WUKUMBUSO 12:2 - Biblia Ilagho Jiboie Kwa Wandu Wose

² Mnone andu kose kotasira milungu kwa awo wandu mchaawisoka isanga; aighu ya mighondi iko ighu, na mighondi mitini, na aisi ya kula mudi ghuko na malemba mawishi.

WUKUMBUSO 12:2 ပူးပေါင်းရင်းမြစ်များ

1 WAZURI 14:23

Kwa kukaia nawo weni werekuaghieghe andu kotasira milimu; wikadunga nguro ra magho retasa, na kuwika fwana ra Ashera aighu ya kula mghondi na aisi ya midi ikambie.

1 WAZURI 3:2

Wandu werekoghe wikifunyira vizongona andu kuzima kuzima, kwa kukaia hekalu erekoghe iseaghilo kwa wundu ghwa BWANA.

2 WAZURI 11:18

Niko wandu wikangia andenyi ya hekalu ya Baali, wikaichikanya, na kunona-nona madhabahu na milimu; wikam'bwagha uja mkohani wa Baali Matani naimbiri ya iro madhabahu. Jehoiada ukawika walindiri welindia Hekalu kwa mazughe.

2 WAZURI 16:4

Ukafunya vizongona na kufukira marumba aighu ya andu kotasira milimu mighondinyi, na aisi ya kiju cha kula mudi mmbishi.

2 WAZURI 23:13

Mzuri Josia ukakulusha aho andu kotasira milimu mighondinyi korebonyeroghe ni Solomoni, mzuri wa Israeli aho kusinyi ya Mghondi ghwa Kunoneka kwa wundu ghwa mlungu ghwa waka Ashtorethi ugho wuchafu ghwa Wasidoni na Kemoshi, ugho wuchafu ghwa Moabu, na Moleki, ugho wuchafu ghwa Waamoni.

ZABURI 78:58

Weremvavirieghe ngolo kwa kubonya andu kwawo kotasa milimu; wikammbwasira iriso kwa kutasa fwana rawo riwachiro.

KUFUMA 23:24

Msakeghoghoma kuitasa milungu yawo, hata msakenugha mizango yawo ya dini; ela mchanona na kuchikanya putu andu kwawo kotasira.

ISAYA 36:7

“Nako mkanizera wei mwaawuyakusaghika na BWANA onyu, welee, suo moni andu kwake kotasira mghondinyi na madhabahu rake rerechikanyiroghe ni Hezekia ukiwizera wandu wa Juda na wa Jerusalemu, kukaia wichatasa kwa madhabahu ihi?

JEREMIA 17:2

ingelo wana wawo wikumbukagha madhabahu ghawo na Ashera mlungu ghwawo ghwa waka, mbai na mbai ya kula mudi ghuko na malemba mawishi na aighu ya mighondi mitini,

JEREMIA 2:20

Bwana MLUNGU wa majeshi waghamba, “Kufuma kokala korechikanyireghe ghongolo yako; na kuvibara vifungo vako; kukaghamba, ‘Sichaakudumikia.’ Ee, koretasireghe milungu mizima, aighu ya mighondi mibaa, na aisi ya kula mudi mmbishi ghwa kiju kukaighoghomia kwa kusowa wuloli kwa Mlungu.

JEREMIA 3:13

Rumiria ikosa jako tu, kukaia, korenileghieghe ini BWANA Mlungu wako, kukakufunya kutasa milungu ya kighenyi, aisi ya kula mudi m'baa ghupambie, hata ndekorelusikireghe lwaka lwapo anduangi.

JEREMIA 3:2

Zighana nokoighu cha mighondinyi kuwone ngera koko andu kungi kusighilo kusetasire milungu mizima! Korekoghe kukiwesera wandu wetasa milungu mizima chiaimweri nakumoni achienyi kara kara na Muarabu ulaliriagha wandu kireti. Kwanonie isanga kwa kutasa milungu mizima kwako.

JEREMIA 3:6

Matuku gha kubonya nguma kwa Mzuri Josia, BWANA orenizerieghe, “Welee, kwawonie seji uhu Israeli useko mloli wawuyabonya? Wawuyajoka kula mghondi mlacha, na kukaia aisi ya midi mibaa ipambie ukitasa milungu mizima.

HOSEA 4:13

Waawuyafunya vizongona vawo aighu mighondinyi, na kufukira marumba ghawo aighu ya mighondi mitini, na aisi ya midi ikambie angu iko na viju viboie. “Kwa huwo wai wenyu waawuyalaka sa waka wa wana wenyu.

MITALO 22:41

Nao nakesho yaro, Balaki ukamdwa Balaamu ukamreda aighu ya Bamothi-baali; na kufuma aho ukawiwona wandu wamu wa Israeli kutini, awo werekoghe kaavui.

WUKUMBUSO 7:5

Ela mchawibonyera huwu: mchavuchua madhabahu rawo, na kurichikanya nguro raro, na kudema fwana ra mlungu ghwawo ghwa waka Ashera, na kurikora fwana rawo riwachilo.

WATANYI 2:2

Msebonye ilaghano jingi na wandu wa isanga iji; nenyo mcharivuchua madhabahu rawo.’ Ela ndem'bonyere seji neremzerieghe. Ni ilaghoki iji mujibonyere?