilagho Jiboie Kwa Wandu Wose

²³ Bora tu kuseje bagha yake; iyo, kuidie andonyi sa machi.

WUKUMBUSO 15:23 ပူးပေါင်းရင်းမြစ်များ

KUZOYA 9:4

Ilagho jelindia ni iji: Msakeja nyama chia imweri na bagha, angu bagha ni irangi.

EZEKIELI 33:25

Kwa huwo kuwighorie seji ini, Bwana MLUNGU nawuyaghamba: Inyo mwadaja nyama iko na bagha, na kutasa milimu yenyu, na kubwagha wandu; welee, mwadima kujiwusa iji isanga?

WALAWI 17:10

“Mndungi wa nyumba ya Israeli, angu mghenyi uko aghadi konyu, ukaja bagha iyo yose, ini BWANA nichazamilwa ni uo mundu, nani nichamuinja ufume kwa wandu wapo.

WALAWI 19:26

“Mseje nyama iko na bagha andenyi yaro. Kusefundishe kulogha angu kulaghua.

WALAWI 7:26

Wokoni, andu kose mchaakaia mseje bagha ya nyonyi hata ya nyamandu anduangi.

MABONYO GHA WADUMI 15:20

Ela diwiandikie barua na kuwizera witane na wuchafu ghwa vindo vifunyiro kizongona kwa milimu, kulaka, kuja nyama ra nyamandu rinyorelo, na kuja bagha.

WUKUMBUSO 12:15

“Elaima mwadima kubwagha nyamandu renyu na kuja andu uko kose mizinyi konyu seji mdimagha, kunughana na seji mrasimilo ni BWANA; wandu wielie na awo wiseelie wadima kuja seji wijagha shaa na sarigha.

WUKUMBUSO 12:16

Bora tu mseje bagha; muidie andonyi seji koni mdiagha machi.

WUKUMBUSO 12:23

Bora tu kukaie na loli ndekujagha bagha; angu bagha ni irangi, na oho kuseje irangi chiaimweri na nyama.

WUKUMBUSO 12:24

Kuseje bagha; kooidia andonyi sa machi.

1 SAMUELI 14:32

nawo wikaramia vilambo wavidwa wunyika, wikawada ng'ondi, na ng'ombe, na ngache; wikaribwagha ahoeni, wikaja nyama chiaimweri na bagha yaro.

1 SAMUELI 14:33

Nao wikamghoria Sauli wikighamba, “Zighana wandu wakam'bonyera BWANA kaung'a kwa kuja nyama chiaimweri na bagha yaro.” Sauli ukaghamba, “Mwabonya kiwiwi, ning'arishirenyi igho ibaa idime.”