WUFUNUO 2:7 - Biblia Ilagho Jiboie Kwa Wandu Wose

⁷ Uo uko na kudu, ndesikire agho malagho Roho ughighoriagha agho makanisa. Uo usimagha nichamneka kuja matunda gha mudi ghwa irangi, ugho ghuko andenyi ya mbuwa ya Mlungu.’

WUFUNUO 2:7 ပူးပေါင်းရင်းမြစ်များ

KUZOYA 2:9

BWANA Mlungu ukabonya ndoe ibuse midi ighokie mesonyi, na sena iboie kwa vindo, ukawika na mudi ghwa irangi ghadi na ghadi ya mbuwa; na mudi ghomanya mecha na mawiwi wokoni.

MAKATANISHO 11:30

Mabonyo gha mhachi ghadareda irangi; kulegha sharia kwadareda kifwa.

MAKATANISHO 13:12

Isuwirio jikasia, ngolo yadawuya mkongo; bea ikakatishwa, ni sa mudi ghwa irangi.

MAKATANISHO 15:4

Madedo mecha ni sa mudi ghwa irangi; ela madedo ghizamie ghadanona ngolo.

MAKATANISHO 3:18

Hikima ni mudi ghwa irangi kwa awo wiiwadiagha; awo wiimaziriagha wichaboilwa.

EZEKIELI 28:13

Korekoghe Edeni andenyi ya mbuwa ya Mlungu; korekufinikireghe na kula igho ja zoghori mbaa; karneliani, topazi, jaspi, krisolito, berili, oniksi, safire, karbankuli, zumaridi; na michoro yako erekoteroghe na kushingwa dhahabu. Iji koreumbiloghe gherekoghe ghaboiswa.

EZEKIELI 31:8

Mudi ghwa sida ghuko andenyi ya mbuwa ya Mlungu, ndeghudimagha kusimana nagho; hata msumbesu ndeghukatanagha na mbashu raro; hata miamori ndeerewonekagha kukaia kindo chingi kufwananishwa na mbashu raro; ndekuwadie mudi ghungi andenyi ya mbuwa ya Mlungu, ghudimagha kufwananishwa nagho kwa kughoka kwake.

MATHAYO 11:15

Uo uko na madu ghesikira ndesikire.

MATHAYO 13:43

Niko wahachi wichang'ala-ng'ala sa iruwa kwa wuzuri ghwa Ndee wawo. Uo uko na madu ghesikira ndesikire.

MATHAYO 13:9

Uo uko na madu ghesikira ndesikire.”

MARKO 4:9

Niko ukawizera, “Uo uko na madu ghesikira, ndesikire.”

MARKO 7:15

Ndekuwadie kindo chingi shighadi ya mundu chikamngia andenyi kwake chidimagha kumghalusa kulua anduangi. Ela ivo vifumagha andenyi kwake nivo veni vimghalusagha kulua. [

MARKO 7:16

Mndungi ukakaia na madu ghesikira, ndesikire.”]

LUKA 23:43

Jesu ukamzera, “Nakughoria loli, idime iji kuchakaianya andwamweri nani Andu Kucha Warumunyi.”

LUKA 8:8

Na rimu rikapotokia ndoe iwurue, rikazoghua na kuva ighana ighana.” Nao Jesu ukameria ukighamba, “Uo uko na madu ghesikira ndesikire.”

JOHANE 16:33

Namghoria malagho agha, mpate kukaia na sere andenyi kwapo; mchakaia na wasi wurumwengunyi, ela kaienyi na ngolo, ini naghusima wurumwengu.”

1 WAKORINTHO 2:10

Ela Mlungu oredifunukueghe isi kwa chia ya Roho; angu Roho wazighana maza rose ra Mlungu hata iro riko ndenyi na ndighi.

2 WAKORINTHO 12:4

Nao oresikireghe malagho ghiseghorekagha, agho mdamu usedimagha kughideda.

1 JOHANE 2:13

Namuandikia inyo weke aba, kwa kukaia mwamwichi uo orekoghe kufuma kuzoya. Namuandikia inyo wadawana, kwa kukaia mwamsimie Uja Mmbiwi. Namuandikia inyo wanake, kwa kukaia mwamwichi uja Aba.

WUFUNUO 13:9

Mndungi ukakaia na kudu ndesikirie:

WUFUNUO 14:13

Nani neresikireghe lwaka kufuma mlungunyi lukighamba, “Andika huwu: Warasimilwa wafu wifwagha wiko andenyi ya Bwana kufuma idana.” Roho nao waghamba, “Ee, warasimilwa nandighi, wipate kuhora nyuma ya kazi rawo; angu mabonyo ghawo ghawinugha.”

WUFUNUO 15:2

Nao ngawona kindo sa bahari ya kilole iranganyiro na modo, na awo wandu wereisimieghe ija nyamandu, na ija fwana yake etasa, na uo mundu wa irina ja ugho mtalo; wiko kimusi imbiri ya iyo bahari ya kilole wiwadie zeze ra Mlungu mikonunyi kwawo.

WUFUNUO 2:11

Uo uko na kudu, ndesikire agho malagho Roho ughighoriagha agho makanisa. Uo usimagha, ndechaabonywa ilagho jingi ni icho kifwa cha kawi anduangi.’”

WUFUNUO 2:17

Uo uko na kudu, ndesikire agho malagho Roho ughighoriagha agho makanisa. Uo usimagha, nichamneka imu ya mana ivisiro, na kumneka igho ja chokwa jiandikilo irina iwishi aighu yaro, ijo mndungi usejiichi, ela uo mundu moni ujiwusagha.’

WUFUNUO 21:7

U mundu usimagha, uchapata ifwa iji, nani nichakaia Mlungu wake, nao uchakaia mwana wapo.

WUFUNUO 22:14

Warasimilwa awo wioghoshagha nguwo rawo, eri wipate kukaia na hachi eghughendia ugho mudi ghwa irangi, na kungia mzinyi wikimaria mbengenyi.

WUFUNUO 22:17

Uo Roho, na uo mwai ulowolwagha waghamba, “Choo.” Na uo mundu usikiragha ndeghambe, “Choo.” U mundu uomagha ndeche; uo ukundagha, ndeghiwuse machi gha irangi duu.

WUFUNUO 22:2

ghadi na ghadi ya chia mbaa ya ugho muzi. Wokoni mbai na mbai ya ugho moda iichia na iichia korekoghe na mudi ghwa irangi, ghuko na matunda gha mbari ikumi na iwi; nagho ghwadava kula mori, na malemba gharo ghadaboisa wandu wa mbari rose.