WUFUNUO 8:3 - Biblia Ilagho Jiboie Kwa Wandu Wose

³ Na malaika mzima ukacha ukakaia kimusi madhabahunyi, uko na luwigha lwa dhahabu lofukira marumba; nao orenekeloghe marumba mengi upate kughiranganya na malombi gha waeli wose aighu ya agho madhabahu gha dhahabu, ghiko imbiri ya icho kifumbi cha nguma;

WUFUNUO 8:3 ပူးပေါင်းရင်းမြစ်များ

1 WAZURI 7:50

vikombe, mawutambi gha taa, bakuli, dishi refukira marumba, chuwigha reduka maka gha modo, na bahaba ra minyango ya Andu kwa Wueli Kuchumbie, na minyango ya shighadi ya Hekalu. Vilambo ivo vose vedeeka va dhahabu.

ZABURI 141:2

Wusa malombi ghapo sa marumba mecha, na kuwusira mikonu yapo kukaie sa kizongona cha nakenyi.

KUFUMA 40:26

Ukangira madhabahu ya dhahabu andenyi ya Hema Ekwania naimbiri ya pazia;

ISAYA 6:6

Niko umu wa maserafi ukaburuka cha kwapo uwadie ika ja modo kwa koleo kufuma madhabahunyi.

EZEKIELI 41:22

sa madhabahu ya mudi. Erekoghe na wuighu ghwa meta imweri na nusu, na wushapa ghwa meta imweri. Midi yaro ya konenyi, na andu kwaro kwa nandonyi, na chuwarunyi kwaro kose, korebonyeroghe kwa mudi. Uja mundu ukanizera, “Ihi ni meza ikaiagha imbiri ya BWANA.”

AMOSI 9:1

Neremmbonieghe BWANA wakaia kimusi mbai na mbai ya madhabahu ukighamba, “Kaba koighu nguronyi ra Hekalu hata vizingiti visughusikie; kuvichikanye-chikanye aighu ya chongo cha kula mundu; mndungi ukasigharika, nicham'bwagha wudenyi. Ndekuwadie ungi uchaakimbia angu kufufunuka.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

MITALO 4:11

Wichaala nguwo ya buluu aighu ya madhabahu ya dhahabu, na kuifinikira mrongo ghwa mburi, ima wingire midi yaro.

MITALO 7:62

Bakuli imweri ya dhahabu ya gramu ighana na ikumi ichue marumba;

LUKA 1:10

Ngelo iyo efukira marumba, izungu jose ja wandu jerekoghe cha shighadi jikilomba Mlungu.

WAROMA 8:34

nani uwitanyagha? Ni Kristo Jesu umoni orefueghe? Ee, umoni orerukishiroghe kufuma kwa wafu, sena uko kidombo chia ya mkonu ghwa kiwomi ghwa Mlungu ukidilombia na ndighi?

WAEBRANIA 7:25

Kwa chia io, wadima kuwikira ngelo rose awo wimsoghoderagha Mlungu wikiidia kwake; kwa kukaia uo wadua moyo matuku ghose, upate kuwilombia.

WAEBRANIA 9:4

Andenyi kwaro, korekoghe na madhabahu ya dhahabu efukiria marumba, na Sanduku ya Ilaghano ishingilo dhahabu chia rose. Iyo Sanduku erekoghe na mkebe ghwa dhahabu ghowika ija mana, mzata ghwa Haruni ugho ghorejosereghe malemba, na vishawalata va magho viandikilo ija memu ikumi;

WUFUNUO 10:1

Niko nerewonieghe malaika mzima uwadie ndighi ukisea kufuma mlungunyi, urwae iwingu, na lusenge lwa vua chongonyi kwake; wushu ghwake ghorekoghe sa iruwa, na maghu ghake gherekoghe sa nguro ra modo.

WUFUNUO 14:18

Nao malaika umu ukafuma madhabahunyi, uo ukaiagha na nguma aighu ya modo, ukammbanga kwa lwaka lubaa uo orekoghe na mundu ghukalie na kumzera, “Tumia mundu ghwako, kuvikwanye vanga va zabibu ra ndoenyi, angu zabibu raro rawurue.”

WUFUNUO 5:8

Hata iji wameria kuchiwada icho chuo, iro nyamandu riko moyo inya, na awo waghosi mirongo iwi na bana, wikaghwa imbiri ya uo Mwana wa Ng'ondi; kula umu uko na zeze, na bakuli ra dhahabu richue marumba, nagho ni malombi gha waeli.

WUFUNUO 6:9

Hata iji uo Mwana wa Ng'ondi oreghufungueghe ugho muhuri ghwa kasanu, nerewonieghe aisi ya madhabahu roho ra wandu werebwaghiloghe kwa wundu ghwa ijo ilagho ja Mlungu, na kwa wundu ghwa wushuhuda werekoghe nagho;

WUFUNUO 7:2

Ngawona malaika umu sena, ukisea kufuma aja iruwa jibukiagha, uko na muhuri ghwa Mlungu uko moyo; nao ukawiwanga kwa lwaka lubaa awo weke malaika bana werenekeloghe ndighi rebonya ndoe na bahari ilagho;

WUFUNUO 8:4

na ugho mosi ghwa marumba ghiranganyiro na malombi gha waeli, ghukajoka imbiri ya Mlungu kufuma mikonunyi kwa uo malaika.

WUFUNUO 8:5

Niko uo malaika ukaluwada ulo luwigha lofukira marumba, ukaluchura modo kufuma madhabahunyi, na kulukumba andoenyi, ghukakaia mrurumo ghwa lukuwa, chwaka, kukaba kwa chuhehia, na msughusiko ghwa ndoe.

WUFUNUO 9:13

Niko uo malaika wa karandadu ukaikaba tarumbeta yake, ngasikira lwaka kufuma kwa iro mbembe inya ra madhabahu ya dhahabu iko imbiri ya Mlungu,