WUFUNUO 11:3 - Biblia Ilagho Jiboie Kwa Wandu Wose

³ Nani nichawineka ndighi washahidi wapo wawi, wipate kuchila ilagho ja Mlungu matuku elfu na maghana awi na mirongo irandadu, wikirwa nguwo ra magunia.”

WUFUNUO 11:3 ပူးပေါင်းရင်းမြစ်များ

KUZOYA 37:34

Nao Jakobo ukarashua nguwo rake kwa wasi, ukarwa nguwo ya igunia kiwonunyi kwake, na kumlilia mwana wake kwa matuku mengi.

2 SAMUELI 3:31

Nao Daudi ukafunya momu kwa Joabu na awo wandu werekwanyeghe, ukawizera, “Rashuonyi nguwo renyu, muro magunia viwonunyi konyu, mumlilie Abneri.” Nao mzuri Daudi ukakaia ukiinugha jeneza.

1 WAZURI 21:27

Ahabu uendasikira malagho agho, ukarashua nguwo rake na kurwa nguwo ra magunia; ukafunga tumu na kulala magunienyi ukikusera nandighi.

2 WAZURI 19:1

Hezekia uendasikira agho malagho, ukarashua nguwo rake kwa wasi, ukarwa nguwo ra magunia na kughenda Hekalunyi kwa BWANA.

1 MALAGHO GHA NGELO 21:16

Daudi ukawusira meso ghake ukammbona uo malaika wa BWANA, uko kimusi ghadi na ghadi ya mlungunyi na ndoenyi uko na lufu mkonunyi walughorua aighu ya Jerusalemu. Daudi na waghosi wirwae nguwo ra magunia wikaghwa kiwushu-wushu.

NEHEMIA 9:1

Ituku ja mori mirongo iwi na inya ja ugho mori ghoni, wandu wa Israeli wikakwanyika kufunga tumu kwa wundu ghwa kaung'a rawo. Wikakudunga teri vongonyi kwawo, na kurwa nguwo ra magunia kuwonyera wasi.

AYUBU 16:15

Narwae nguwo ya igunia kwa wasi; naawuyalala terinyi nilemelo putu.

ZABURI 69:11

Iji nererwaeghe nguwo ra magunia kwa wasi, wandu werenisekieghe.

ISAYA 22:12

Ngelo iyo, Bwana MLUNGU wa majeshi orekoghe ukimmbanga mpate kulila na kukema, na kuara vongo venyu kwa wasi, mkirwa nguwo ra magunia.

JEREMIA 1:10

Wona, idime nakuneka nguma aighu ya mbari ra wandu na aighu ya mawuzuri, kukuo na kuchikanya; kunone na kukumba noko, kuaghe na kuwa.”

KILILO CHA JEREMIA 2:10

Waghosi wa Jerusalemu wasea kidombo kwawo, na kurwa nguro ra magunia kwa wasi. Wai waghoghomesha vongo vawo andonyi.

EZEKIELI 4:6

Kukameria mtalo ghwa agho matuku, kuchaghaluka luwaru, kulale indo ja kawi na luwaru lwa mkonu ghwa kiwomi, kupate kuduka ikabo ja wandu wa Juda; mtalo ghwaro nikuwikie ghuchakaia matuku mirongo ina, ituku jimweri jikatanisho na mwaka ghumweri.

DANIELI 12:7

Nao uo malaika urwae marwao gha kitani, uko nalughu ya machi gha ugho moda ukawusira mikonu yake yose nokoighu cha mlungunyi; ngamsikira ukighema kwa uo uduagha moyo kwa kala na kala kukaia, ichadwa ngelo, na ngelo iwi, na nusu ngelo; na ndighi ra waeli rikameria kuvika kutua kwaro, malagho agho ghose ghichakaia ghakatishwa.

DANIELI 7:25

Uchadeda malagho ghelwa na Uo-Uko-Aighu-Nandighi, na kuwikoronga waeli wake, nao uchatima kughalua sharia rawo ra dini na ndima; nawo wichangirwa mikonunyi kwake kwa miaka idadu na nusu.

DANIELI 8:14

Nao ukamtumbulia, “Ichadwa matuku elfu imweri ighana jimweri na mirongo misanu vizongona va nakenyi na va nakesho visefunywagha. Konyuma Hekalu ichaeleshwa sena.”

JOELI 1:13

Ronyi nguwo ra magunia mlile ee Wakohani; inyo mdumikagha madhabahunyi, lilenyi ahoeni. Choonyi mlale mrwae nguwo ra magunia inyo mdumikagha imbiri ya Mlungu wapo! Kwa kukaia mafunyo gha viro na gha kunywa, ghasoweka Hekalunyi kwa Mlungu onyu.

JONA 3:5

Wandu wa Nineve wikamrumiria Mlungu, wikaeresha malagho wandu wifunge tumu; wikarwa nguwo ra magunia kufuma m'baa wawo, hata mtini wawo.

JONA 3:8

Ela mdamu na nyamandu rirusho nguwo ra magunia, na kumlilia Mlungu nandighi; ee, kula mundu ndeghaluke na kutana na wuwiwi ghwake, na lung'eto uko nalo.

MITALO 11:26

Ela korekoghe wandu wawi weresigharikieghe kambinyi umu orewangwagha Eldadi na umu Medadi; na iyo roho ikawiseria waandikishwa, ela ndewereghendieghe hemenyi; kwa huwo wikafunyira wulodi ahoeni kambinyi.

