WALAWI 8:7 - Biblia Ilagho Jiboie Kwa Wandu Wose

⁷ Ukamngira ijoho, ukamfunga mkowa, ukamngira nguwo na naivera na kumfunga mkowa ghulukilo nicha kwa wuya.

WALAWI 8:7 ပူးပေါင်းရင်းမြစ်များ

KUFUMA 28:2

Kubonye marwao gha Wueli gha wukohani kwa wundu ghwa mwanyinyu Haruni; marwao ghighokie gha wubaa.

KUFUMA 28:4

Nguwo wichaaribonya ni iri: Kisibau cha laghenyi, naivera, ijoho, ikoti jitolelo, kiremba, na mshipi. Wicham'bonyera Haruni na wana wake nguwo iri ra wueli, wipate kunidumikia kwa wukohani.

KUFUMA 28:6

“Iyo naivera wichaibonya ya uzi wa buluu, na wa zambarau, na wa ngundu, na kitani iboie ilukilo nicha.

KUFUMA 29:5

Nao kumrushe Haruni nguwo ra wukohani: Ijoho, naivera, iamba jerwalwa naighu ya naivera, kisibau cha laghenyi, na mshipi ghulukilo nicha ghofunga naivera.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

EZEKIELI 42:14

Ngelo wakohani wangia Andu kwa Wueli, wikakafuma cha waza ya shighadi, wichafunya iro nguwo ra wukohani redumika angu iro ni ra wueli, wiro zima, ima wifume noko cha wandunyi.”

WAROMA 13:14

ela Bwana Jesu Kristo ukaie irwao jenyu; hata msakeghubonyera mumbi wulalo ghokatisha bea raro.

WAROMA 3:22

ela Mlungu wadatala wandu kukaia na hachi kwa irumirio jawo andenyi ya Jesu Kristo; nao wadabonya huwo kwa wose wirumiriagha. Kwa kukaia ndekuko kutala wandu kungi anduangi.

WAGALATIA 3:27

Kwa kukaia inyo mmbose m'baputiziro andenyi ya Kristo, moomrwa Kristo.

1 SAMUELI 2:28

Ngamsaghua Haruni aghadi ya vichuku vose va Israeli ukaie mkohani wapo; ufukireghe marumba aighu ya madhabahu yapo ukirwa naivera imbiri kwapo. Ngachineka kinyumba cha wawayo hachi eja vizongona vose vekora verekoghe vikifunywa ni wandu wa Israeli.