WUFUNUO 2:2 - Biblia Ilagho Jiboie Kwa Wandu Wose

² Narimanya kazi rako, na kufunga ndighi kwako, na kurumaghia luma kwako, na seji kusedimagha kurumaghianya na wandu wawiwi; ela kwawitimie awo wandu wikuwangagha weni wadumi, nawo wiseko huwo, kukawiwona kukaia watee.

WUFUNUO 2:2 ပူးပေါင်းရင်းမြစ်များ

ZABURI 1:6

BWANA wadawighenja wahachi, ela wawiwi wichatoteshwa.

MATHAYO 7:23

Nani nichawizera, ‘Simwichi inyo putu; injikenyi noko inyo wabonyi mawiwi.’

JOHANE 6:6

(Oreghorieghe agho kwa kumtima, angu oremanyireghe seji uo moni uchaabonya.)

WAGALATIA 1:7

Si angu wei jeko ilagho jiboie jingi izima, ela weko wandu wamu wawuyamjisha wasi na kukunda kujighalua Ilagho Jiboie ja Kristo.

WAEFESO 4:14

eri diseduo wanake wekumbwa-kumbwa ii chia na ii chia, na kudukwa ni kula mbeo ya mafundisho kwa mikalo ya wandu, na kwa wuya ghwawo ghwa tee.

1 WATHESALONIKE 1:3

Nesi dawuyaikumbuka imbiri ya Mlungu Aba odu, iyo kazi yenyu ya irumirio, na kufunga ndighi konyu kwa lukundo, na kumanga kwa isuwirio andenyi ya Bwana odu Jesu Kristo.

1 WATHESALONIKE 5:21

ela mritime maza rose, na kurimazira iro riko riboie;

2 TIMOTHEO 2:19

Ela msingi ghwa Mlungu ghwamange, nagho ghwawadie mhuri ughu: “Bwana wawimanya awo wiko wake,” sena, “Uo ose ujighoragha irina ja Bwana, suti utane na wuwiwi.”

WAEBRANIA 6:10

Si angu wei Mlungu oosowa hachi, hata uleghe kuritala kazi renyu na lukundo muko nalo, ulo moreluwonyereghe kwa wundu ghwake kwa chia ya kuwidumikia waeli, sa iji koni mduagha mkibonya.

1 JOHANE 4:1

Wakundwa, msakeirumiria kula Roho, ela muritime-time iro roho, mpate kuwona ngera ni ra Mlungu; angu walodi wa tee wengi wafumirikie, na kuwoneka wurumwengunyi.

WUFUNUO 2:5

Idana kummbuka ni hao kughue kuhee kupate kubonya iro kazi ra imbiri. Si huwo, kusaahea, nichacha kwako na kuchiinja kinara chako cha taa andu kwaro.

WUFUNUO 2:6

Ela koko na ilagho jimweri, oho kwawuyazamilwa ni kazi ra Wanikolai; iro nani moni rawuyanizamia wori.

WUFUNUO 2:9

Naghumanya wasi ghwako, na wukiwa ghwako, (ela ko mzuri wa mali) na seji kughorelo kwa wuwiwi ni wandu awo wikuwangagha weni Wayahudi, nawo wiseko Wayahudi wangi; ela ni wandu wa sunagogi ya Shetani.

WUFUNUO 3:1

“Na uo malaika wa ikanisa ja Saridi kumuandikie huwu: ‘Agha ni malagho gha uo uko na iro roho mfungade ra Mlungu, na nyerinyeri mfungade. Narimanya kazi rako; koko na irina jedua moyo, ela kwafue.

WUFUNUO 3:15

Narimanya kazi rako, kukaia ndekuko wa mbeo hata wa modo anduangi. Kumangu kwakaiagha wa mbeo angu wa modo.

WUFUNUO 3:8

Narimanya kazi rako. Ola nakuwikia mnyango ghuari, ugho mndungi usedimagha kughurugha anduangi; namanya ndighi rako ni ndini, ela sena kwajilindirie ilagho japo, hata ndekujikanie irina japo anduangi.