WALAWI 8:6 - Biblia Ilagho Jiboie Kwa Wandu Wose

⁶ Musa ukamreda Haruni na wana wake, ukawioghosha kwa machi.

WALAWI 8:6 ပူးပေါင်းရင်းမြစ်များ

ZABURI 26:6

Naogha vala vapo kuwonyera siwadie ikosa, nipate kuendatasa madhabahunyi kwako, ee BWANA.

ZABURI 51:2

Kunioghoshe kiwiwi chapo putu, kunieleshe kaung'a yapo.

ZABURI 51:7

Kunieleshe kwa hisopu, nani nichaela, nioghoshe, nani nichawuya wa chokwa kuchumba theluji.

KUFUMA 29:4

“Kumrede Haruni na wana wake mnyangonyi ghwa Hema Ekwania, na kuwioghosha kwa machi.

KUFUMA 30:19

Haruni na wana wake wichakaia wikioghosha vala vawo na maghu ghawo aho.

KUFUMA 30:20

Wikakangia Hemenyi Ekwania, angu wikakasoghoda kaavui na madhabahu kumfunyira BWANA kizongona chekora, wichakuoghosha na machi wisechefwa.

KUFUMA 40:12

“Kumrede Haruni na wana wake mnyangonyi ghwa Hema Ekwania, na oho kuchawioghosha kwa machi;

ISAYA 1:16

Kuoghoshenyi mmbeni, mkaie muelie; sighenyi kubonya mawiwi imbiri kwapo; lekenyi kubonya makosa.

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

WALAWI 16:4

Imbiri usengirie andenyi ya Andu kwa Wueli Kuchumbie, suti ukuoghoshe moni kwa machi, ima uro ijoho ja kitani ja wueli, na mwadeghu wa kitani, na mkowa ghwa kitani, na kiremba cha kitani. Agho ni marwao gha wueli.

WALAWI 8:5

Musa ukajizera izungu ja wandu, “Agha malagho nichaaghibonya nigho BWANA unilaghirie.”

ZEKARIA 13:1

BWANA Uwadie-Ndighi-Rose waghamba, “Ituku ijo jikavika, ndoria ichafungulwa eelesha kivalwa cha Daudi na wandu wa Jerusalemu kaung'a na kutasa milimu kwawo.

1 WAKORINTHO 6:11

Nenyo wamu modeeka woruwo; ela mwaoghoshero, mkaeleshwa, mkabonywa wahachi kwa irina ja Bwana Jesu Kristo na kwa Roho wa Mlungu odu.

WAEFESO 5:26

upate kujielesha kwa kujioghosha na machi kwa ilagho;

WAEBRANIA 10:22

ndedisoghode kaavui na Mlungu kwa ngolo ya loli, na irumirio jikate; dioghoshero ngolonyi disighe nia izamie na mimbi yedu ioghoshero kwa machi ghielie.

WAEBRANIA 9:10

ela gheeka kwa wundu ghwa vindo, kunywa, na kuogha; naro ni sharia ra mumbi riwikilo hata ivike ngelo ebonya maghaluso.

WUFUNUO 7:14

Nani ngamzera, “Bwana oho kwamanya.” Nao ukanizera, “Awa niwo waja wandu wifumie matirironyi mabaa, nawo warioghoshere nguwo rawo, na kuribonya kukaia ra chokwa kwa bagha ya Mwana wa Ng'ondi.