WUFUNUO 17:2 - Biblia Ilagho Jiboie Kwa Wandu Wose

² ijo wazuri wa ndoenyi wibonyere wulaki najo, na wandu wa ndoenyi wiwongerie kwa divei ya wulaki ghwake.”

WUFUNUO 17:2 ပူးပေါင်းရင်းမြစ်များ

JEREMIA 51:7

Babuloni edeeka sa kikombe cha dhahabu mkonunyi kwapo, chibonywaghwa wurumwengu ghose ghuwongie; iro mbari rerenyueghe divei yake rikakaia seji raawukwa ni isu.

NAHUMU 3:4

Nineve uchakabwa kwa wundu ghwa wumalaya ghwake. Waghokie, uchue mbingu rebwagha; waloghie iro mbari na kuribonya wazumba wake.

JOHANE 2:10

ukamzera, “Kula mundu wadaneka wandu divei iboie kiimbiri, wandu wikanywa na ndighi, niko uredagha ija ya machi-machi. Ela oho kwaduagha na divei iboie hata idana!”

WUFUNUO 14:8

Na malaika umu wa kawi ukanugha ukighamba, “Ghwaghue, ghwaghue ugho muzi m'baa ghwa Babuloni! Ugho ghorewibonyereghe wandu wa mbari rose kunywa divei ya bea ra wulaki ghwake.”

WUFUNUO 17:13

Awa wazuri wose ikumi, nia yawo ni imweri, nawo waineka iyo nyamandu nguma rawo nandighi rawo.

WUFUNUO 17:17

angu Mlungu oojingira ijo ilagho ja kukaia na nia imweri ngolonyi kwawo, hata wikaineka iyo nyamandu ndighi rawo ra kiwuzuri, eri wipate kughukatisha mpango ghwa Mlungu, hata malagho ghake ghameria kukatishwa.

WUFUNUO 17:5

Na chamunyi kwake, koreandikiloghe irina ja ngasu huwu: “BABULONI M'BAA, MAE WA MALAYA, NA MAZA RIZAMIE RA NDOENYI.”

WUFUNUO 17:8

Iyo nyamandu kuiwonie erekoghe, ela ndeiduagha; yalighisa kujoka kufuma kinenyi cha abuso, na kughenda kutotenyi. Na awo wandu wiko ndoenyi awa marina ghawo ghiseandikilo andenyi ya chuo cha irangi, kufuma kuzoya kwa wurumwengu, wikashinika kwa kuiwona iyo nyamandu; angu erekoghe, ikasoweka; nayo ikawuya ikawoneka moyo sena.

WUFUNUO 18:23

na mwengere ghwa taa, ndeghuchaang'ala-ng'ala andenyi kwako, hata lwaka lwa mmbusi muka na uo ulowolwagha, ndeluchaasikirika andenyi kwako sena anduangi. Angu washami wako werekoghe wandu wabaa wa ndoenyi, na wandu wa mbari rose werekaliloghe kwa wusawi ghwako.

WUFUNUO 18:3

angu mbari rose ramerie kunywa iyo divei ya bea rake riseelie, na wazuri wa ndoenyi wabonyere wulaki nao, na washami wa ndoenyi wapatire mali kwa wumalaya ghwake.”

WUFUNUO 18:9

Na awo wazuri wa ndoenyi werekoghe wikilaka na kubonya wumalaya nao, wichamlilia na kukema mchungu iji waghuwona mosi ghwa modo ghumkoragha;

WUFUNUO 2:22

Ola ini nichamkumba aighu ya wuli, na awo wilakagha andwamweri nao, nichawikumba andenyi ya matiriro mabaa, wisaahea agho mabonyo ghake;

WUFUNUO 3:10

Kwa kukaia kwajiwadie ijo ilagho ja kurumaghia luma kwapo, nani nichakulindia ngelo iyo ighucheagha wurumwengu ghose kuwitima awo wikaiagha ndoenyi.

WUFUNUO 9:21

Hata ndewereherieghe na kusigha kubwagha kwawo, wusawi ghwawo, kulaka kwawo, angu wutoi ghwawo anduangi.