WUKUMBUSO 13:9 - Biblia Ilagho Jiboie Kwa Wandu Wose

⁹ Ela kukaie wa imbiri kuzoya kum'bwagha, konyuma niko wandu wose wimngirie.

WUKUMBUSO 13:9 ပူးပေါင်းရင်းမြစ်များ

WALAWI 24:14

“Mredenyi uo mundu ujisholie irina japo shighadi ya kambi, chia imweri na waja wandu weremsikireghe ukijisholia, wipate kuwikiria mikonu yawo aighu ya chongo chake kumshuhudia kukaia ni mkosi; na izungu jose jimlase na magho hata ufo.

MATHAYO 10:37

“Uo umkundagha ndee angu mae kuchumba ini, ndenifwanaghaanduangi; na uo umkundagha mwana wa womi angu wa waka kuchumba ini, ndenifwanagha anduangi.

LUKA 14:26

“Mndungi ukacha kwapo, usezamilo ni ndee, na mae, na mkake, na wana wake, na waruna wa waka na wa womi, hata na irangi jake wori, ndedimagha kukaia mnughi wapo anduangi.

JOHANE 8:7

Hata iji wachuria kumkotia, Jesu ukawuka ukawizera, “Uo usewadie kaung'a aghadi konyu ndekaie wa imbiri kumlasa na magho.”

MABONYO GHA WADUMI 7:58

Niko wikamkumba shighadi ya muzi na kumlasa na magho; na mashahidi wikariwika nguwo rawo rilindilo ni mdawana umu uwangwagha Sauli.

WUKUMBUSO 13:5

Ela uja mlodi angu mtambushiri ndodo, uchabwaghwa; angu wafundisha maza remlegha BWANA Mlungu onyu, uo oremfunyireghe isanga ja Misri; ukamkombua kufuma nyumba ya wuzumba. Mundu ufwane huwo ni mmbiwi, nao waawuyatima kumfunya kwa chia ya irangi BWANA umnekie. Suti ubwagho eri muinjikie ugho wuwiwi.

WUKUMBUSO 25:12

kumdumbuo mkonu ghwake, kusemmbonie wughoma ghungi.

WUKUMBUSO 7:16

Kutoteshe wandu wose BWANA Mlungu onyu uchaamsimia; msewiwonie wughoma ghungi, hata msetase milungu yawo; angu awo wichawuya mdegho konyu.

WUKUMBUSO 7:2

na iji BWANA Mlungu wam'bonya murisime, suti muritoteshe putu; msebonye ilaghano jingi nawo, hata msewiwonie wughoma ghungi.