WAROMA 7:4 - Biblia Ilagho Jiboie Kwa Wandu Wose

⁴ Huwo koni wanidu, mwafue cha Sharienyi, kwa chia ya mumbi ghwa Kristo; mpate kuwuya wa mzima, uo orerukishiroghe kufuma kwa wafu; eri dipate kumvaia Mlungu matunda.

WAROMA 7:4 ပူးပေါင်းရင်းမြစ်များ

ISAYA 54:5

Kwa kukaia Muumbi wako nuo sa mumi wako, irina jake ni BWANA wa majeshi; na Mkomboli wako ni Mlungu Mweli wa Israeli, wadawangwa Mlungu wa wurumwengu ghose.

ISAYA 62:5

Sa iji koni mdawana umlowuagha mwai, huwo koni wana wako wichawusa isanga jako; na sa iji koni bwana arusi uboilwagha ni mwai ulowolwagha, huwo koni Mlungu wako uchaboilwa ni oho.

MATHAYO 26:26

Nao iji werekoghe wikija vindo, Jesu ukawusa mkate, ukafunya chawucha ukaghuchikanya ukawineka wanughi wake ukighamba, “Koonyi muje, ughu nigho mumbi ghwapo.”

MARKO 4:20

Ela wamu ni sa rija mbeu rerewaloghe ndoe iwurue. Awo wajisikira jija ilagho na kujirumiria; nawo wava umu mirongo idadu, na umu mirongo irandadu, na umu ighana.”

JOHANE 15:8

Aba uchakaswa mkava matunda mengi, nenyo mchawoneka kukaia moko wanughi wapo.

JOHANE 3:29

Uo uko na muka nuo bwana arusi, ela mghenyi wa bwana arusi, uo ukaiagha kimusi na kumsikira, wadaboilwa kumsikira bwana arusi ukideda. Idana kuboilwa kwapo kwakatishwa.

JOHANE 6:51

Ini nuo ugho mkate ghuko moyo ghoreserieghe kufuma mlungunyi. Mndungi ukaja mkate ugho, uchakaia moyo kwa kala na kala. Na mkate nichaaghufunya kwa wundu ghwa irangi ja wurumwengu, ni mumbi ghwapo.”

WAROMA 6:11

Nenyo mmbeni wori mkutale kukaia mwafue cha kaung'enyi, na kukaia moyo kwa Mlungu andenyi ya Kristo Jesu.

WAROMA 6:14

Angu kaung'a ndeichaabonya nguma aighu yenyu anduangi, kwa kukaia ndemduagha aisi ya Sharia, ela moko aisi ya mvono.

WAROMA 6:2

Hata kutini. Isi difue cha kaung'enyi didima wada kudua moyo andenyi yaro sena?

WAROMA 6:22

Ela idana mmeria kufunywa kaung'enyi, na kuwuya wazumba wa Mlungu, fwaida mpatagha ni kueleshwa, na kutua kwaro irangi ja kala na kala.

WAROMA 7:3

Kwa wundu ugho, muka ukakanya na mndwawomi mzima iji mumi wake uko moyo, wadawangwa mlaki. Ela mumi ukafwa, wadafungulwa kufuma kwa ija sharia, hata ukalowolwa ni mndwawomi mzima ndekaiagha mlaki anduangi.

WAROMA 7:6

Ela idana dafungulo kufuma Sharienyi, angu dafue ichia cha icho cheredibonyereghe kukaia wazumba, eri disedumike aisi ya malaghiro gha maandiko gha kala, ela didumike andenyi ya irangi iwishi ja Roho.

WAROMA 8:2

Angu ija Sharia ya Roho wa irangi jiko andenyi ya Kristo Jesu, yanibonyere nisekaie aisi ya sharia ya kaung'a na kifwa.

1 WAKORINTHO 10:16

Icho kikombe cha irasimio dichifunyiragha chawucha-lee, ndechiko ngara na bagha ya Kristo anguwada? Ugho mkate dighuchikanyagha-lee, ndeghuko ngara na mumbi ghwa Kristo anguwada?

2 WAKORINTHO 11:2

Neko na iriso ja Kimlungu kwa wundu ghonyu, angu inyo mooka sa mwai uelie nimkumbie wulanga, nipate kumreda kwa mumi wake umweri, uo Kristo.

WAGALATIA 3:13

Kristo oredikombueghe kufuma kwa njowe ya Sharia, kwa kuwuya njowe uo moni; angu yaandikilo, “Ndewado ni njowe kula mundu unyonyoreshwagha mudinyi”,

WAGALATIA 5:18

Ela mkaghenjwa ni Roho, ndemkaiagha aisi ya Sharia anduangi.

WAEFESO 2:15

kwa kuinja nambai ija Sharia ya memu na malaghiro kwa mumbi ghwake; upate kuumba mundu umweri mmbishi andenyi kwake wulalo ghwa awo wawi, na huwo ukareda sere.

WAFILIPI 1:11

muko mchulo ni matunda gha hachi agho ghifumanyagha na Jesu Kristo, kwa wubaa na kukasa kwa Mlungu.

WAFILIPI 4:17

Si angu wei naawuyalola agho manosi, ela naawuyalola itunda jichuriagha mtalo ghonyu.

WAKOLOSAI 1:10

Mkaie na irangi jimfwanagha Bwana, jim'boiagha putu, mkibonya kazi ndicha kwa kula chia, na kuchurikia kwa kummanya Mlungu.

WAKOLOSAI 1:22

Ela idana, wampatanishire na uo moni kwa chia ya kifwa cha Mwana wake, uko na mumbi ghwa nyama; upate kumreda inyo imbiri kwake wandu wielie, msewadie iboli hata ikosa jingi.

WAKOLOSAI 1:6

jerechieghe konyu, sa iji koni loli jawuyaera wurumwengunyi kose jikiva matunda na kuzoghua. Huwo koni, na aghadi konyu, kufuma morejisikireghe na kutambukilwa ni ugho mvono ghwa Mlungu andenyi ya loli,

WAKOLOSAI 2:14

na kuivuta ija karatasi ya mashitakio erekoghe ikidishitakia kwa sharia raro; nayo oreiwikieghe na mbai, ukiiwamba aighu ya msalaba.

WAKOLOSAI 2:20

Ikakaia morefueghe andwamweri na Kristo, mkarisigha maza ra asili ra pepo ribonyagha nguma wurumwengunyi, kwaki sena mwawuyakaia sa wandu wa wurumwengu? Kwaki mwawuyakuwika aisi ya malaghiro?

WAEBRANIA 10:10

na kwa ulo lukundo lwa Mlungu, damerie kueleshwa kwa chia ya kufunywa kwa mumbi ghwa Jesu Kristo ijo indo jimweri tua.

1 PETRO 2:24

Kristo moni oreridukieghe kaung'a redu mumbinyi kwake aighu ya mudi, eri dipate kufwa cha kaung'enyi, na kukaia moyo cha hachinyi. Kwa makabo ghake, moreombochologhe.

WUFUNUO 19:7

Ndediboilo na kuzuma, dimneke ugho wubaa, angu harusi ya uo Mwana wa Ng'ondi yameria kuvika, na mkake wakuwika nicha.

WUFUNUO 21:9

Nao umu wa awo weke malaika mfungade, werekoghe na iro bakuli mfungade richue agho makabo mfungade gha kutua, ukacha ukanizera, “Choo nikuwonyere uo mwai ulowolwagha, uo muka wa Mwana wa Ng'ondi.”