WALAWI 9:4 - Biblia Ilagho Jiboie Kwa Wandu Wose

⁴ njau na bauru rikaie kizongona cha mapatano chifunywagha imbiri ya BWANA, na kizongona cha viro chiranganyiro na mavuda; kwa kukaia BWANA uchakuwonyera konyu idime.”

WALAWI 9:4 ပူးပေါင်းရင်းမြစ်များ

KUFUMA 16:10

Hata iji Haruni orekoghe ukighora na ikwanyiko jose ja wandu wa Israeli, wikazighana cha kireti, wikawona wubaa ghwa BWANA ghuko andenyi ya iwingu.

KUFUMA 19:11

na ituku ja kadadu wikaie tayari. Ituku ijo nichasea aighu ya mghondi ghwa Sinai mesonyi kwa wandu wose.

KUFUMA 24:16

Wubaa ghwa BWANA ghukakaia aighu ya Mghondi ghwa Sinai, na iwingu jikaghufinikira kwa matuku arandadu. Ituku ja mfungade, BWANA ukammbanga Musa aghadi kufuma kwa ijo iwingu.

KUFUMA 29:43

Nichakwana na wandu wa Israeli aho; na wubaa ghwapo ghuchakubonya andu aho kukaie Kuelie.

EZEKIELI 43:2

Ngawona wubaa ghwa Mlungu wa Israeli ghukicha kufuma mashariki. Lwaka lwake lorekoghe sa lwaka lwa machi mengi; ndoenyi kukang'ala-ng'ala kwa wundu ghwa wubaa ghwake.

EZEKIELI 43:27

Wikameria kukatisha agho matuku, kufuma ituku ja wunyanya na matuku mazima ghose, mkohani uchakaia ukifunya vizongona aho madhabahunyi; vizongona venyu vekora na va mapatano, nani nichamrumiria, ini Bwana MLUNGU naghamba.”

WALAWI 2:1

“Mndungi ukakafunya ifunyo ja viro kwa BWANA, uchasha ivo viro viwuye mufu ghudendere; nao uchaghudunga mavuda na kuwikiria vilungo,

WALAWI 3:1

“Ikakaia ifunyo ja mundu ni kizongona cha mapatano, na ikakaia waawuyafunya ng'ombe ya womi angu ya waka, iyo ng'ombe ikaie isewadie itiko imbiri ya BWANA.

WALAWI 9:23

Musa na Haruni wikangia cha Hemenyi ekwania; hata iji wafuma, wikawirasimia wandu, na wubaa ghwa BWANA ghukawichea wandu wose.

WALAWI 9:3

Kuwizere wandu wa Israeli wiwade fwandi ikaie kizongona kwa wundu ghwa kaung'a, na ngache na mwana wa ng'ondi wose wa mwaka ghumweri-ghumweri wisene itiko jingi wikaie kizongona chekora;

WALAWI 9:5

Niko wandu wikareda kula kilambo cherelaghiriloghe ni Musa imbiri ya Hema ekwania; ikwanyiko jose jikacha na kukaia kimusi imbiri ya BWANA.

WALAWI 9:6

Musa ukaghamba, “BWANA waamlaghira kubonya huwu, eri wubaa ghwake ghupate kumchea.”

MITALO 14:10

Ela izungu jose jikaghamba wiwilase na magho. Niko wubaa ghwa BWANA ghukawoneka aighu ya Hema ekwania.

MITALO 16:19

Na Kora ukajikwanya izungu jose ja wandu mnyangonyi ghwa Hema ekwania kuwilangaya Musa na Haruni; na ugho wubaa ghwa BWANA ghukawoneka izungunyi jose ja wandu.