WUFUNUO 5:2 - Biblia Ilagho Jiboie Kwa Wandu Wose

² Ngawona malaika uwadie ndighi, ukichila na lwaka lubaa ukighamba, “Nani ufwanagha kufungua mihuri ya icho chuo na kuchikuchua?”

WUFUNUO 5:2 ပူးပေါင်းရင်းမြစ်များ

AYUBU 41:15

Mghongo ghwake ghoobonywa na makoko, sa ngao ripangilo msitari; riwadanishiro kaavui kaavui, seji reekandwa na sungu.

ZABURI 103:20

Mkasenyi BWANA inyo weke malaika wake mmbwadie ndighi, msikiragha malagho ghake, na kuwada agho ughoragha.

WUFUNUO 10:1

Niko nerewonieghe malaika mzima uwadie ndighi ukisea kufuma mlungunyi, urwae iwingu, na lusenge lwa vua chongonyi kwake; wushu ghwake ghorekoghe sa iruwa, na maghu ghake gherekoghe sa nguro ra modo.

WUFUNUO 18:21

Niko malaika uwadie ndighi ukawada igho sa igho ibaa jesha, ukajikumba baharinyi ukighamba, “Huwo niko ugho muzi ghwa Babuloni ghuchaaghushwa kwa ndighi; nagho ndeghuchaawoneka sena anduangi.

WUFUNUO 5:1

Nani nerewonieghe chuo chiko mkonunyi ghwa kiwomi ghwa uo oreserieghe kidombo aighu ya icho kifumbi cha nguma, chiandikilo andenyi na nanyuma, chifungilo na kukabwa mihuri mfungade.

WUFUNUO 5:5

Niko umu wa awo waghosi ukanizera, “Leka lila; hoja uo Shimba wa mbari ya Juda, wa kivalwa cha Daudi, uo wamerie kusima; nao wadima kuifungua iyo mihuri mfungade, na kuchikuchua icho chuo.”