WUKUMBUSO 13:4 - Biblia Ilagho Jiboie Kwa Wandu Wose

⁴ Mumnughe BWANA Mlungu onyu na kumuobua; mmbwadie memu yake na kumsikira; na inyo mumtase na kumaziriana nao.

WUKUMBUSO 13:4 ပူးပေါင်းရင်းမြစ်များ

2 WAZURI 23:3

Mzuri ukakaia kimusi kaavui na nguro, ukabonya ilaghano kwa BWANA, jemnugha na kuwadia memu yake, na wushuhuda ghwa memu yake kwa ngolo yake yose, na kwa roho yake yose; na kuwadia malaghano ghake sa iji ghiandikilo sharienyi andenyi ya icho chuo; na wandu wose wikarumiriana kwa agho malaghano.

2 MALAGHO GHA NGELO 34:31

Mzuri ukakaia kimusi andu kwake, ukabonya ilaghano imbiri ya BWANA kukaia, uchabonya seji BWANA ukunde, na kuwadia malaghiro ghake, na memu yake, na sharia rake, kwa ngolo yake yose, na kwa roho yake yose, kukatisha malagho gha ijo ilaghano seji ghiandikilo andenyi ya icho chuo.

JEREMIA 7:23

Ela nerewinekieghe momu ughu, ‘Munisikire, nani nichakaia Mlungu onyu, na inyo mchakaia wandu wapo; mghende kwa iyo chia cheni nimlaghiragha mpate kuwona mecha.’

MIKA 6:8

Hata! BWANA wadimanyishire ijo jiko icha. Ijo BWANA ujikundagha kodu ni iji: Kubonya ijo jiko ja hachi, kukaia na lukundo lukatie, kukusera na kukaia na wungara na Mlungu odu.

LUKA 1:6

Nawo wose werekoghe wandu wa hachi, wikighenda kwa kuiwadia Sharia na malaghiro gha Mlungu kuseko na ikosa jingi.

WAROMA 6:13

Nenyo msevifunye via venyu kwa kubonya kaung'a, sa vombo vebonya mawiwi; ela mkufunye kwa Mlungu, sa wandu wifunyiro kifonyi na kungirwa iranginyi; na via venyu vikaie va Mlungu, sa vombo vebonya hachi.

1 WAKORINTHO 6:17

Ela uhu uwadanishwagha na Bwana, uawuya roho imweri nao.

WUKUMBUSO 10:20

Mumuobuo BWANA Mlungu onyu, mumdumikie na kumaziriana nao, na kubonya ighemi kwa irina jake.

WUKUMBUSO 11:1

“Mumkunde BWANA Mlungu onyu, na kuwadia sharia rake rose.

WUKUMBUSO 30:20

Mumkunde BWANA Mlungu onyu; mumsikire na kuwadiana nao; angu kwa kubonya huwo, mchakaia na irangi, sena mchakaia na matuku mengi isangenyi ijo BWANA orewilaghirieghe weke ndeyo, Abrahamu, na Isaaka na Jakobo kukaia uchawineka.”

WUKUMBUSO 6:13

Kumuobuo BWANA Mlungu wako, kumdumikie, na kubonya ighemi kwa irina jake.

WUKUMBUSO 6:5

na oho kumkunde BWANA Mlungu wako kwa ngolo yako yose, na kwa roho yako yose na kwa ndighi rako rose.

WAKOLOSAI 1:10

Mkaie na irangi jimfwanagha Bwana, jim'boiagha putu, mkibonya kazi ndicha kwa kula chia, na kuchurikia kwa kummanya Mlungu.

2 JOHANE 1:6

Ulu nilo lukundo, kukaia, dighende karakara na memu yake; na ughu nigho ugho momu, kukaia, mghende kwa lukundo sa iji koni moresikireghe kufuma kuzoya.

1 SAMUELI 7:3

Niko Samueli ukawizera wandu wa Israeli wose, “Mkamghalukia BWANA kwa ngolo renyu rose, nao muinje milungu ya kighenyi, na ghuja mlungu ghwa waka Ashtorethi aghadi konyu, na kukuwika kwa BWANA putu, eri mpate kumtasa uo moni uekeri, uchamkira msekorongoghe ni Wafilisti.”