WALAWI 9:2 - Biblia Ilagho Jiboie Kwa Wandu Wose

² ukamzera Haruni, “Wada ngache ya womi ikaie kizongona kwa wundu ghwa kaung'a, na bauru ikaie kizongona chekora; rose rikaie risene itiko jingi, nao kurifunye imbiri ya BWANA.

WALAWI 9:2 ပူးပေါင်းရင်းမြစ်များ

KUFUMA 29:1

“Huwu niko kuchaabonya kwa kuwiwika wakfu Haruni na wana wake, wipate kunidumikia kwa wukohani: Kuchawada mwana wa njau, na bauru iwi risewadie itiko;

EZEKIELI 29:1

Ituku ja ikumi na iwi, ja mori ghwa ikumi, mwaka ghwa ikumi ghwa kudwalwa wunyika kodu, BWANA oreghorieghe nani ukighamba,

WALAWI 1:10

“Ikakaia inosi ja uo mundu ja kizongona chekora ni ng'ondi angu mburi, uchafunya bauru angu fwandi iseko na itiko jingi anduangi.

WALAWI 1:3

Ikakaia uafunya ng'ombe yake ikaie kizongona chekora, suti urede njau isene itiko. Uchaireda mnyangonyi ghwa Hema ekwania, eri kizongona chake chipate kurumirilwa ni BWANA.

WALAWI 16:3

Haruni uchakaia ukicha andenyi ya Andu kwa Wueli Kuchumbie huwu: Uchawada mwana wa njau ofunya kizongona kwa wundu ghwa kaung'a, na bauru kwa wundu ghwa kizongona chekora.

WALAWI 16:5

Sena uchawusa fwandi iwi kufuma kwa wandu wa Israeli, rikaie kizongona kwa wundu ghwa kaung'a, na bauru imweri kwa wundu ghwa kizongona chekora.

WALAWI 4:3

ikakaia ni Mkohani M'baa ubonyere kaung'a, na kushekeria wandu kutalwa kukaia wakosi, uchafunya mwana wa njau useko na itiko, upate kukaia kizongona kwa BWANA kwa wundu ghwa iyo kaung'a uibonyere.

WALAWI 8:14

Niko Musa ukareda njau ikaie kizongona kwa wundu ghwa kaung'a, na Haruni na wana wake wikawikiria mikonu yawo aighu ya chongo cha ija njau ya kizongona kwa wundu ghwa kaung'a.

WALAWI 8:18

Niko ukareda bauru kwa wundu ghwa kizongona chekora, Haruni na wana wake wikawikiria mikonu yawo aighu ya chongo cha bauru.

WALAWI 9:3

Kuwizere wandu wa Israeli wiwade fwandi ikaie kizongona kwa wundu ghwa kaung'a, na ngache na mwana wa ng'ondi wose wa mwaka ghumweri-ghumweri wisene itiko jingi wikaie kizongona chekora;

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

WAEBRANIA 5:3

Kwa wundu ugho, yamfwana uo ufunye kizongona kwa wundu ghwa kaung'a rake moni, na kwa wundu ghwa iro ra wandu.

WAEBRANIA 7:27

Uo ndena haja efunya vizongona matuku ghose, sa waja wakohani wabaa; wei ufunye kizongona kwa wundu ghwa kaung'a rake moni imbiri, ima uwonefunya kwa wundu ghwa wandu. Jesu odebonya huwo indo jimweri tua, iji orekufunyireghe moni kizongona.