MATHAYO 11:21

“Ni bugha kwako Korazini! Ni bugha kwako Bethsaida! Kwa kukaia weke mwakilimbiti werebonyeroghe kwako, ngera wedebonyerwa Tiro na Sidoni, kumangu wamerie kuhea koicho wikirwa nguwo ra magunia na kukudunga maivu.

MATHAYO 18:16

Iji walegha kukusikira kudo mundu umweri angu wawi, eri ilagho jimangisho kwa wushuhuda ghwa washahidi wawi angu wadadu.

LUKA 10:13

“Ni bugha kwako Korazini! Ni bugha kwako Bethsaida! Angu weke mwakilimbiti wibonyekie kwako, ngera wedebonyerwa Tiro na Sidoni, kumangu wamerie kuhea koicho, wikirwa nguwo ra magunia na kusea kidombo ivunyi.

LUKA 24:48

Inyo moko mashahidi wa maza iri.

JOHANE 15:27

Nenyo wori mo washahidi, kwa kukaia morekwanyeghe na ini kufuma imbiri.

JOHANE 3:27

Johane ukawizera, “Mndungi ndedimagha kukaia na kilambo chingi ngera usenekelo ni Mlungu.

MABONYO GHA WADUMI 1:8

Ela mchapata ndighi, iji Roho Mweli wamchea aighu konyu; nenyo mchakaia washahidi wapo andenyi ya Jerusalemu, Judea kose, Samaria, na hata kutua kwa ndoenyi.”

MABONYO GHA WADUMI 13:31

na kwa matuku malazi orewoneloghe ni awo werechanyeghe nao kufuma Galilaya hata Jerusalemu, awo idana wiko washahidi wake kwa wandu.

MABONYO GHA WADUMI 2:32

Uo Jesu, Mlungu oremrukishireghe kufuma kwa wafu, nesi diwose deko washahidi wa maza iri.

MABONYO GHA WADUMI 3:15

Mkam'bwagha uja M'baa wa irangi, ela Mlungu oremrukishireghe kufuma kwa wafu, nesi deko washahidi wa maza iri.

1 WAKORINTHO 12:28

Na Mlungu wawikie andenyi ya ikanisa: imbiri wadumi, kawi walodi, kadadu walimu; sena wabonyi weke mwakilimbiti, waboisi wakongo, watesia, wazighaniri, na waghori wa viteto vizima-vizima.

2 WAKORINTHO 13:1

Nawuyacha konyu indo ja kadadu. Mashitakio ghangi ghichamangishwa kwa wushuhuda ghwa wandu wawi angu wadadu.

WAEFESO 4:11

Na manosi ghake gherekoghe wamu wikaie wadumi, wamu wikaie walodi, wamu wikaie wachili wa Ilagho Jiboie, wamu wikaie walisha, na wamu wikaie walimu;

WUKUMBUSO 17:6

Mundu uchabwagha kwa wushuhuda ghwa wandu wawi angu wadadu; ela ndedimagha kubwaghwa kwa wushuhuda ghwa mundu umweri.

WUKUMBUSO 19:15

“Wushahidi ghwa mundu umweri ndeghukatagha kum'bonya mundu utanyo aighu ya ikosa jingi ijo jose ujibonyere; wushahidi ghwa wandu wawi angu wadadu nigho ghukatagha kumtanya mundu kukaia na ikosa.

WUFUNUO 1:5

na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,

WUFUNUO 11:2

Ela kuseipime iyo waza iko shighadi ya hekalu, kuseipime; angu yamerie kunekwa iro mbari, nawo wichaghuwadia-wadia ugho muzi ghwa wueli kwa meri mirongo ina na iwi.

WUFUNUO 11:6

Weko na nguma efunga mawingu, vua ingi isenye ngelo ya kuchila kwawo; sena weko na nguma reghalusa machi ghiwuye bagha, na kuikaba ndoe kwa kula ikabo shwa kwa shwa seji wikundagha weni.

WUFUNUO 12:6

Uo muka ukakimbia cha kireti, andu Mlungu orem'boisireghe wulalo ghwake, upate kulishwa aho matuku elfu imweri maghana awi na mirongo irandadu.

WUFUNUO 13:5

Na iyo nyamandu erenekeloghe kughora malagho gha masholio kwa lung'eto, ikanekwa meri mirongo ina na iwi ebonya nguma.

WUFUNUO 19:10

Niko ngaghwa kijimijimi maghunyi kwa uo malaika nipate kumtasa; ela uo ukanizera, “Kusakebonya huwo! Ini ne mdumiki sa kumoni, na sa awo wanyinyu wiwadie wushuhuda ghwa Jesu. Mtase Mlungu.” Angu ugho wushuhuda ghwa Jesu, niyo roho ya wulodi.

WUFUNUO 20:4

Niko ngawona vifumbi va nguma, na awo wereviserieghe, ni awo werenekeloghe nguma retanya. Na wokoni nerewonieghe roho ra wandu weredumbuloghe vongo kwa wundu ghwa kumshuhudia Jesu, na kwa wundu ghwa ilagho ja Mlungu, awo wisereitasireghe iyo nyamandu hata mlimu ghwake; hata ndewerebonyeroghe alama ingi yake chamunyi kwawo, angu mikonunyi kwawo anduangi. Wikakaia moyo, na kubonya nguma andwamweri na Kristo miaka elfu.