WUFUNUO 2:3 - Biblia Ilagho Jiboie Kwa Wandu Wose

³ Namanya angu kwawuyarumaghia luma kwa wundu ghwapo hata ndekusilwagha ni ndighi.

WUFUNUO 2:3 ပူးပေါင်းရင်းမြစ်များ

ZABURI 37:7

Kaia kima kummbesere BWANA; kuseje wasi aighu ya wandu iji wakawona nicha, ngelo wakabonya mipango ya wuwiwi.

ZABURI 69:7

Narumaghia masholio kwa wundu ghwako, hata nafwa waya nandighi.

MIKA 7:9

Kwa kukaia nim'bonyere BWANA kaung'a nichaghirumaghia machu gha kubia kwake, hata unidederie na kunitanya. Uchanireda mwengerenyi, nani nichakuwona kukia kwake.

MARKO 15:21

Chienyi, wikakwana na mundu umu wafuma mbuwenyi, uwangwagha Simoni mundu wa Kurene, ndee wa Alekizanda na Rufo. Wikamlazimisha umdukie Jesu msalaba ghwake.

LUKA 14:27

Sena uo ose usedukagha msalaba ghwake na kuninugha, ndedimagha kukaia mnughi wapo anduangi.

LUKA 18:1

Niko Jesu ukawighoria wanughi wake mfwano ughu ghuwonyeragha kukaia yawifwana kufunga ndighi kulomba Mlungu, hata wisefo ngolo.

LUKA 21:19

Kwa kurumaghia konyu, mchakira marangi ghenyu.

LUKA 5:5

Simoni ukamzera, “Mwalimu, dabonyere kazi chee, hata ndedipatire kindo chingi; ela kwa ilagho jako, nicharisera nyavu.”

LUKA 8:15

Na iri ripotokie ndoe iwurue, ni sa wandu wijisikiragha ilagho na kujiwadia kwa ngolo ndicha esikira, nawo wadava matunda kwa kurumaghia.

JOHANE 15:21

Ela wicham'bonyera maza iri rose kwa wundu ghwapo, angu ndewimwichi uo orenidumieghe anduangi.

WAROMA 12:12

Boilonyi andenyi ya isuwirio jenyu, rumaghienyi wasi, lombenyi Mlungu tulituli.

WAROMA 16:12

Wiroghuonyi Trufene na Trufosa, waja wabonyi kazi andenyi ya Bwana. Mroghuonyi mkundwa Perisi, uo orebonyereghe kazi ya Bwana kwa kufunga ndighi.

WAROMA 2:7

Awo wawuyabonya mecha kwa kurumaghia, wikilola wubaa na ishima, na kudua kwa kala, uchawineka irangi ja kala na kala.

WAROMA 8:25

Ela ngera dasuwiria icho disewuechiwona, dachiweseria kwa kurumaghia.

1 WAKORINTHO 13:7

Lukundo lwadarumaghia luma, lwadarumiria ghose, lwadasuwiria ghose, lwadarumaghia ghose.

1 WAKORINTHO 16:16

namvoya mkuwike aisi ya wandu sa awo, na kula mngara wawuyabonya kazi andwamweri nawo.

2 WAKORINTHO 10:15

Ndedidimagha kukukasa isi diweni kuchumba kipimo, aighu ya kazi ya wandu wazima, ela isuwirio jedu ni angu, seji irumirio jenyu jichurikiagha, na wulalo ghodu ghobonya kazi aghadi konyu ghuchachurikia na ndighi;

2 WAKORINTHO 11:23

Awo ni wadumiki wa Kristo? Ini ni kuchumba; naghora sa mundu wa isu. Nadumikie nandighi kuchumba, ngafungwa mando malazi, ngakabwa makabo ghisetalikagha, ngelo ndazi ngikabwa kaavui na kufwa.

2 WAKORINTHO 4:1

Kwa huwo, angu diko na ughu wudumiki kwa wughoma ghwa Mlungu, ndedifwagha ngolo kungi.

2 WAKORINTHO 4:16

Kwa huwo, ndedifwagha ngolo. Angu hata ngera mumbi ghodu ghwa asili ghwaawuyasia, ela asili edu ya kiroho yaawuyabonywa wuwishi ituku ituku.

2 WAKORINTHO 5:9

Kwa huwo, dafunga ndighi kum'boia uo; ikaiagha ngera deeka aha, angu ngera deeka noko.

2 WAKORINTHO 6:5

kukabwa, kungirwa kifungonyi, kuzomelwa imbiri ya wandu; kudukishirwa kazi rilemere, dikicheresha na kukaia disejagha.

WAGALATIA 6:2

Mtesiane mmbeni na mmbeni, mpate kuikatisha sharia ya Kristo.

