WUFUNUO 13:6 - Biblia Ilagho Jiboie Kwa Wandu Wose

⁶ Ikazoya kudeda malagho ghemsholia Mlungu, ikijisholia irina jake, na andu ukaiagha, na awo wikaiagha mlungunyi.

WUFUNUO 13:6 ပူးပေါင်းရင်းမြစ်များ

AYUBU 3:1

Nyuma ya agho, Ayubu ukazoya kudeda na kujiewia ijo ituku ja kuvalwa kwake.

ZABURI 73:9

Wadeda kiwiwi aighu ya Mlungu uko mlungunyi, na kufunyira wandu wiko ndoenyi memu kwa lukaso.

DANIELI 11:36

“Mzuri wa Siria uchabonya seji ukunde; uchakujosa na kukubonya m'baa aighu ya icho chose chiwangwagha mlungu; nao uchadeda malagho gha mashiniko aighu ya Mlungu wa milungu. Uchakaia nicha hata ngelo ya machu gha Mlungu kukatia, angu agho ghilaghirilo ghichapata kukatia kwaro.

DANIELI 7:25

Uchadeda malagho ghelwa na Uo-Uko-Aighu-Nandighi, na kuwikoronga waeli wake, nao uchatima kughalua sharia rawo ra dini na ndima; nawo wichangirwa mikonunyi kwake kwa miaka idadu na nusu.

DANIELI 7:8

Hata iji nerekoghe ngiririkanya iro mbembe, ngawona lwembe luzima lutinieri lukibuka na kuzoghua, lukakua mbembe idadu ra imbiri na virimba varo. Luja lwembe, lorekoghe na meso sa gha mdamu, na momu ghudedagha malagho mabaa.”

MATHAYO 12:34

Inyo kivalwa cha choka! Mdima wada kughora malagho mecha mkikaia wawiwi? Angu mundu wadadeda ghaja gheni ghachua ngolonyi.

MATHAYO 15:19

Angu ngolonyi ghadafuma maririkanyo ghizamie ghiredagha kubwagha, wusharati, wulaki, wutoi, kuzighiria kwa tee, na madukano.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

WAROMA 3:13

Marangi ghawo ni sa kaburi iko iari, watumia chumi rawo kwa kughora tee. Madedo gha memu yawo ni sa wusungu ghwa choka.

WAKOLOSAI 1:19

Angu erem'boieghe Mlungu kuchua kwake kose kukaie andenyi ya uo Mwana;

WAKOLOSAI 2:9

Angu andenyi ya Kristo, ghwadakaia wulungu ghose kwa chia ya mumbi;

WAEBRANIA 9:2

Angu hema ereboisiroghe, iyo ya cha shighadi; na andenyi kwaro korekoghe na kilambo chewikiria taa, meza, na Mikate ifunyiro kwa Mlungu; nako kwadawangwa Andu kwa Wueli.

WAEBRANIA 9:24

Angu Kristo nderengirieghe Andu kwa Wueli kubonyero ni mikonu, kuko fwana ya uko kwa loli anduangi, ela orengirieghe mlungunyi koni; upate kuwoneka imbiri ya Mlungu kwa wundu ghodu.

WUFUNUO 11:12

Niko awo walodi wikasikira lwaka lubaa kufuma mlungunyi lukiwizera, “Jokenyi nokunu.” Nawo wikajoka cha mlungunyi andenyi ya iwingu imbiri ya meso gha wamaiza wawo.

WUFUNUO 12:12

Kwa wundu ugho, boilonyi ee mlungunyi, nenyo mmbose mkaiagha andenyi kwaro. Ela ni bugha konyu ee ndoenyi, na bahari, angu uo Ibilisi wamseria inyo uko na machu mabaa, angu waichi kukaia ngelo yake ni vui.”

WUFUNUO 15:5

Nyuma ya agha nerezighanireghe, ngawona hekalu yarughulwa mlungunyi, na andenyi yaro korekoghe na Hema ya Wushuhuda;

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”

WUFUNUO 21:3

Ngasikira lwaka lubaa kufuma kwa icho kifumbi cha nguma lukighamba, “Ola wulalo ghwa Mlungu ni andwamweri na wadamu. Nao uchakaia andwamweri nawo, nawo wichakaia wandu wake; Mlungu moni uchakaianya nawo.

WUFUNUO 4:1

Nyuma ya agho, nerezighanireghe, nao ola, ngawona mnyango ghwarughulwa mlungunyi! Na ulo lwaka nerezoeghe kulusikira lukighora nani sa tarumbeta lukaghamba, “Joka nokunu, nani nichakuwonyera iro maza riko na suti ekaia nyuma ya agha.”

WUFUNUO 4:4

Mbai-mbai ya icho kifumbi cha nguma, verekoghe vifumbi vimu va nguma mirongo iwi na vina, na waghosi mirongo iwi na bana waseria aighu yaro, wirwae nguwo ra chokwa na virumbu va dhahabu vongonyi kwawo.

WUFUNUO 5:13

Nao ngasikira kula kindo chiumbilo chiko mlungunyi, na ndoenyi, na andoenyi na kosi, na andenyi ya bahari, vilambo vose viko vikighamba, “Kwa uo useagha kidombo aighu ya kifumbi cha nguma, na kwa Mwana wa Ng'ondi, ndeghikaie makaso, ishima, wubaa, na kudima kwa kala na kala.”

WUFUNUO 7:15

Kwa huwo, weko imbiri ya kifumbi cha nguma cha Mlungu, nawo wadamtasa kio na dime andenyi ya hekalu yake; na uo useagha kidombo aighu ya kifumbi cha nguma uchawilindia kwa kukanya nawo.

WUFUNUO 7:9

Nyuma ya agho, nerezighanireghe ngawona izungu ibaa nandighi ja wandu, mndungi usedimagha kujitala; jerefumieghe kula mbari, na kula kichuku, na wandu, na viteto, jikikaia kimusi imbiri ya icho kifumbi cha nguma na imbiri ya uo Mwana wa Ng'ondi, jirwae nguwo ra chokwa, wiko na maghangachi mikonunyi kwawo,