WUFUNUO 2:16 - Biblia Ilagho Jiboie Kwa Wandu Wose

¹⁶ Idana kuhee. Si huwo, nichacha kulwa nawo kwa lufu lwa momunyi kwapo.

WUFUNUO 2:16 ပူးပေါင်းရင်းမြစ်များ

ISAYA 11:4

ela uchawitanya wakiwa kwa hachi, na kudumbua malagho gha wanyonge wa ndoenyi kara kara; uchaikaba ndoe kwa miruke ya momu ghwake, na kuwibwagha wawiwi kwa miruke ya memu yake.

ISAYA 49:2

Orebonyereghe malagho ghapo ghikaie sa lufu lukalie, ukanivisa kijunyi cha mkonu ghwake; ukanibonya sa iwanu jakalishwa na kuniwika andenyi ya zaka yake.

WAEFESO 6:17

Sena wusenyi kukia sa kofia ya chuma, na Ilagho ja Mlungu sa lufu lwa Roho.

2 WATHESALONIKE 2:8

Niko uja Mleghi uchafunukulwa, na Bwana Jesu ucham'bwagha kwa miruke ya momu ghwake na kumtotesha kwa kuwoneka kwake na kucha kwake.

WUFUNUO 1:16

Orekoghe wawadia nyerinyeri mfungade kwa mkonu ghwake ghwa kiwomi, momunyi kwake lorefumieghe lufu lukalie chia rose, na wushu ghwake ghorekoghe ghuking'ala-ng'ala sa iruwa jakala na ndighi.

WUFUNUO 16:9

wandu wikakorwa ni modo ghubirie, nawo wikajiewia irina ja Mlungu uo orekoghe ukighibonyera nguma agho makabo; hata ndewereherieghe na kumneka Mlungu wubaa anduangi.

WUFUNUO 19:15

Momunyi kwake korekoghe kukifuma lufu lukalie, ulo uchaakaba nalo wandu wa iro mbari; uchawibonyera nguma kwa mzata ghwa chuma, nao uchakama andenyi ya chombo chekamia divei ya kubia kwa machu gha Mlungu, Uo Uwadie Ndighi Rose.

WUFUNUO 19:21

Na awo wazima, werebwaghiloghe kwa lufu lwa uo ujokagha farasi, ulo lufu lufumagha momunyi kwake; na iro nyonyi rikaja iro nyama rawo rikaghuda.

WUFUNUO 2:12

“Na malaika wa ikanisa ja Pergamo kumuandikie huwu: ‘Agha ni malagho gha uo uko na lufu lukalie chia rose.

WUFUNUO 2:5

Idana kummbuka ni hao kughue kuhee kupate kubonya iro kazi ra imbiri. Si huwo, kusaahea, nichacha kwako na kuchiinja kinara chako cha taa andu kwaro.

WUFUNUO 22:20

Uo ushuhudiagha maza iri waghamba, “Loli niacha kafwani.” Amen. Choo Bwana Jesu.

WUFUNUO 22:7

Nani ola niacha kafwani. Warasimilwa u mundu ughiwadiagha malagho gha wulodi ghwa chuo ichi.”

WUFUNUO 3:19

Awo niwikunde nadawikaba na kuwikania; kwa wundu ugho kufunge ndighi, nao kuhee.