WALAWI 9:9 - Biblia Ilagho Jiboie Kwa Wandu Wose

⁹ na wana wake wikamredia iyo bagha, nao ukangira chala chake baghenyi, ukashinga mbembe inya ra madhabahu, na bagha isigharikie ukaidia nandonyi ya madhabahu.

WALAWI 9:9 ပူးပေါင်းရင်းမြစ်များ

EZEKIELI 43:15

Naighu ya madhabahu, aho vizongona vikorelwagha, erekoghe na wuighu ghwa meta iwi. Kufuma aho koredungiloghe na mbembe inya ra madhabahu.

EZEKIELI 43:20

Na oho kuchawada bagha imu na kuishinga aighu ya mbembe inya ra madhabahu na kona raro, na ugho mkele ghuimarie chia rose; kwa chia iyo, kuchaielesha madhabahu na kuiwika wakfu.

WALAWI 16:18

Niko uchaghenda madhabahunyi iko imbiri ya BWANA, kuielesha. Aho uchawada bagha imu ya njau, na imu ya mburi, na kuimichira mbembe rose ra madhabahu.

WALAWI 4:25

Niko mkohani uchawada bagha imu ya kizongona kwa wundu ghwa kaung'a na chala chake, na kuishinga aighu ya mbembe ra madhabahu ekoria vizongona; na bagha yasigharika uchaidia nandonyi ya madhabahu ghekoria vizongona.

WALAWI 4:30

Na mkohani uchawada imu ya bagha yake na chala chake na kuishinga aighu ya iro mbembe ra madhabahu ekoria vizongona na bagha yasigharika uchaidia nandonyi ya madhabahu.

WALAWI 8:15

Nao Musa ukaibwagha, ukawada bagha na chala chake ukarishinga rija mbembe inya ra madhabahu na kuielesha; ukadia bagha nandonyi ya madhabahu na kuiwika wakfu ipate kukaia ereda mapatano.

WALAWI 9:10

Ela mavuda na figho, na kipande chiboie cha idima kufuma kwa icho kizongona kwa wundu ghwa kaung'a, orevikorieghe aighu ya madhabahu, sa iji koni BWANA oremlaghirieghe Musa.

WALAWI 9:12

Nao ukabwagha nyamandu kwa wundu ghwa kizongona chekora, na wana wake wikamredia bagha; nao ukashinga chuwaru inya ra madhabahu.

WALAWI 9:18

Wokoni ukabwagha njau na bauru, rikaie kizongona cha mapatano kwa wundu ghwa wandu, na wana wake wikamredia bagha; nao ukashinga chuwaru rose inya ra madhabahu.

WAEBRANIA 2:10

Angu erefwaneghe, Mlungu uo uumbie vilambo vose, sena kwa chia yake vikakaia, umkatishe Jesu kwa chia ya matiriro, eri upate kuwireda wana wengi wingie kwa wubaa ghwake. Angu Jesu nuo kilongozi cha kukia kwawo.