WUFUNUO 7:4 - Biblia Ilagho Jiboie Kwa Wandu Wose

⁴ Nani neresikireghe ugho mtalo ghwa awo werekabiloghe muhuri; wandu ighana na mirongo ina na inya elfu, kufuma kwa kula mbari ya wandu wa Israeli.

WUFUNUO 7:4 ပူးပေါင်းရင်းမြစ်များ

KUZOYA 15:5

BWANA ukamfunya shighadi ukamzera, “Zighana cha mlungunyi kuwone ngera kwadima kuritala nyerinyeri.” Nao ukaghamba, “Huwu niko kivalwa chako chichaakaia.”

KUFUMA 28:21

Aighu ya agho magho gha zoghori ikumi na awi, kuchakota marina ikumi na awi gha wana wa Israeli; ghipate kuwonyera mbari ikumi na iwi ra Israeli.

EZEKIELI 47:13

Bwana MLUNGU waghamba huwu, “Ihi niyo mipaka ya isanga mchaaiwagha ikaie ifwa kwa vichuku ikumi na viwi va Israeli. Kichuku cha Josefu chichapata mafungu awi.

EZEKIELI 48:19

Wandu wa kazi wa muzi wose, wifumagha kwa vichuku vose va Israeli, wichailima iyo ndoe.

EZEKIELI 48:31

kuchakaia na mbenge idadu richaawangwa, mbenge ya Reubeni, na mbenge ya Juda, na mbenge ya Lawi, kunughana na marina gha vichuku va Israeli.

ZEKARIA 9:1

Agha ni malagho gha BWANA: Waghambie uchakaba isanga ja Hadraki, na muzi ghwa Dameshki. Si mizi ya vichuku va Israeli tu, ela hata na muzi m'baa ghwa Siria ni ghwa BWANA.

MATHAYO 19:28

Jesu ukawizera, “Namghoria loli, ngelo Mwana wa Mdamu uchaasea kidombo kwa kifumbi cha wubaa ghwake kwa wurumwengu mmbishi, inyo wori mchaviseria vifumbi va nguma ikumi na viwi, mkiritanya mbari ikumi na iwi ra Israeli.

LUKA 14:22

Nao uja mdumiki ukaghamba, ‘Bwana iro korelaghirieghe rameria kubonyeka, na wulalo ghumu ghoko aeni.’

LUKA 22:30

mpate kuja na kunywa mezenyi kwapo, kwa wuzuri ghwapo; na kusea kidombo vifumbinyi va nguma, mkiritanya iro mbari ikumi na iwi ra Israeli.”

MABONYO GHA WADUMI 26:7

ijo mbari redu ikumi na iwi rawuyasuwiria kujipata, sa iji koni wawuyamtasa Mlungu kio na dime. Nani nashitakilwa ni Wayahudi kwa wundu ghwa isuwirio iji ee Mzuri.

WAROMA 9:27

Isaya nao waghora kwa lwaka lubaa aighu ya Israeli ukighamba, “Hata ngera mtalo ghwa wana wa Israeli ni sa msangagha ghwa baharinyi, ela ni awo watini tu wichaasigharika niwo wichaakia.

JAKOBO 1:1

Ini Jakobo mdumiki wa Mlungu, na wa Bwana Jesu Kristo, namuandikia inyo mbari ikumi na iwi risaghisikie wurumwengunyi. Namroghua.

WUFUNUO 14:1

Niko ngazighana, nao hoja Mwana wa Ng'ondi uko kimusi aighu ya Mghondi ghwa Sioni, wikwanye nao waja wandu elfu ighana na mirongo ina na inya, awo wereandikiloghe irina jake na irina ja Ndee chamunyi kwawo.

WUFUNUO 14:3

nawo werekoghe wikibora lumbo luwishi imbiri ya icho kifumbi cha nguma, na imbiri ya iro nyamandu riko moyo inya, na imbiri ya awo waghosi. Ndekuwadie mndungi oredimieghe kukufundisha ulo lumbo, ela awo wandu elfu ighana na mirongo ina na inya awo werekombologhe kufuma ndoenyi;

WUFUNUO 7:5

Wandu wa mbari ya Juda, elfu ikumi na iwi; wandu wa mbari ya Reubeni, elfu ikumi na iwi;

WUFUNUO 9:16

Nani neresikireghe mtalo ghwa agho majeshi ghorekoghe milioni maghana awi.