WATANYI 4:7 - Biblia Ilagho Jiboie Kwa Wandu Wose

⁷ Nani nichamreda Sisera, m'baa wa majeshi gha Jabini, chiaimweri na majeshi ghake, na magare ghake, upate kulwa na oho modenyi ghwa Kishoni; nani nichamfunya mikonunyi kwako kupate kumsima.’”

WATANYI 4:7 ပူးပေါင်းရင်းမြစ်များ

1 WAZURI 18:40

Elija ukawizera, “Wadenyi awo walodi wa Baali; msemfufunushe ungi.” Wandu wikawiwada. Elija ukawighenja hata kamoda ka Kishoni, ukawibwagha.

KUFUMA 14:17

Nicharikurisha ngolo ra Wamisri, wipate kuwinugha, nani nichapata kukaswa aghadi ya Farao na majeshi ghake ghose; magare ghake na wajoki farasi wake.

KUFUMA 14:4

Nani nichaikurisha ngolo ya Farao, nao uchamnugha. Na wusimi ghwapo aighu ya Farao na majeshi ghake ghuchaniredia wubaa; niko Wamisri wichamanya kukaia Ini ne BWANA.” Nao Waisraeli wikabonya sa iji koni wereghoreloghe.

KUFUMA 14:8

BWANA ukaikurisha ngolo ya Farao mzuri wa Misri, nao ukawinugha Waisraeli ngelo werekoghe wikighenda kwa wuing'oni.

KUFUMA 21:13

Ela ikakaia odem'bwagha kwa ndengwa, uchakimbiria andu nichaamsaghuya.

JOSHUA 10:8

BWANA ukamzera Joshua, “Kusakeobua, angu awo wose nawingira mkonunyi kwako, ndekuwadie mndungi uchaadima kukusima.”

JOSHUA 11:20

Angu ni BWANA moni orewikurishireghe ngolo wilo na Waisraeli, eri wipate kutoteshwa wose kuseko na wughoma ghungi sa iji koni BWANA oremlaghirieghe Musa.

JOSHUA 11:6

BWANA ukamzera Joshua, “Kusakewiobua, angu kesho ngelo sa ihi nichawibwagha wose kwa wundu ghwa Israeli; kuchachikanya farasi rawo maghu, na kughikora magare ghawo.”

JOSHUA 8:7

Niko aho mchafuma kivisonyi konyu na kughuwada ugho muzi, angu BWANA Mlungu onyu uchaghungira mikonunyi konyu.

WATANYI 4:14

Debora ukamzera Baraka, “Wuka kwende! Angu idime nijo ituku BWANA wamngira Sisera mkonunyi kwako. BWANA wawuyakiria imbiri kwako.” Niko Baraka ukasea kufuma Mghondi ghwa Tabori andwamweri na wandu weremnughieghe elfu ikumi.

WATANYI 4:8

Niko Baraka ukatumbulia, “Neko tayari kughenda ikakaia dichaaghendanya ela ngera oho kuseghendanyagha nani, na ini wori sichaaghenda.”

WATANYI 5:21

Machi mengi gha Kishoni gherewidwaeghe noko, agho machi mengi gha Moda ghwa Kishoni, ghiseagha shwa-shwa. Ghenda imbiri kwa ndighi ee roho yapo!

1 SAMUELI 24:10

Ola idime iji kwawona kumoni na meso ghako seji BWANA ukungirieghe mikonunyi kwapo aja mbangenyi; hata wandu wamu wikanilomba wei nikubwaghe, ela ngalegha kukubwagha ngighamba, ‘Sidimagha kuwusira mkonu ghwapo aighu ya bwana wapo, angu uo ni mshingwa mavuda wa BWANA.’

1 SAMUELI 24:18

Na idime kwawonyera seji kunibonyere nicha kwa kuleghanibwagha ingelo BWANA uningirieghe mikonunyi kwako.