WUKUMBUSO 1:10 - Biblia Ilagho Jiboie Kwa Wandu Wose

¹⁰ BWANA Mlungu onyu wam'bonyere mkachurikia, na idime mooka sa nyerinyeri ra mlungunyi kwa wungi.

WUKUMBUSO 1:10 ပူးပေါင်းရင်းမြစ်များ

KUZOYA 15:5

BWANA ukamfunya shighadi ukamzera, “Zighana cha mlungunyi kuwone ngera kwadima kuritala nyerinyeri.” Nao ukaghamba, “Huwu niko kivalwa chako chichaakaia.”

KUZOYA 22:17

nichakurasimia nandighi, nani nichachichuria kivalwa chako sa wungi ghwa nyerinyeri ra mlungunyi, na sa msangagha ghuko mbai-mbai ya bahari, na kivalwa chako chichawisima wamaiza wawo.

KUZOYA 28:14

na kivalwa chako chichakaia kingi sa teri ya ndoenyi, na oho kuchaera cha magharibi, mashariki, kaskazinyi na kusinyi. Na kwako oho na kivalwa chako, mbari rose ra ndoenyi richanilomba irasimio.

1 MALAGHO GHA NGELO 27:23

Mzuri Daudi nderetalieghe wandu wiko aisi ya irika ja miaka mirongo iwi, angu BWANA orekoghe walaghira kuwibonya Waisraeli wikaie wengi sa nyerinyeri ra mlungunyi.

NEHEMIA 9:23

Korewinekieghe kivalwa kingi sa nyerinyeri ra mlungunyi. Kukawibonya wijikaie isanga korewilaghirieghe weke ndee kukaia wichajipata.

ZABURI 107:38

Wadawirasimia wandu wake wichurikie kwa wungi, na mfugho rawo nderisighagha ripunguo.

KUFUMA 12:37

Waisraeli wikazoya charo kufuma Ramesesi hata Sukothi, mtalo ghwawo sa wandu wa womi elfu maghana arandadu, kuseko na kutala waka na wana.

KUFUMA 32:13

Kumbuka wadumiki wako Abrahamu, Isaaka, na Jakobo; awo korewighemieghe kumoni kukighamba, ‘Nichachichuria kivalwa chako sa nyerinyeri ra mlungunyi, na iji isanga jose nerekulaghirieghe, nichajineka kivalwa chako, nawo wichakaia aho kwa kala.’”

ISAYA 51:2

Mzighanenyi ndeyo onyu Abrahamu, na Sara uo oremvaeghe. Kwa kukaia neremmbangieghe ngelo usene mwana ungi, ngamrasimia na kum'bonya uve kwa wungi.

EZEKIELI 16:7

kuzoghuo sa muwalwa ghwa mbuwenyi.’ Kukazoghua na kuwuya mwai mlacha ughokie; kukawoka kutiva nyodo, na iridia jako kuzoghua, ela kodeeka duu putu.

MITALO 1:46

ghorekoghe elfu maghana arandadu na idadu maghana masanu na mirongo misanu.

MITALO 10:36

Na iji yadulwa, orekoghe ukighamba, “Wuya ee BWANA kwa elfu ikumi ra maelfu gha Israeli.”

WUKUMBUSO 1:11

BWANA Mlungu wa weke ndeyo, ndem'bonye mkaie wengi mando elfu kuchumba seji muko, na kumrasimia seji ulaghirie.

WUKUMBUSO 10:22

Weke ndeyo wa kala wedesea Misri wiko wandu mirongo mfungade, ela idana BWANA Mlungu onyu wam'bonyere mkakaia sa nyerinyeri ra mlungunyi kwa wungi.

WUKUMBUSO 26:5

Na oho kuchaghora malagho agha imbiri ya BWANA Mlungu wako, ‘Aba orekoghe Muarami omara-mara, nao ukasea Misri kukaia mghenyi omara-mara; orekwanyeghe na wandu wake watinieri, ela ukawuya mbari mbaa aho, iko na wandu wengi, wiko na kudima.

WUKUMBUSO 28:62

Na seji morekoghe wengi sa nyerinyeri ra mlungunyi, mchasighwa watinieri; angu kuleghie kumsikira BWANA Mlungu wako.

WUKUMBUSO 7:7

Si angu wei mooka wengi kuchumba wandu wazima ima BWANA ukamkunda na kumsaghua; kwa kukaia inyo moko watini kuchumba wandu wose.