WALAWI 7:34 - Biblia Ilagho Jiboie Kwa Wandu Wose

³⁴ Icho kidari chisughuswagha, na iyo bara ifunywagha neeviwusa kufuma kwa vizongona va mapatano va wandu wa Israeli, na kumneka Haruni uo mkohani na wana wake, vikaie mafungu ghawo gha kari kose kufuma kwa Waisraeli.

WALAWI 7:34 ပူးပေါင်းရင်းမြစ်များ

KUFUMA 29:26

“Kuwade nyama ya lagha ya iyo bauru emmbika Haruni wakfu, kuisughuse ikaie kizongona chesughuswa chifunyo kwa BWANA nayo ichakaia iwaghio jako.

KUFUMA 29:9

Kuwifunge mishipi viwonunyi kwawo, na kofia kuwingire vongonyi kwawo. Huwo niko kuchaawibonya na kuwiwika wakfu Haruni na wana wake; nawo wichanidumikia andwamweri na kivalwa chawo kwa kala na kala.

WALAWI 3:17

Ihi ichakaia ni sharia yenyu ya kala na kala vivalwa venyu vose, andu kose mchaakaia; kukaia, ndemchaaja mavuda hata bagha anduangi.”

WALAWI 7:33

Umu wa wana wa Haruni, uo ufunyagha bagha na mavuda gha kizongona cha mapatano, nuo uko na hachi enekwa iyo bara ya mkonu ghwa kiwomi.

MITALO 5:9

Na kula kizongona cha vilambo vieleshero va wandu wa Israeli viredwagha kwa BWANA vichawuya va mkohani;

MITALO 6:20

Niko mkohani uchavisughusa vikaie kizongona chesughuswa imbiri ya BWANA; ivo ni vindo vieleshero va mkohani, chiaimweri na kidari chisughusiro, na bara; konyuma uo Mnaziri wadima kunywa divei.

MITALO 8:11

na Haruni uchawifunya Walawi kwa BWANA wikaie kizongona chesughuswa chafunywa ni wandu wa Israeli; eri wudumiki ghwa kazi ya BWANA ghupate kukaia ghwa Walawi.

WUKUMBUSO 18:3

“Wandu wikafunya vizongona va ng'ombe angu ng'ondi, wakohani wichanekwa mawoko, na nyama ya mizu, na vindo va ndenyi.