WUFUNUO 4:7 - Biblia Ilagho Jiboie Kwa Wandu Wose

⁷ Nyamandu ya imbiri erekoghe sa shimba, nyamandu ya kawi, erekoghe sa ng'ombe, nyamandu ya kadadu, erekoghe na wushu sa ghwa mdamu, na nyamandu ya kana, erekoghe sa indu iburukagha.

WUFUNUO 4:7 ပူးပေါင်းရင်းမြစ်များ

KUZOYA 49:9

Juda mwanwapo, kooka sa mwana wa shimba, wawuya kufuma kubwaghenyi madiwo ghake. Kukalala na kukughorua andonyi sa shimba, karakara na shimba ya waka, nani udimagha kukuwusira?

2 SAMUELI 1:23

“Sauli na Jonathani werekoghe wakundwa wikundikie ndewitane jingi kufuma wiko moyo hata kifwa. Werekoghe wiangue kuchumba indu, werekoghe na ndighi kuchumba shimba.

MAKATANISHO 28:2

Mbari ikabonya kaung'a, yadakaia na wabonyi nguma wengi; ela ikakaia na vilongozi vimanyagha na kutambukilwa, ichadua imange kwa ngelo ndacha.

ISAYA 40:31

ela awo wimmbeseragha BWANA wichapata ndighi mbishi, wichajoka kwa mawawa sa indu, wichakimbia nawo ndewichaasilwa, wichaghenda kuseko na kudumbuka anduangi.

EZEKIELI 1:10

Mawushu ghawo gherekoghe huwu: kula wushu ghorekoghe na fwana ya mdamu naimbiri, fwana ya shimba luwaru lwa kiwomi, fwana ya ng'ombe luwaru lwa kiwaka, na fwana ya indu luwaru lwa nanyuma.

EZEKIELI 1:8

Nandonyi ya mawawa ghawo, rerekoghe na mikonu ya wadamu. Huwu niko rerekoghe: mawushu ana, na mawawa ana, na mikonu ya wadamu ina.

EZEKIELI 10:14

Kula jimu ja agho makerubi jerekoghe na mawushu ana. Wushu ghwa imbiri ghodeeka ghwa ikerubi, wushu ghwa kawi ghodeeka ghwa mdamu, wushu ghwa kadadu ghodeeka ghwa shimba, na wushu ghwa kana ghodeeka ghwa indu.

EZEKIELI 10:21

Kula jimu jaro jerekoghe na mawushu ana, na mawawa ana; na aisi ya agho mawawa korekoghe na vilambo viwonekagha sa mikonu ya wadamu.

DANIELI 7:4

Nyamandu ya imbiri erekoghe sa shimba, nayo erekoghe na mawawa gha indu. Hata iji nerezighanireghe, ngawona mawawa ghake ghainjwa, ikawusirwa na kubonywa ikaie kimusi sa mdamu, nayo ikanekwa akili ra kidamu.

OBADIA 1:4

Hata ngera kwabonyere muzi ghwako ghukakaia ighu sa kijungi cha indu, hata ghuwonekeghe seji ghooka nyerinyerinyi, ela nichakupotua andonyi.

MITALO 23:24

Wonenyi wandu wiwukagha sa shimba ya waka! Wikuwusiragha sa shimba ya womi! Ndeiwuyaadima hata yameria kuja madiwo ghake, na kuinywa bagha ya icho yachibwagha.”

MITALO 24:9

Oredimieghe, ukalala andonyi sa shimba na sa shimba ya waka; nani udimagha kummbusira? Mundu uo ose uchaakurasimia ucharasimilwa, uo ose ukuwasiragha njowe ndewado ni njowe.”

1 WAKORINTHO 14:20

Wanidu, msakekaia sa wana kwa akili renyu; kwa mawiwi mkaie sa wanake, ela kwa akili, mkaie wandu mzoghue.

WUKUMBUSO 28:49

BWANA uchareda mbari kufuma kula ichelwa nakumoni; ni mbari iangue sa indu iburukagha, idedagha kiteto kusechimanyagha.

WUFUNUO 4:6

na ahoeni imbiri ya icho kifumbi cha nguma, korekoghe sa bahari ya kilole, mfwano ghwa krustali. Na mbai mbai ya icho kifumbi cha nguma chia rose, korekoghe na nyamandu riko moyo inya, richue meso na imbiri na nanyuma.

WUFUNUO 6:3

Hata iji uo Mwana wa Ng'ondi oreghufungueghe ugho muhuri ghwa kawi, neresikireghe iyo nyamandu iko moyo ya kawi ikighamba, “Choo”.

WUFUNUO 6:5

Hata iji uo Mwana wa ng'ondi oreghufungueghe ugho muhuri ghwa kadadu, neresikireghe iyo nyamandu iko moyo ya kadadu ikighamba “Choo”. Ngawona farasi ya chilu, na uo oreijokieghe orekoghe na ratili mkonunyi kwake.

WUFUNUO 6:7

Hata iji uo Mwana wa Ng'ondi oreghufungueghe ugho muhuri ghwa kana, neresikireghe lwaka lwa iyo nyamandu iko moyo ya kana lukighamba, “Choo.”