WUFUNUO 7:9 - Biblia Ilagho Jiboie Kwa Wandu Wose

⁹ Nyuma ya agho, nerezighanireghe ngawona izungu ibaa nandighi ja wandu, mndungi usedimagha kujitala; jerefumieghe kula mbari, na kula kichuku, na wandu, na viteto, jikikaia kimusi imbiri ya icho kifumbi cha nguma na imbiri ya uo Mwana wa Ng'ondi, jirwae nguwo ra chokwa, wiko na maghangachi mikonunyi kwawo,

WUFUNUO 7:9 ပူးပေါင်းရင်းမြစ်များ

KUZOYA 13:16

Nichakuneka kivalwa kingi sa teri ya ndoenyi, na ichakaia iji mndungi uchaadima kutala teri iko ndoenyi, niko uchaadima kutala kivalwa chako.

KUZOYA 49:10

Juda ndechaatana na mzata ghwa nguma, na uo ubonyagha nguma ndechaasoweka kwake anduangi. Hata uche mundu waro moni, uo uchaasikirwa ni wandu wose.

ZABURI 2:8

Nilombe, nani nichakubonya kuwuye m'bonyi nguma wa mbari ra wandu, na ndoenyi kose kuchawuya kwako.

ZABURI 22:27

Mbari rose ra wandu richamkumbuka BWANA. Wurumwengunyi kose, wandu wichamghalukia uo, na vinyumba vose va wandu vichamtasa.

ZABURI 76:4

Oho kwachua wubaa ee Mlungu; kwawuya na wuing'oni kufuma mighondinyi, andu korewisimieghe wamaiza wako.

ZABURI 77:2

Nadamlola Bwana ngelo ya wasi ghwapo; ngiwusira mikonu yapo na kulomba chee nisesilwagha; ngalegha kuhoreshwa.

ZABURI 98:3

Wakumbuka lukundo lwake lukatie na wuloli ghwake kwa wandu wa Israeli. Wandu wose kula andu wawonie wusimi ghwa Mlungu odu.

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

JEREMIA 3:17

Ngelo iyo, Jerusalemu ichawangwa ‘Kifumbi cha nguma cha BWANA’, na mbari rose ra wandu richakwanyika aho Jerusalemu imbiri ya BWANA, nawo ndewichaanugha ngolo rawo ra wung'eti sena anduangi.

EZEKIELI 47:5

Ukapima meta maghana masanu, ghikawuya moda m'baa ghusedimagha kuruwukika, angu machi gherechurikieghe, ghimilie sena ghikate kwa kubung'a; moda ghuseruwukikagha.

DANIELI 4:1

Mzuri Nebukadnezari ukaduma malagho kwa wandu wose wa mbari, na viteto wikaiagha ndoenyi kose: “Sere ndeichurikie konyu!

DANIELI 6:25

Niko mzuri Dario ukawiandikia wandu wose wa mbari na viteto wikaiagha ndoenyi kose: “Sere ndeichurikie konyu.

HOSEA 1:10

Elaima sena mtalo ghwa wandu wa Israeli ghuchakaia sa msangagha ghwa baharinyi, ghusepimikagha hata ghusetalikagha anduangi. Na andu Mlungu orewizerieghe, “Inyo ndemko wandu wapo,” uchawizera konyuma, “Inyo mo wana wa Mlungu uko moyo.”

WALAWI 23:40

Ituku ijo ja imbiri kudo matunda ghiboie gha imbiri kufuma kwa midi yako, na mbashu ra mitende, na mbashu ra midi iko na malemba, na maria ghiko mbai mbai ya meda; nao kuboilo imbiri ya BWANA Mlungu wako kwa matuku mfungade.

ZEKARIA 10:8

“Nichawiwanga wandu wapo na kuwikwanya chiaimweri. Nichawikombua na kuwibonya wichurikie sa kala.

ZEKARIA 2:11

Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie.

LUKA 12:1

Ngelo iyo, iji maelfu mengi gha wandu gherekwanyikieghe, hata wikakaia wikiwadiana weni na weni, Jesu ukazoya kuwighoria wanughi wake imbiri ukighamba, “Mkulindie na chachu ya Mafarisayo nayo ni kuja kuwi.

LUKA 21:36

Ela chereshenyi ngelo rose mkilomba, mpate kukaia nandighi rekia maza iri rose richagha, sena mdime kukaia kimusi imbiri ya Mwana wa Mdamu.”

JOHANE 12:13

Wikafuma kummara wikidwa masawi gha mitende, na kukasa kwa lwaka wikighamba, “Hosana! Warasimilwa uo uchagha kwa irina ja Bwana. Nderasimilo Mzuri wa Israeli.”

WAROMA 11:25

Wanidu, nakunde mmanye maza iri rivisikie, msechekalikia kwa kumanya konyu. Kughilika kwa Waisraeli kuchakaia kwa ngelo imu, hata mtalo ghwa wandu wa mbari zima wimghalukiagha Mlungu ghukatie;

WAEFESO 6:13

Kwa huwu wadenyi maswagha ghose gha Mlungu, eri mdime kughiria wuwiwi ghwa ituku jaro; hata iji mwameria kubonya ghose mmange.

WAEBRANIA 11:12

Kwa huwo, kufumanya na mundu umweri, Abrahamu, uo orekoghe sa ufue wori, cherevaloghe kivalwa kingi na ndighi, sa nyerinyeri ra mlungunyi, na sa msangagha ghusetalikagha, ghuko mbai-mbai ya bahari.

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

WUFUNUO 22:3

Ndekuwadie kindo chingi chiwasiro njowe chichaakaia aho sena, ela kifumbi cha nguma cha Mlungu na cha Mwana wa Ng'ondi, nivo vichaakaia andenyi yaro, na wadumiki wake wichamtasa.

WUFUNUO 3:18

Kwa huwo, nakuneka njama kughuo kwapo dhahabu ieleshero kwa modo, eri kukaie na mali, na nguwo ya chokwa kupate kurwa kuinja waya ghwa wuduu ghwako ghusewoneke; na wughanga ghoshinga meso ghako, eri kupate kuwona.

WUFUNUO 4:4

Mbai-mbai ya icho kifumbi cha nguma, verekoghe vifumbi vimu va nguma mirongo iwi na vina, na waghosi mirongo iwi na bana waseria aighu yaro, wirwae nguwo ra chokwa na virumbu va dhahabu vongonyi kwawo.

WUFUNUO 5:11

Niko ngazighana, nani ngasikira chwaka ra weke malaika wengi na ndighi, maelfu na maelfu, wiko mbai mbai ya icho kifumbi cha nguma, na iro nyamandu riko moyo, na awo waghosi, wikighamba kwa lwaka lubaa,

WUFUNUO 5:9

Wikabora lumbo luwishi wikighamba, “Kwafwana oho kuchiwada icho chuo na kuifungua mihuri yaro; angu oho korebwaghiloghe, na kwa bagha yako, kukamkombuya Mlungu wandu kufuma kula kichuku, kiteto, wandu, na mbari.

WUFUNUO 6:11

Niko kula umu orenekeloghe nguwo ndacha ya chokwa, wikazerwa wichurie kuhoresha katini, hata mtalo ghukate ghwa wadumiki wambao, na waruna awo werekoghe wibwagho sa awo weni.

WUFUNUO 7:8

wandu wa mbari ya Zebluni, elfu ikumi na iwi; wandu wa mbari ya Josefu, elfu ikumi na iwi; na wandu wa mbari ya Benjamini, elfu ikumi na iwi.