WUFUNUO 3:4 - Biblia Ilagho Jiboie Kwa Wandu Wose

⁴ Elaima, koko na marina matinieri andenyi ya Saridi gha wandu wiserilushire nguwo rawo, nawo wichaselanya nani wirwae nguwo ra chokwa, angu awo wafwana.

WUFUNUO 3:4 ပူးပေါင်းရင်းမြစ်များ

1 WAZURI 19:18

Elaima sena, nichasigha wandu elfu mfungade andenyi ya Israeli, jingi wisedungie ngokoro kwa Baali, hata jingi wisemsusugha.”

ESTA 8:15

Nao Mordekai ukafuma ngomenyi ya mzuri, wameria kurwa marwao gha buluu, gha choka, na ijoho ja kitani iboie ja zambarau, na kirumbu kibaa cha dhahabu. Muzi ghose ghwa Susa ghukazuma na kukaba lukilighili.

ZABURI 68:14

Iji Uo-Uwadie-Ndighi-Rose oresaghisireghe wazuri aho, theluji ereserieghe Zalmoni.

MCHILI 9:8

Kaia na iseko na kuboilwa ngelo rose.

ISAYA 1:9

Ngera BWANA wa majeshi nderedisighieghe masighariko gha wandu wikirie, Kumangu deeka sa Sodoma, kumangu dawurie sa Gomora.

ISAYA 52:1

Wuka! Wuka kukurushe ndighi rako ee Jerusalemu; rwaa nguwo rako righokie ee Jerusalemu muzi ghwa wueli. Mndungi useshamishiro angu useelie jingi ndechaangia kwako sena anduangi.

ISAYA 59:6

Midambo-dambo yaro ndeichaafwana kwa kuluka nguwo, hata wandu ndewidimagha kukufinikira iro nguwo mwaribonya. Kazi renyu ni mbiwi, na mikonu yenyu yachua mabonyo ghizamie.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

ISAYA 64:6

Isi diwose dawuya sa mundu useelie, hata hachi redu rose rakaia karakara na nguwo ilushiro; isi diwose daoma sa ilemba, na mawiwi ghedu ghadilaghasha sa kudukwa ni mbeo.

WALAWI 13:48

angu aighu ya kipako chimu chilukilo na kitani, angu sufu mrongonyi, angu kilambo chingi chibonyero na mrongo.

MATHAYO 10:11

Mkangia muzi ghungi m'baa angu mtini, mzighane ngera oko mndungi uko tayari kumkaribisha, mpate kukaia ahoeni hata mwafuma ugho muzi.

MARKO 16:5

Wikangia kaburinyi, wikawona mdawana umu uko kidombo chia ya mkonu ghwa kiwomi, urwae nguwo ya chokwa; wikashinika na ndighi.

LUKA 20:35

ela awo witalwagha kukaia wafwana kuruka na kukaia moyo kwa ngelo iro richagha, ndewilowuagha hata ndewilowolwagha,

LUKA 21:36

Ela chereshenyi ngelo rose mkilomba, mpate kukaia nandighi rekia maza iri rose richagha, sena mdime kukaia kimusi imbiri ya Mwana wa Mdamu.”

MABONYO GHA WADUMI 1:15

Nao matuku agho, korekoghe na ikwanyiko ja wanidu sa ighana na mirongo iwi. Petro ukawuka kimusi aghadi ya wanidu ukaghamba,

2 WATHESALONIKE 1:5

Maza iri ni wushuhuda ghwa kutanya kwa hachi kwa Mlungu, eri inyo mpate kubonywa wandu wifwane wa Wuzuri ghwa Mlungu; ugho ghwawuyam'bonya mpate wasi.

JUDA 1:23

na wamu muwikire kwa kuwikuna kufuma modonyi; na wamu muwiwonie wughoma mkiobua; mkizamilwa hata ni nguwo ilushiro ni mumbi.

WUFUNUO 1:11

lukighamba, “Agho kughiwonagha kughiandike chuonyi, na kughighenjera agho makanisa mfungade; Efeso, Simurna, Pergamo, Thuatira, Saridi, Filadelfia, na Laodikea.”

WUFUNUO 11:13

Ngelo ija cheni, korekoghe na msughusiko m'baa ghwa ndoe, na ifungu ja ikumi ja muzi jikaghwa; wandu elfu mfungade wikabwaghwa ni ugho msughusiko; na awo weresigharikieghe, wikakambwa ni chongo na ndighi, na kuobua, nawo wikamneka wubaa Mlungu wa mlungunyi.

WUFUNUO 14:4

awa niwo wiserekulushireghe weni kwa waka, ni wandu wielie. Awa niwo wimnughagha uo Mwana wa Ng'ondi andu kose ughendagha, nawo wamerie kukombolwa kufuma kwa wadamu, wikaie mavalo gha imbiri kwa Mlungu na kwa Mwana wa Ng'ondi;

WUFUNUO 19:14

Majeshi gha mlungunyi, ghirwae kitani ndicha ya chokwa choo ghijokagha farasi, ghikamnugha.

WUFUNUO 19:8

Na uo muka orenekeloghe nguwo iboie ya kitani ndicha, ielie, ing'alaa-ng'ala;” (na iyo kitani ndicha ni mabonyo gha hachi gha awo waeli.)

WUFUNUO 3:18

Kwa huwo, nakuneka njama kughuo kwapo dhahabu ieleshero kwa modo, eri kukaie na mali, na nguwo ya chokwa kupate kurwa kuinja waya ghwa wuduu ghwako ghusewoneke; na wughanga ghoshinga meso ghako, eri kupate kuwona.

WUFUNUO 3:5

Uo usimagha, ucharushwa nguwo ra chokwa woruwo, nani sichaajivuta irina jake andenyi ya icho chuo cha irangi anduangi; ela nichajirumiria imbiri ya Aba na imbiri ya weke malaika wake.

WUFUNUO 4:4

Mbai-mbai ya icho kifumbi cha nguma, verekoghe vifumbi vimu va nguma mirongo iwi na vina, na waghosi mirongo iwi na bana waseria aighu yaro, wirwae nguwo ra chokwa na virumbu va dhahabu vongonyi kwawo.

WUFUNUO 6:11

Niko kula umu orenekeloghe nguwo ndacha ya chokwa, wikazerwa wichurie kuhoresha katini, hata mtalo ghukate ghwa wadumiki wambao, na waruna awo werekoghe wibwagho sa awo weni.

WUFUNUO 7:9

Nyuma ya agho, nerezighanireghe ngawona izungu ibaa nandighi ja wandu, mndungi usedimagha kujitala; jerefumieghe kula mbari, na kula kichuku, na wandu, na viteto, jikikaia kimusi imbiri ya icho kifumbi cha nguma na imbiri ya uo Mwana wa Ng'ondi, jirwae nguwo ra chokwa, wiko na maghangachi mikonunyi kwawo,