WAGALATIA 6:9

Nesi disesilo ni ndighi kubonya nicha, angu dichakuwida kwa ngelo yaro ikavika, iji dakaia disefue ngolo.

WAFILIPI 2:16

Mkijiwadia nandighi ilagho ja irangi, eri nidime kukukasa ijo Ituku ja Kristo, kukaia serekimbirieghe, angu kubonya kazi duu anduangi.

WAFILIPI 4:3

Nani nakulomba oho wori mngara wa kazi wa loli, kuwitesie awo waka; angu wabonyere kazi mbaa andwamweri nani edumikia ijo Ilagho Jiboie, dikwanye na Klementi na wangara wapo wa kazi wazima; awo marina ghawo ghiko andenyi ya chuo cha irangi.

WAKOLOSAI 1:11

Mfungisho ndighi kwa kudima kose, karakara nandighi rake ra wubaa, eri mpate kurumaghia kose na wumboa mkiboilwa.

1 WATHESALONIKE 1:3

Nesi dawuyaikumbuka imbiri ya Mlungu Aba odu, iyo kazi yenyu ya irumirio, na kufunga ndighi konyu kwa lukundo, na kumanga kwa isuwirio andenyi ya Bwana odu Jesu Kristo.

1 WATHESALONIKE 2:9

Inyo mwakumbuka seji dibonyere kazi kwa kusumbuka nandighi wanidu; derebonyereghe kazi kio na dime, eri disekechamlemera ungi onyu, ngelo dikimchilia ijo Ilagho Jiboie ja Mlungu.

1 WATHESALONIKE 5:12

Ela damvoya wanidu, muwineke ishima awo wandu wawuyabonya kazi aghadi konyu, wikikaia aighu yenyu kwa kummbonyera na kumuagha kwa wundu ghwa Bwana.

2 WATHESALONIKE 3:13

Msakesilwa ni ndighi kwa kubonya nicha wanidu.

2 WATHESALONIKE 3:5

Uo Bwana nderighenje ngolo renyu ritambukilo ni lukundo lwa Mlungu, na uko kumanya kwa Kristo.

2 WATHESALONIKE 3:8

nesi ndederejieghe vindo va mndungi disevilipe anduangi; ela derebonyereghe kazi kwa kufunga ndighi kio na dime, eri disemlemere mndungi onyu.

1 TIMOTHEO 4:10

Angu ni kwa wundu ugho dawuyabonya kazi kwa kufunga ndighi, kwa kukaia dawikie isuwirio jedu kwa Mlungu uko moyo, uhu uko Mkiri wa wandu wose, na kuchumba wa awo wirumiriagha.

1 TIMOTHEO 5:17

Awo waghosi wiko na wulongozi ghuboie, wafwana wineko malipo mando awi; na kuchumba awo wawuyadumika kwa kazi ya kuchila na kufundisha.

WAEBRANIA 10:36

Angu yakundikie mrumaghie, eri mpate kulubonya lukundo lwa Mlungu, na kupata icho mlaghirilo.

WAEBRANIA 12:1

Kwa huwo na isi wori, kwa kukaia damarwa ni iwingu ibaa ja washahidi jing'ane huwu, ndediinje kula kighirio, na iyo kaung'a idikakadiagha na ndighi; dikimbie kwa kurumaghia, kwa kuja kuisana kuwikilo imbiri kodu

WAEBRANIA 13:13

Kwa huwo, ndedimghendie uo cha shighadi ya kambi, dikidwa masholio agho oreghirumaghieghe.

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.

WAEBRANIA 6:12

Msekaie waghadi, ela mkufwananishe na awo wichaajipata ifwa ijo ilaghiro, kwa chia ya irumirio na irumaghio.

WAEBRANIA 6:15

Na huwo, nyuma ya Abrahamu kurumaghia kwa wumboa, orejipatireghe ijo ilaghiro.

2 PETRO 1:6

na aighu ya kumanya, mchurie kukumazira; na aighu ya kukumazira, mchurie kumanga; na aighu ya kumanga, mchurie kuobua kwa Mlungu;

WUFUNUO 1:9

Ini Johane mwanyinyu, mngara onyu andenyi ya Jesu, kwa agho matiriro, na ugho Wuzuri, na uko kurumaghia luma; nerekoghe andenyi ya kisiwa chiwangwagha Patimo, kwa wundu ghwa ijo ilagho ja Mlungu, na ugho wushuhuda ghwa Jesu.

WUFUNUO 3:10

Kwa kukaia kwajiwadie ijo ilagho ja kurumaghia luma kwapo, nani nichakulindia ngelo iyo ighucheagha wurumwengu ghose kuwitima awo wikaiagha ndoenyi.