WALAWI 9:3 - Biblia Ilagho Jiboie Kwa Wandu Wose

³ Kuwizere wandu wa Israeli wiwade fwandi ikaie kizongona kwa wundu ghwa kaung'a, na ngache na mwana wa ng'ondi wose wa mwaka ghumweri-ghumweri wisene itiko jingi wikaie kizongona chekora;

WALAWI 9:3 ပူးပေါင်းရင်းမြစ်များ

KUZOYA 37:31

Wikabwagha mburi, wikaingira ija nguwo ya Josefu baghenyi,

EZRA 10:19

Wikabonya ilaghiro weni ja kuwisigha waka wawo, na kufunya bauru ikaie kizongona kwa wundu ghwa kaung'a rawo.

EZRA 6:17

Wikafunya kwa wundu ghwa kuwika Hekalu wakfu njau ighana jimweri, bauru maghana awi, wana wa ng'ondi maghana ana, na kizongona kwa wundu ghwa kaung'a, oro ikumi na iwi kunughana na mbari ikumi na iwi ra Israeli.

KUFUMA 12:5

Kwadima kusaghua mwana wa ng'ondi angu wa mburi uboie wa mwaka ghumweri usewadie ikosa jingi.

ISAYA 53:10

BWANA waghamba, “Erekoghe ni lukundo lwapo kumvonua, na kumngira wasinyi; ingelo orekufunyagha uo moni kizongona kwa wundu ghwa kaung'a, nao uchawona kivalwa chake, na kudua moyo matuku mengi, lukundo lwapo luchakatishwa kwa chia yake uo;

WALAWI 10:16

Musa ukakotia malagho gha ija mburi erefunyiroghe ikaie kizongona kwa wundu ghwa kaung'a, nao ukaghorelwa kukaia yamerie kukorwa. Ukajokwa ni machu aighu ya Eleazari na Ithamari, awo wana wa Haruni weresigharikieghe; ukaghamba,

WALAWI 12:6

“Matuku gha kukuelesha kwake ghikakatia, ikaiagha ni gha mwana wa womi angu wa waka, uchareda mwana wa ng'ondi wa mwaka ghumweri kwa mkohani, mnyangonyi ghwa Hema ekwania kwa wundu ghwa kizongona chekora, na chana cha mbughi angu iringo, ikaie kizongona kwa wundu ghwa kaung'a.

WALAWI 14:10

“Ituku ja wunyanya, uchareda wana wa ng'ondi wa womi wawi, na ng'ondi ya waka ya mwaka ghumweri, riseko na itiko, kilo idadu ra mufu ghudendere; ghuranganyiro na mavuda, na ifungu jimweri ja kadadu ja lita ya mavuda.

WALAWI 16:15

“Niko uchabwagha ija fwandi ipate kukaia kizongona kwa wundu ghwa kaung'a ra wandu, nao uchareda bagha yake andenyi ya pazia. Na sa iji koni ubonyereghe na bagha ya njau, uchabonya woruwo koni kwa kumichira bagha naimbiri ya Kifumbi cha Wughoma, na naimbiri ya Sanduku ya Ilaghano.

WALAWI 16:5

Sena uchawusa fwandi iwi kufuma kwa wandu wa Israeli, rikaie kizongona kwa wundu ghwa kaung'a, na bauru imweri kwa wundu ghwa kizongona chekora.

WALAWI 23:12

Ijo ituku jesughusa kisuke chako kuchafunya mwana wa ng'ondi wa womi wa mwaka ghumweri, useko na itiko ukaie kizongona chekora kwa BWANA.

WALAWI 4:23

ukameria kuwonyerwa kaung'a yake, uchareda ifunyo ja fwandi iseko na itiko;

WALAWI 4:3

ikakaia ni Mkohani M'baa ubonyere kaung'a, na kushekeria wandu kutalwa kukaia wakosi, uchafunya mwana wa njau useko na itiko, upate kukaia kizongona kwa BWANA kwa wundu ghwa iyo kaung'a uibonyere.

WALAWI 9:2

ukamzera Haruni, “Wada ngache ya womi ikaie kizongona kwa wundu ghwa kaung'a, na bauru ikaie kizongona chekora; rose rikaie risene itiko jingi, nao kurifunye imbiri ya BWANA.

WALAWI 9:4

njau na bauru rikaie kizongona cha mapatano chifunywagha imbiri ya BWANA, na kizongona cha viro chiranganyiro na mavuda; kwa kukaia BWANA uchakuwonyera konyu idime.”

WAROMA 8:3

Angu agho ghiseredimikieghe kwa Sharia, kwa kukaia erekoghe isewadie ndighi kwa wundu ghwa mumbi, Mlungu kwa kumduma Mwana wake moni uko na fwana ya mumbi ghwa kaung'a, ukaie kizongona kwa wundu ghwa kaung'a, waitanyire kaung'a mumbinyi.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

1 PETRO 2:24

Kristo moni oreridukieghe kaung'a redu mumbinyi kwake aighu ya mudi, eri dipate kufwa cha kaung'enyi, na kukaia moyo cha hachinyi. Kwa makabo ghake, moreombochologhe.

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.

WUFUNUO 5:9

Wikabora lumbo luwishi wikighamba, “Kwafwana oho kuchiwada icho chuo na kuifungua mihuri yaro; angu oho korebwaghiloghe, na kwa bagha yako, kukamkombuya Mlungu wandu kufuma kula kichuku, kiteto, wandu, na mbari.