WUFUNUO 13:2 - Biblia Ilagho Jiboie Kwa Wandu Wose

² Iyo nyamandu nereiwonieghe, erekoghe sa inge, maghu ghake gherekoghe sa gha kibarabara, na momu ghwake ghorekoghe sa ghwa shimba; iyo choka ikaineka iyo nyamandu ndighi rake, kifumbi chake cha nguma, na nguma mbaa.

WUFUNUO 13:2 ပူးပေါင်းရင်းမြစ်များ

2 WAZURI 2:24

Elisha ukaghaluka nanyuma ukawiwona; ukawiwasira njowe kwa irina ja BWANA, na vibarabara va waka viwi vikafuma kilembenyi na kuwirashua-rashua wana wa womi mirongo ina na wawi.

ZABURI 22:21

Kunivuvuo momunyi ghwa shimba, vuvua roho yapo yawuyatirirwa ni mbembe ra mbogho.

MAKATANISHO 17:12

Ni baa kukwana na kibarabara chisokelo wana wake, kuchumba kukwana na mkelu ubonyagha maza ra wukelu.

MAKATANISHO 28:15

M'bonyi nguma uzamie ooka sa shimba irurumagha kwa wakiwa, angu sa kibarabara chichumbiagha wandu.

ISAYA 5:29

Masikari ghawo ghiaruma sa shimba, wiaruma sa shimba ngoo; waruma na kuwada madiwo ghawo, waghiduka, na mndungi ndeuko otesia.

JEREMIA 13:23

Welee, Muethiopia wadima kukughalua rangi yake, angu inge kughalua maboli ghake? Nenyo wori ndemdimagha kubonya mecha ingelo mlisire kubonya mawiwi.

JEREMIA 5:6

Kwa huwo wichabwaghwa ni shimba ifumagha kilembenyi, na kikwau chifumagha kireti chichawitotesha. Inge yaawuyalaliria mizi yawo, mndungi uchaafuma ucharashulwa vipande vipande, kwa kukaia makosa ghawo ni mengi, na kuwuya nyuma kwawo kwakaia kubaa.

HOSEA 11:10

“Wandu wapo wichaninugha, iji nawirurumia wamaiza wawo sa shimba. Wichashashira kunikimbiria wikisughusika kufuma magharibi.

AMOSI 3:12

BWANA waghamba huwu, “Sa iji koni mlisha upatagha maghu awi angu kudu kwa ng'ondi kufuma momunyi kwa shimba, huwo koni wandu watinieri tu wa Israeli wikaiagha Samaria, awo wiseagha kidombo aighu ya makochi ghawo wichavuvulwa.

AMOSI 5:19

jeeka seji mundu uikimbiagha shimba nao ukwane na kibarabara angu seji mundu ungiagha nyumbenyi, nao eukusaghikagha na wurigha, ulumo ni choka.

HABAKUKI 1:8

“Farasi rawo raangue kuchumba inge; rabirie kuchumba vikwau vasinda njala. Wajoki farasi wawo wacha wikirama-rama wikukasire wafuma kula; waghenda na iseghe sa indu rikunde kufondia madiwo ghawo.

2 TIMOTHEO 4:17

Ela Bwana orekoghe andwamweri nani, ukanineka ndighi rewichilia ghose, eri wandu wa mbari zima wose wipate kusikira. Aho ngavuvulwa sa kufuma momunyi ghwa shimba.

1 PETRO 5:8

Kaienyi na akili mchereshe. M'maiza onyu, uo Ibilisi, waawuyamara-mara sa shimba irurumagha ikimlola mndungi ipate kumja.

WUFUNUO 12:13

Nao iji iyo choka yawona angu yapotolwa andoenyi, ikamnugha uo muka orevaeghe uo mwana wa womi;

WUFUNUO 12:15

Iyo choka ikafunya machi momunyi kwake sa moda na nyuma ya uo muka, upate kudwalwa ni kusalama kwa agho machi.

WUFUNUO 12:9

Na iyo choka mbaa ikapotolwa, iyo choka ya kala, iyo iwangwagha Ibilisi na Shetani, uo mkalii wa wurumwengu ghose; nao ukapotolwa andoenyi chiaimweri na weke malaika wake.

WUFUNUO 13:12

Nayo ikatumia nguma rose ra iyo nyamandu ya imbiri mesonyi kwake; na kuwibonya wandu wose wikaiagha ndoenyi wiitase iyo nyamandu ya imbiri erekoghe seji eebarwa lughuma na chonda chake chikaona.

WUFUNUO 13:4

Wandu wikaitasa iyo choka, angu ereinekieghe nguma iyo nyamandu; nawo wikaitasa iyo nyamandu wikighamba, “Nani ufwanane na iyo nyamandu, na nani udimagha kulwa nayo?”

WUFUNUO 16:10

Nao malaika wa kasanu ukawada bakuli yake, na kudia aighu ya kifumbi cha nguma cha iyo nyamandu, na wuzuri ghwake ghukangilwa ni kira. Wandu wikaluma chumi rawo kwa kuwawa kubaa,

WUFUNUO 17:12

Na iro mbembe ikumi kuriwonie, ni wazuri ikumi wisepatire ndighi rebonya nguma, ela wicharumirilwa kubonya nguma sa wazuri chiaimweri na iyo nyamandu kwa saa imweri.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.

WUFUNUO 2:13

Namanya andu kukaiagha; ni andu kifumbi cha nguma cha Shetani chiko. Oho kwamaziriane nani, hata ndekorejikanieghe irumirio japo hata kwa agho matuku gha Antipa mshahidi wapo na mloli wapo; uo orebwaghiloghe aghadi konyu, andu Shetani ukaiagha.

WUFUNUO 20:2

Nao ukaiwada ija choka, iyo choka ya kala, nao ni uo Ibilisi na Shetani, ukamfunga miaka elfu,