WUFUNUO 22:6 - Biblia Ilagho Jiboie Kwa Wandu Wose

⁶ Nao malaika ukanizera, “Agha malagho ni gha loli, na niko koni ghiko; na uo Mlungu uwinekagha walodi Roho wake, wamduma malaika wake uwiwonyere wadumiki wake iro maza riko na suti ekaia kafwani.

WUFUNUO 22:6 ပူးပေါင်းရင်းမြစ်များ

KUZOYA 41:32

Uko kuwurilwa kawi kwa ndodo ya mzuri ni kughamba, Mlungu wamerie kujipanga ilagho ijo putu, sena uchajikatisha kafwani.

DANIELI 3:28

Nebukadnezari ukaghamba, “Mlungu wa Shadraka, Meshaki na Abednego ndekaso, uo umdumie malaika wake kuwikira wadumiki wake. Weremrumrieghe na kuleghatala momu ghwapo; wikakaia tayari kufunya mimbi yawo kuchumba kudumikia na kutasa mlungu ghungi isaakaia ni Mlungu wawo moni.

DANIELI 6:22

Mlungu wapo wamdumie malaika wake, na kuifunga memu ya shimba, naro nderinibonyere ilagho jingi anduangi, kwa kukaia serewonekieghe kukaia na ikosa jingi imbiri kwake; na hata imbiri kwako ee mzuri sibonyere ikosa jingi anduangi.”

MATHAYO 13:41

uja Mwana wa Mdamu, uchawiduma weke malaika wake wiwikwanye na kuwiinja na mbai ya wuzuri ghwake, awo wose wiredagha kaung'a na wose wibonyagha wuwiwi;

LUKA 1:70

Sa iji koni oreghorieghe kokala, kwa memu ya walodi wake wielie;

LUKA 16:16

“Sharia na maandiko gha walodi verekoghe hata ngelo ya Johane M'baputizi; kufuma aho, malagho mecha gha Wuzuri ghwa Mlungu ghaawuyachilwa, na kula umu wadaghungia kwa kufunga ndighi.

MABONYO GHA WADUMI 12:11

Niko Petro ukamanya ijo jabonyeka ukaghamba, “Idana namanya loli angu Bwana wamduma malaika wake, ukanivuvua kufuma mikonunyi kwa Herode, na kufuma kwa agho ghose Wayahudi werekoghe wikighisuwiria.”

MABONYO GHA WADUMI 3:18

Ela Mlungu oreghorieghe kokala kwa chia ya walodi wose angu Kristo wake uchatirirwa; nao wajikatishire ilagho ijo kwa chia ihi.

WAROMA 1:2

Ijo orejilaghirieghe koimbiri kwa chia ya walodi wake andenyi ya Maandiko Ghielie.

1 WAKORINTHO 14:32

na inosi jechila jadabonyerwa nguma ni mchili,

1 WAKORINTHO 7:29

Naawuyaghamba huwu wanidu, ngelo isigharikie ni ndini na ndighi. Kufuma idana, awandu wiko na waka wikaie sa wisewadie;

2 WATHESALONIKE 1:7

na kumneka kuhora chiaimweri nesi, inyo mwawuyakorongwa; iji Bwana Jesu wafunukulwa kufuma mlungunyi andwamweri na weke malaika wake wiwadie ndighi, andenyi ya modo ghuakagha.

WAEBRANIA 12:9

Chiaimweri na agho isi derekoghe na weke aba wa ndoenyi, werekoghe wikidikania, nesi dikawineka ishima. Welee, ndeidifwane dikusere kuchumba kwa Aba wa roho redu dipate kukaia moyo anguwada?

2 PETRO 1:21

angu na jingi wulodi ghungi ndeghorechieghe kwa ndighi ya mdamu anduangi, ela wandu wereghorieghe malagho ghifumie kwa Mlungu, wikinyavurishwa ni Roho Mweli.

2 PETRO 3:2

mpate kukumbuka seji walodi wielie werezoeghe kughora, na ugho momu ghwa Bwana na Mkiri ghuchee kwa chia ya wadumi wenyu.

WUFUNUO 1:1

Wufunuo ghwa Jesu Kristo, ugho Mlungu oremnekieghe uwiwonyere wadumiki wake iro maza riko suti rikaie kafwani. Na Kristo ukamduma malaika wake urimanyishe kwa mdumiki wake Johane;

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”

WUFUNUO 19:9

Nao malaika ukanizera, “Andika huwu: Warasimilwa awo wiwangilo karamunyi ya harusi ya Mwana wa Ng'ondi.” Ukachuria kunizera, “Agha ni malagho gha loli gha Mlungu.”

WUFUNUO 21:5

Na uo oreserieghe kidombo aighu ya kifumbi cha nguma ukaghamba, “Ola niaribonya maza rose rikaie mbishi.” Wokoni ukaghora, “Kughiandike agha, angu ni malagho ghiko na wuloli, ghidimagha kurumirilwa.”

WUFUNUO 21:9

Nao umu wa awo weke malaika mfungade, werekoghe na iro bakuli mfungade richue agho makabo mfungade gha kutua, ukacha ukanizera, “Choo nikuwonyere uo mwai ulowolwagha, uo muka wa Mwana wa Ng'ondi.”

WUFUNUO 22:1

Niko uja malaika ukaniwonyera moda ghwa machi gha irangi, ghuko sa igho jing'alaa-ng'ala ghufumagha kwa icho kifumbi cha nguma cha Mlungu, na cha uo Mwana wa Ng'ondi na kuidia

WUFUNUO 22:16

“Ini Jesu namduma malaika wapo ughighorie makanisa maza iri. Ini ne wa kivalwa cha Daudi; iyo nyerinyeri ing'alaa-ng'ala ya luma lwa nakesho.”

WUFUNUO 22:7

Nani ola niacha kafwani. Warasimilwa u mundu ughiwadiagha malagho gha wulodi ghwa chuo ichi.”

WUFUNUO 4:1

Nyuma ya agho, nerezighanireghe, nao ola, ngawona mnyango ghwarughulwa mlungunyi! Na ulo lwaka nerezoeghe kulusikira lukighora nani sa tarumbeta lukaghamba, “Joka nokunu, nani nichakuwonyera iro maza riko na suti ekaia nyuma ya agha.”