WUFUNUO 4:6 - Biblia Ilagho Jiboie Kwa Wandu Wose

⁶ na ahoeni imbiri ya icho kifumbi cha nguma, korekoghe sa bahari ya kilole, mfwano ghwa krustali. Na mbai mbai ya icho kifumbi cha nguma chia rose, korekoghe na nyamandu riko moyo inya, richue meso na imbiri na nanyuma.

WUFUNUO 4:6 ပူးပေါင်းရင်းမြစ်များ

1 WAZURI 7:23

Huramu orebonyereghe itangi ja shaba ja mviringo. Wundenyi ghwaro meta iwi na pointi iwi; ghadi na ghadi kufuma kimonu hata kimonu meta inya na pointi inya, na wurigha ghwaro meta ikumi na idadu na pointi iwi.

AYUBU 28:17

Ndeidimagha kukatanishwa na dhahabu angu kilole; hata ndeidimagha kuindanishwa na vilambo va dhahabu ielie.

KUFUMA 38:8

Ukabonya beseni ya shaba, na kilambo charo cheiwikiria cha shaba, erebonyeroghe kwa vilole va waka werekoghe wikidumika mnyangonyi ghwa Hema Ekwania.

EZEKIELI 10:12

Vidanga va agho magurudumu, na chuzi raro, na magurudumu verekoghe na meso chia rose, ee, magurudumu gha agho makerubi ana.

EZEKIELI 10:14

Kula jimu ja agho makerubi jerekoghe na mawushu ana. Wushu ghwa imbiri ghodeeka ghwa ikerubi, wushu ghwa kawi ghodeeka ghwa mdamu, wushu ghwa kadadu ghodeeka ghwa shimba, na wushu ghwa kana ghodeeka ghwa indu.

WUFUNUO 14:3

nawo werekoghe wikibora lumbo luwishi imbiri ya icho kifumbi cha nguma, na imbiri ya iro nyamandu riko moyo inya, na imbiri ya awo waghosi. Ndekuwadie mndungi oredimieghe kukufundisha ulo lumbo, ela awo wandu elfu ighana na mirongo ina na inya awo werekombologhe kufuma ndoenyi;

WUFUNUO 15:2

Nao ngawona kindo sa bahari ya kilole iranganyiro na modo, na awo wandu wereisimieghe ija nyamandu, na ija fwana yake etasa, na uo mundu wa irina ja ugho mtalo; wiko kimusi imbiri ya iyo bahari ya kilole wiwadie zeze ra Mlungu mikonunyi kwawo.

WUFUNUO 15:7

Na imu ya iro nyamandu riko moyo inya, ikawineka awo weke malaika mfungade, bakuli mfungade ra dhahabu richue machu gha kubia kwa Mlungu, uo uduagha moyo kwa kala na kala;

WUFUNUO 19:4

Na waja waghosi mirongo iwi na bana, na rija nyamandu riko moyo inya rikaghwa kijimijimi na kumtasa Mlungu, uo uko kidombo aighu ya kifumbi cha nguma wikighamba, “Amen, Mlungu ndekaso.”

WUFUNUO 21:11

ghuking'ala-ng'ala kwa wubaa ghwa Mlungu; mwengere ghwaro ghorekoghe sa igho ja zoghori mbaa, sa igho jiwangwagha jaspi, jielie sa kilole.

WUFUNUO 21:18

Ugho wurigha ghoreaghiloghe kwa magho gha jaspi; muzi ghoni ghorekoghe ghwa dhahabu ielie, ghuelie sa kilole.

WUFUNUO 21:21

Iro mbenge ikumi na iwi rerekoghe lulu ikumi na iwi; kula mbenge erebonyeroghe na lulu imweri, na chia mbaa ya muzi erebonyeroghe kwa dhahabu ielie, iwonekagha sa kilole.

WUFUNUO 22:1

Niko uja malaika ukaniwonyera moda ghwa machi gha irangi, ghuko sa igho jing'alaa-ng'ala ghufumagha kwa icho kifumbi cha nguma cha Mlungu, na cha uo Mwana wa Ng'ondi na kuidia

WUFUNUO 4:4

Mbai-mbai ya icho kifumbi cha nguma, verekoghe vifumbi vimu va nguma mirongo iwi na vina, na waghosi mirongo iwi na bana waseria aighu yaro, wirwae nguwo ra chokwa na virumbu va dhahabu vongonyi kwawo.

WUFUNUO 5:11

Niko ngazighana, nani ngasikira chwaka ra weke malaika wengi na ndighi, maelfu na maelfu, wiko mbai mbai ya icho kifumbi cha nguma, na iro nyamandu riko moyo, na awo waghosi, wikighamba kwa lwaka lubaa,

WUFUNUO 5:14

Na iro nyamandu riko moyo inya rikaghamba, “Amen”, na awo waghosi wikaghwa kijimijimi na kutasa.

WUFUNUO 5:6

Niko neremmbonieghe Mwana wa Ng'ondi uko kimusi ghadi na ghadi ya icho kifumbi cha nguma, na iro nyamandu riko moyo inya, na awo waghosi. Nao orekoghe ukiwoneka seji odebwaghwa; orekoghe na mbembe mfungade, na meso mfungade, nagho ni roho mfungade ra Mlungu ridumilo ndoenyi kose.

WUFUNUO 5:8

Hata iji wameria kuchiwada icho chuo, iro nyamandu riko moyo inya, na awo waghosi mirongo iwi na bana, wikaghwa imbiri ya uo Mwana wa Ng'ondi; kula umu uko na zeze, na bakuli ra dhahabu richue marumba, nagho ni malombi gha waeli.

WUFUNUO 6:1

Nao iji uo Mwana wa Ng'ondi oreghufungueghe ghumu ghwa iyo mihuri mfungade, nerewonieghe; ngasikira imu ya iro nyamandu riko moyo inya ikighamba na lwaka sa lukuwa, “Choo”.

WUFUNUO 6:6

Ngasikira sa lwaka aghadi ya iro nyamandu riko moyo inya lukighamba, “Pishi imweri ya ngano kwa dinari na pishi idadu ra shairi kwa dinari; ela mavuda na divei kusakevibonya ilagho jingi.”

WUFUNUO 7:11

Na weke malaika wose wikakaia mbai mbai ya icho kifumbi cha nguma, na mbai mbai ya awo waghosi, na iro nyamandu riko moyo inya; nawo wikaghwa kijimijimi imbiri ya icho kifumbi cha nguma, na kumtasa Mlungu

WUFUNUO 7:17

Angu uo Mwana wa Ng'ondi uko aghadi ya icho kifumbi cha nguma, uchakaia mlisha wawo, nao uchawighenja kwa ndoria ra machi gha irangi na Mlungu uchawiaghia mbori rose mesonyi kwawo.”