WAROMA 13:5 - Biblia Ilagho Jiboie Kwa Wandu Wose

⁵ Kwa wundu ughu, suti mundu uwisikire awo wibonyagha nguma; si kwa kuobua adhabu ya Mlungu iekeri, ela hata na nia wori yaawuyakutanya wokoni.

WAROMA 13:5 ပူးပေါင်းရင်းမြစ်များ

MCHILI 8:1

Mundu wa hikima nuo umanyagha malagho seji ghiko. Hikima yadam'bonya ukaie na kuboilwa, na kubonya wushu ghwake ghukaie ghuelie.

MCHILI 8:2

Kumsikire mzuri, hata kusebonye malaghiro kwa Mlungu kwa shwa-shwa.

MABONYO GHA WADUMI 24:16

Kwa huwo naawuyafunga ndighi matuku ghose nisekaie na ikosa jingi imbiri ya Mlungu, na imbiri ya wandu wori.

WAROMA 13:6

Ni kwa wundu ughu mwalipa kodi wori, angu awo wabonyi nguma wikakabonya iro kazi wadamdumikia Mlungu.

WAEBRANIA 13:18

Mudilombie, angu isi deko na loli kukaia nia redu raelie, nesi dakunde kubonya maza rose kwa ishima.

1 PETRO 2:19

Angu mundu wadakaswa, ikakaia warumaghia iji watirirwa kuseko na hachi kwa wundu ghwa Mlungu.

1 PETRO 3:16

mkikaia na nia ielie, eri iji mwadukanwa, awo wisholiagha tabia renyu riboie andenyi ya Kristo, wipate kufwa waya.