WUFUNUO 9:3 - Biblia Ilagho Jiboie Kwa Wandu Wose

³ Na zighe rikafuma kwa ugho mosi, na kucha ndoenyi; rikanekwa ndighi sa rija ra weke mwambandenyi wa ndoenyi.

WUFUNUO 9:3 ပူးပေါင်းရင်းမြစ်များ

1 WAZURI 12:11

Aba oremdukishireghe misigo ilemere, ini nichamdukishira ilemere kuchumba; oremdamieghe na kiboko, ela ini nichamdama na kiboko cha mbela.’”

2 MALAGHO GHA NGELO 10:11

Na seji aba oremdukishireghe msigo ghulemere, nichaghuchuria. Aba oremkabieghe na kiboko, ela ini nichamlumishira weke mwambandenyi.’”

2 MALAGHO GHA NGELO 10:14

ukaghora nawo kwa kunugha njama ya wandu wa irika ukighamba, “Aba oremdukishireghe msigo ghulemere, ela ini nichaghuchuria; aba oremkabieghe ukitumia kiboko, ela ini nichamkaba ngitumia weke mwambandenyi.”

ISAYA 33:4

Mali rawo rawadwa seji shimandu riwadwagha, wandu wichariwada seji zighe riwadwagha.

EZEKIELI 2:6

“Na oho mwana wa mdamu, kusakewiobua, hata kusakeobua malagho ghawo, hata ngera kwakaia aghadi kwawo sa mundu uko andenyi ya mndandangoma na minjwa, seji kwaaseria weke mwambandenyi, kusakeobua malagho ghawo, hata kuzighana kwawo kusekufushe waya; angu awo ni wandu welegha.

JOELI 1:4

Izungu ja zighe jawuyanughana jakaria aighu ya miwalwa. Izungu jimu ja zighe jikaja na kusighara, izungu jimu jiameria ivo veresighiloghe.

JOELI 2:25

Nichammbunjira vindo va miaka yose vijilo ni izungu ja zighe; ni ini nerejidumieghe ijo izungu ja zighe konyu.

NAHUMU 3:15

Chia imweri na agho ghose, mchakorwa na modo, angu kubwaghwa wudenyi. Mchamerelwa sa vindo vajighwa ni zighe. Kuchurienyi mmbeni mkaie sa zighe, churikienyi mkaie sa weke mwapazi.

NAHUMU 3:17

Wabaa wenyu wa isanga weeka sa izungu ja zighe japakia awurighenyi ngelo ya mbeo; ela iji iruwa jabuka, raburuka noko, hata mndungi ndemanyagha andu raghenda.

LUKA 10:19

Olenyi namneka nguma rekanyanga aighu ya choka na vishushe, na kurisima ndighi rose ra uja m'maiza, hata ndekuwadie kindo chingi chichaam'bonya ilagho jingi anduangi.

WUKUMBUSO 8:15

Ukamghenja kuidia kireti cheobosha, chiko na choka ribirie na weke mwambandenyi, na andu kuomie kusene machi; nao ukamfunyira machi ighonyi jikurie kuu.

WUFUNUO 9:5

Rererumiriloghe riwikoronge awo wandu meri misanu, ela risewibwaghe; na luvia lwa makorongo ghawo, lorekoghe sa luvia lwa weke mwambandenyi iji wamluma mundu.

WUFUNUO 9:7

Iro zighe rerekoghe rikiwoneka sa farasi riwikilo tayari kwa wuda, na vongonyi kwawo korekoghe na vilambo viwonekagha sa virumbu va dhahabu; rerekoghe na mawushu sa gha wadamu,

WATANYI 7:12

Wamidiani, Waamaleki, na wandu wose wa Mashariki werekoghe wachua vololonyi sa zighe kwa wungi ghwawo; na ngamila rawo rerekoghe nyingi risetalikagha, nyingi sa masangagha ghwa pwani kwa wungi ghwaro.