WALAWI 8:23 - Biblia Ilagho Jiboie Kwa Wandu Wose

²³ Musa ukaibwagha, ukawada bagha yake, na kushinga m'bonya ya kudu kwa kiwomi kwa Haruni, na chala chake cha ighosi cha mkonu ghwake ghwa kiwomi, na ino jake ja ighosi ja kughu kwake kwa kiwomi.

WALAWI 8:23 ပူးပေါင်းရင်းမြစ်များ

KUFUMA 29:20

Kuibwaghe iyo bauru, nao kuwuse bagha yaro na kuishinga midonyi ya madu gha kiwomi gha Haruni na wana wake, vala vawo va kighosi va kiwomi, na mano ghawo gha kighosi gha kiwomi; nao kuimichire iyo bagha yasigharika chuwaru rose inya ra madhabahu.

KUFUMA 29:21

Niko kuchawada bagha imu iko madhabahunyi, na mavuda ghewika wakfu, kurimichire nguwo ra Haruni na ra wana wake, nawo chiaimweri na nguwo rawo wichawikwa wakfu kwapo.

WALAWI 14:14

Mkohani uchawada bagha imu ya iyo bauru kwa chala chake na kuishinga mdonyi ghwa kudu kwa kiwomi kwa uja mundu ukundagha kueleshwa; na bagha imu uchaishinga chalenyi chake cha ighosi cha mkonu ghwa kiwomi, na inonyi jake ja ighosi ja kughu kwa mkonu gha kiwomi.

WALAWI 14:17

Agho mavuda ghasigharika luinyi kwake, uchaghishinga na chala chake mdonyi ghwa kudu kwa uja mundu ukunde kueleshwa; na wokoni uchamshinga chala chake cha ighosi cha mkonu ghwa kiwomi na ino jake ja ighosi ja kughu kwa mkonu ghwa kiwomi aighu ya bagha ishingiloghe ya kizongona kwa wundu ghwa makosa.

WALAWI 14:25

Niko uchabwagha ija bauru ya kizongona cha makosa, na kuwusa bagha imu; nao uchaishinga m'bonyenyi ya kudu kwa kiwomi kwa uja mundu ukunde kueleshwa, na chalenyi chake cha ighosi cha mkonu ghwa kiwomi, na inonyi jake ja ighosi ja kughu kwa mkonu ghwa kiwomi.

WALAWI 14:28

Nao uchadunga mavuda ghamu ghiko mkonunyi kwake mdonyi ghwa kudu kwa kiwomi kwa uja mundu ukunde kueleshwa, na chalenyi chake cha ighosi cha kiwomi, na inonyi jake ja ighosi ja kiwomi, andu koni ukoghe washinga bagha ya kizongona cha makosa.

WALAWI 7:37

Ihi niyo sharia ya kizongona chekora, kizongona cha viro, kizongona kwa wundu ghwa kaung'a, kizongona kwa wundu ghwa makosa, kizongona chewika wakfu, na kizongona cha mapatano;

WAROMA 12:1

Kwa huwu wanidu, namvoya kwa wundu ghwa wughoma mungi ghwa Mlungu, muifunye mimbi yenyu ikaie sa kizongona chiko moyo; chielie, chirumirilwagha ni Mlungu; nako niko kutasa konyu kwa loli.

WAROMA 6:13

Nenyo msevifunye via venyu kwa kubonya kaung'a, sa vombo vebonya mawiwi; ela mkufunye kwa Mlungu, sa wandu wifunyiro kifonyi na kungirwa iranginyi; na via venyu vikaie va Mlungu, sa vombo vebonya hachi.

WAROMA 6:19

Niaghora sa wandu wose, kwa wundu ghwa kusowa kutambukilwa konyu. Sa iji koni morefunyireghe via venyu kwa wuchafu, na kubonya wuwiwi ghuchumbie, huwo koni idana muvifunye putu via venyu kubonya hachi kwa wundu ghwa kueleshwa.

1 WAKORINTHO 1:2

damuandikia inyo ikanisa ja Mlungu jiko Korintho, inyo mmbose mueleshero andenyi ya Kristo Jesu, mmbangilo mkaie waeli, andwamweri na awo wose andu kose wijiwangiagha irina ja Bwana Jesu Kristo; nao ni Bwana wawo na Bwana odu.

1 WAKORINTHO 1:30

Mlungu nuo asili ya irangi jenyu andenyi ya Kristo Jesu; nao nuo um'bonyere Kristo Jesu ukaie hikima edu, hachi edu, kueleshwa kodu, na wukomboli ghodu.

1 WAKORINTHO 6:20

Moreghuloghe kwa ighuri, kwa huwu itumienyi mimbi yenyu kwa wundu ghwa wubaa ghwa Mlungu.

WAFILIPI 1:20

Angu niko nawuyawona na kusuwiria nandighi kukaia, sichaafushwa waya anduangi; ela kwa ngolo mbaa, idana sa matuku ghose, Kristo uchabonyerwa ishima mumbinyi kwapo; ngera ni kwa chia ya kukaia moyo, angu kwa chia ya kufwa.

WAFILIPI 2:17

Hata ngera niafunywa sa kizongona cha kunywa, na kudilwa aighu ya kizongona cha irumirio jenyu, nichaboilwa na kuzuma andwamweri nenyo mmbose.

1 WATHESALONIKE 5:22

mkutanye na wuwiwi ghwa kula mbari.

WAEBRANIA 2:10

Angu erefwaneghe, Mlungu uo uumbie vilambo vose, sena kwa chia yake vikakaia, umkatishe Jesu kwa chia ya matiriro, eri upate kuwireda wana wengi wingie kwa wubaa ghwake. Angu Jesu nuo kilongozi cha kukia kwawo.

WAEBRANIA 5:8

Hata ngera orekoghe Mwana wa Mlungu, ela orekufundishireghe kusikira kwa chia ya matiriro gherempatireghe;