WATANYI 7:4 - Biblia Ilagho Jiboie Kwa Wandu Wose

⁴ BWANA ukamzera Gideoni, “Awandu waduagha wengi, wighenje cha modenyi nipate kuwitima kwa wundu ghwako; uo ose nichaakuzera, kughendanye nao, mchaaghendanya; na uo ose nichaakuzera, mseghendanye, kuchamsigha.”

WATANYI 7:4 ပူးပေါင်းရင်းမြစ်များ

KUZOYA 22:1

Nao nyuma ya maza iro, Mlungu ukamtima Abrahamu ukaghamba, “Abrahamu!” Nao ukadika, “Neko aha.”

AYUBU 23:10

Elaima Mlungu waichi mighendo yapo; ukameria kunitima, nichawoneka nielie sa dhahabu.

ZABURI 33:16

Wusimi ghwa mzuri ndeghuredwagha ni ijeshi jake ibaa, hata ing'oni ndejikirwagha ni ndighi rake nyingi.

ZABURI 66:10

Kwaditimie ee Mlungu; kwaditimie seji feza ieleshwagha kwa modo.

ZABURI 7:9

Ee Mlungu wa hachi, kuzighanagha nia na ngolo ra wandu; meria kiwiwi cha wandu wizamie, na kuwimangisha wahachi.

WATANYI 7:5

Niko Gideoni ukawisera wandu modenyi, na BWANA ukamzera, “Kula mundu uchaanywa machi kwa kughileta na lumi sa koshi, kummbike mbai; na uo udungagha ngokoro ima unyo, kummbike mbai wokoni.”

1 SAMUELI 14:6

Nao Jonathani ukamzera uja mdawana oremdukiagha maswagha, “Nndoko diruwuke ija chia cha ngomenyi ya awa wandu wiseshamishiro, kewada BWANA wadima kuditesia; kwa kukaia ndekuwadie ilagho jingi jidimagha kumghiria BWANA usekire kwa kutumia wandu wengi angu watini.”

1 SAMUELI 16:7

Ela BWANA ukamzera Samueli, “Kusezighane fwana yake angu wulacha ghwake; kwa kukaia uo nameria kumlegha. BWANA ndezighanagha seji mdamu uzighanagha, kwa kukaia mdamu wadazighana cha shighadi ela BWANA wadazighana cha ngolonyi.”