WUKUMBUSO 1:18 - Biblia Ilagho Jiboie Kwa Wandu Wose

¹⁸ Ngelo iyo nerekoghe namlaghira maza rose imfwane muribonye.

WUKUMBUSO 1:18 ပူးပေါင်းရင်းမြစ်များ

KUFUMA 18:20

Na oho kuchawifundisha memu ya Mlungu, na kuwimanyisha seji iwifwane wighende, na seji iwifwane wibonye.

KUFUMA 18:22

Wikaie watanyi wa wandu wa toe; kula ilagho ibaa wichajireda kwako, ela agho matini matini wichakaia wikighitanya weni. Kwa chia ihi maza richaangua, nenyo mchakaia na wungara ghoduka mzigo ughu.

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

MABONYO GHA WADUMI 20:20

Mwaichi seji nisereleghieghe kumghoria kula ilagho jifwane ja kumtesia, ngimfundisha worinyi imbiri ya wandu, na nyumba kwa nyumba;

MABONYO GHA WADUMI 20:27

angu na jingi sereleghieghe kummbonyera njama yose ya Mlungu.

WUKUMBUSO 12:28

Lindia, kusikire malagho ghose agha nikulaghiragha; kukabonya nicha imbiri ya BWANA Mlungu wako, kuchakaia na kuboilwa oho, na kivalwa chako kwa kala na kala; angu kuchakaia kukibonya agho ghiko gha hachi, ghim'boiagha BWANA Mlungu wako.

WUKUMBUSO 12:32

“Lindia m'bonye maza rose nicha, seji namlaghira; msechurie hata kupunguza ilagho jingi.

WUKUMBUSO 4:40

Kwa huwo kuriwadie sharia rake na malaghiro ghake, agho nikulaghiragha idime, eri kupate kukaia nicha, na kivalwa chako kupate kukaia luma andenyi ya ijo isanga kunekwagha ni BWANA Mlungu wako kwa kala na kala.”

WUKUMBUSO 4:5

“Namfundishire sharia yose na malaghiro, sa iji koni BWANA Mlungu wapo unizerie; mpate kughibonya andenyi ya isanga mungiagha kujiwusa.