WUFUNUO 4:2 - Biblia Ilagho Jiboie Kwa Wandu Wose

² Na shwa wori ngakaia andenyi ya Roho; nao ola ngawona kifumbi cha nguma mlungunyi chaserelwa ni mndumu!

WUFUNUO 4:2 ပူးပေါင်းရင်းမြစ်များ

1 WAZURI 22:19

Mikaia ukaghamba, “Idana sikira ilagho ja BWANA: Neremmbonieghe BWANA wasea kidombo aighu ya kifumbi chake cha nguma; na majeshi ghose gha mlungunyi ghikakaia kimusi kummaria mbai mbai chia rose.

ZABURI 11:4

BWANA oko andenyi ya Hekalu yake ya wueli, kifumbi chake cha nguma cheko mlungunyi; nao wadawizighana wadamu na kuwimanya seji wibonyagha.

ISAYA 6:1

Mwaka ghuja Mzuri Uzia orefueghe, neremmbonieghe BWANA uko kidombo aighu ya kifumbi chake cha nguma chiwusirilo ighu, na irwao jake jerechueghe Hekalunyi.

JEREMIA 17:12

Andu kodu kwa wueli, ni aho kifumbi cha nguma cha wubaa chiwikilo, chiko koighu kufuma kuzoenyi.

EZEKIELI 1:26

Naighu ya mawingunyi, agho gherekoghe naighu ya vongo vawo, korekoghe na kilambo chifwanane na kifumbi cha nguma chiko sa safire; na uo orechiserieghe orefwananeghe na mdamu.

EZEKIELI 1:28

Sa lusenge lwa vua luko mawingunyi ngelo ya vua kunya, niko uko kung'ala-ng'ala kwaro korekoghe kwammara chia rose. Kuwoneka uko kodefwanana na wubaa ghwa BWANA. Nani iji nerehuwonieghe ugho wubaa, nereghueghe andonyi kiwushu-wushu, ngasikira lwaka lwa mndumu udedagha.

EZEKIELI 10:1

Niko ngazighana, ngawona aighu mawingunyi gherekoghe naighu ya vongo va makerubi, kilambo chimu chifwanane na kifumbi cha nguma chibonyero na igho ja safire.

DANIELI 7:9

“Nao iji nerekoghe ngizighana, vifumbi va nguma vikawikwa; na uo mundu wa matuku mengi ukaseria chake. Nguwo rake rerekoghe ra chokwa sa theluji, na iridia jake jerekoghe sa sufu ieleshero. Kifumbi chake cha nguma cherekoghe chumu ra modo, na magurudumu gha icho kifumbi gherekoghe modo ghuakagha.

MATHAYO 22:43

Jesu ukawizera, “Yakaia wada sena Daudi kwa Roho Mweli ummbange Bwana ukighamba:

WAEBRANIA 8:1

Idana ilagho jeni kwa agho dawuyaghora ni iji: deko na Mkohani M'baa ufwane huwo; uo uko kidombo chia ya mkonu ghwa kiwomi ghwa kifumbi cha nguma cha Wubaa mlungunyi,

WUFUNUO 1:10

Nerekoghe andenyi ya Roho ituku ja Bwana; ngasikira lwaka lubaa sa lwa tarumbeta lukideda nyuma yapo,

WUFUNUO 12:5

Nao uo muka ukava mwana wa womi, uo uchaaribonyera nguma mbari rose kwa mzata ghwa chuma; ela mwana wake ukakafulwa noko cha kwa Mlungu na kwa kifumbi chake cha nguma.

WUFUNUO 17:3

Niko ukanidwa noko cha kireti, niko andenyi ya Roho; nani ngawona muka uko kidombo aighu ya nyamandu itinikie, ichue marina gha masholio, nayo erekoghe na vongo mfungade, na mbembe ikumi.

WUFUNUO 19:4

Na waja waghosi mirongo iwi na bana, na rija nyamandu riko moyo inya rikaghwa kijimijimi na kumtasa Mlungu, uo uko kidombo aighu ya kifumbi cha nguma wikighamba, “Amen, Mlungu ndekaso.”

WUFUNUO 20:11

Niko ngawona kifumbi cha nguma kibaa cha chokwa, na uo orechiserieghe. Nao ndoenyi na mlungunyi kukamkimbia, na andu kwaro ndekorewonekieghe anduangi.

WUFUNUO 21:10

Ukanidwa noko cha mghondinyi m'baa niko andenyi ya Roho, ukaniwonyera ugho muzi ghuelie ghwa Jerusalemu, ghukisea kufuma mlungunyi kwa Mlungu,

WUFUNUO 21:5

Na uo oreserieghe kidombo aighu ya kifumbi cha nguma ukaghamba, “Ola niaribonya maza rose rikaie mbishi.” Wokoni ukaghora, “Kughiandike agha, angu ni malagho ghiko na wuloli, ghidimagha kurumirilwa.”

WUFUNUO 3:21

Uo usimagha, nichamrumiria kusea kidombo andwamweri nani kwa kifumbi chapo cha nguma seji koni ini neresimieghe na kusea kidombo andwamweri na Aba kwa kifumbi chake cha nguma.

WUFUNUO 4:10

awo waghosi mirongo iwi na bana wadaghwa kijimijimi imbiri yake uo uko kidombo kifumbinyi cha nguma, na kumtasa uo uduagha moyo kwa kala na kala. Nawo wakumba virumbu vawo imbiri ya icho kifumbi cha nguma wikibora:

WUFUNUO 4:5

Kufuma kwa icho kifumbi cha nguma, rerefumieghe chuhehia, na chwaka na mirurumo ya chukuwa; na imbiri ya icho kifumbi cha nguma, korekoghe na taa mfungade rikiaka, naro ni roho mfungade ra Mlungu;

WUFUNUO 4:9

Hata iro nyamandu riko moyo rikameria kumneka wubaa na ishima na chawucha, uo uko kidombo kifumbinyi cha nguma, uo uduagha moyo kwa kala na kala,

WUFUNUO 5:1

Nani nerewonieghe chuo chiko mkonunyi ghwa kiwomi ghwa uo oreserieghe kidombo aighu ya icho kifumbi cha nguma, chiandikilo andenyi na nanyuma, chifungilo na kukabwa mihuri mfungade.

WUFUNUO 5:13

Nao ngasikira kula kindo chiumbilo chiko mlungunyi, na ndoenyi, na andoenyi na kosi, na andenyi ya bahari, vilambo vose viko vikighamba, “Kwa uo useagha kidombo aighu ya kifumbi cha nguma, na kwa Mwana wa Ng'ondi, ndeghikaie makaso, ishima, wubaa, na kudima kwa kala na kala.”

WUFUNUO 6:16

wikiwanga mighondi mibaa na magho kwa kughamba, “Dighuenyi mdifinikire disewono ni uo useagha kidombo aighu ya kifumbi cha nguma, na uo Mwana wa Ng'ondi uko na machu mabaa;