WUFUNUO 4:3 - Biblia Ilagho Jiboie Kwa Wandu Wose

³ Na uo orechiserieghe, orewonekieghe sa magho gha zoghori mbaa ghiwangwagha jasperi na karneliani, na mbai-mbai ya icho kifumbi, korekoghe na lusenge lwa vua luwonekagha sa igho ja zumaridi.

WUFUNUO 4:3 ပူးပေါင်းရင်းမြစ်များ

KUFUMA 24:10

wikammbona Mlungu wa Waisraeli. Andu orewadirieghe korekoghe seji ni sakafu ya magho gha zoghori gha buluu sa mawingunyi.

KUFUMA 28:18

luzaria lwa kawi, magho gha zumaridi, gha samawi, na gha almasi;

KUFUMA 39:11

luzaria lwa kawi, kwa zumaridi, yakuti samawi, na almasi;

ISAYA 6:1

Mwaka ghuja Mzuri Uzia orefueghe, neremmbonieghe BWANA uko kidombo aighu ya kifumbi chake cha nguma chiwusirilo ighu, na irwao jake jerechueghe Hekalunyi.

EZEKIELI 1:26

Naighu ya mawingunyi, agho gherekoghe naighu ya vongo vawo, korekoghe na kilambo chifwanane na kifumbi cha nguma chiko sa safire; na uo orechiserieghe orefwananeghe na mdamu.

EZEKIELI 1:28

Sa lusenge lwa vua luko mawingunyi ngelo ya vua kunya, niko uko kung'ala-ng'ala kwaro korekoghe kwammara chia rose. Kuwoneka uko kodefwanana na wubaa ghwa BWANA. Nani iji nerehuwonieghe ugho wubaa, nereghueghe andonyi kiwushu-wushu, ngasikira lwaka lwa mndumu udedagha.

EZEKIELI 10:1

Niko ngazighana, ngawona aighu mawingunyi gherekoghe naighu ya vongo va makerubi, kilambo chimu chifwanane na kifumbi cha nguma chibonyero na igho ja safire.

EZEKIELI 28:13

Korekoghe Edeni andenyi ya mbuwa ya Mlungu; korekufinikireghe na kula igho ja zoghori mbaa; karneliani, topazi, jaspi, krisolito, berili, oniksi, safire, karbankuli, zumaridi; na michoro yako erekoteroghe na kushingwa dhahabu. Iji koreumbiloghe gherekoghe ghaboiswa.

WUFUNUO 10:1

Niko nerewonieghe malaika mzima uwadie ndighi ukisea kufuma mlungunyi, urwae iwingu, na lusenge lwa vua chongonyi kwake; wushu ghwake ghorekoghe sa iruwa, na maghu ghake gherekoghe sa nguro ra modo.

WUFUNUO 21:11

ghuking'ala-ng'ala kwa wubaa ghwa Mlungu; mwengere ghwaro ghorekoghe sa igho ja zoghori mbaa, sa igho jiwangwagha jaspi, jielie sa kilole.