WALAWI 7:36 - Biblia Ilagho Jiboie Kwa Wandu Wose

³⁶ BWANA orelaghirieghe winekoghe vindo ivi ni wandu wa Israeli, kufuma ituku jija werewikiloghe wakfu kwa kushingwa mavuda, vikaie mafungu ghawo gha kari kose kufuma kwa wandu wa Israeli vivalwa vichagha.”

WALAWI 7:36 ပူးပေါင်းရင်းမြစ်များ

KUFUMA 27:21

Haruni na wana wake wichaiwika iyo Taa andenyi ya Hema Ekwania cha shighadi ya Pazia iko imbiri ya Sanduku ya Ilaghano; nayo ichakaia ikiaka kufuma luma lwa nakenyi hata luma lwa nakesho. Sharia ihi ichawadilwa ni Waisraeli chiaimweri na kivalwa chawo kwa kala na kala.

WALAWI 3:17

Ihi ichakaia ni sharia yenyu ya kala na kala vivalwa venyu vose, andu kose mchaakaia; kukaia, ndemchaaja mavuda hata bagha anduangi.”

WALAWI 8:12

Ukamdunga Haruni mavuda chongonyi na kummbika wakfu.

WALAWI 8:30

Niko Musa ukawada mavuda ghamu na bagha imu iyo erekoghe madhabahunyi, ukammichira Haruni na wana wake, na nguwo rawo; na kwa chia iyo, ukawiwika wakfu chiaimweri na nguwo rawo.

1 SAMUELI 2:28

Ngamsaghua Haruni aghadi ya vichuku vose va Israeli ukaie mkohani wapo; ufukireghe marumba aighu ya madhabahu yapo ukirwa naivera imbiri kwapo. Ngachineka kinyumba cha wawayo hachi eja vizongona vose vekora verekoghe vikifunywa ni wandu wa Israeli.