WALAWI 7:21 - Biblia Ilagho Jiboie Kwa Wandu Wose

²¹ Na mndungi ukaadada kilambo chingi chiseelie, ikaiagha ni mundu angu nyamandu angu wuchafu ugho ghose, nao uje nyama ya kizongona cha mapatano chifunyiro kwa BWANA, uchatanywa na wandu wake.”

WALAWI 7:21 ပူးပေါင်းရင်းမြစ်များ

KUZOYA 17:14

Mundu wa womi uo ose uchaalegha kushamishwa uchatanywa na wandu wake, angu wajichikanya ilaghano japo.”

KUFUMA 12:15

“Mchaja mikate isewadie chachu kwa matuku mfungade; ituku ja imbiri mchainja chachu putu nyumbenyi konyu; angu mndungi ukaja mkate ghuko na chachu kufuma ituku ja imbiri hata ituku ja mfungade, uchatengwa putu kufuma kwa wandu wa Israeli.

KUFUMA 12:19

Chachu ndeichawoneka nyumbenyi konyu kwa matuku mfungade; angu mndungi ukaja mkate ghwa chachu agho matuku, uchatengwa kufuma kwa ikwanyiko ja Israeli, ukaiagha ni mghenyi angu muisanga.

EZEKIELI 33:25

Kwa huwo kuwighorie seji ini, Bwana MLUNGU nawuyaghamba: Inyo mwadaja nyama iko na bagha, na kutasa milimu yenyu, na kubwagha wandu; welee, mwadima kujiwusa iji isanga?

EZEKIELI 4:14

Niko ngaghamba, “Ai e Bwana MLUNGU! Ola jingi sikulushire nimoni kwa kuja vindo viseelie; kufuma wanake ghwapo hata linu. Jingi sijie nyamandu ifue cheni, angu ibwaghilo ni mmbao, hata nyama ingi iseelie jingi ndeingirie momunyi kwapo.”

WALAWI 11:20

“Wadudu wose wiko na maghu awa wiburukagha ni wuchafu konyu;

WALAWI 12:1

BWANA ukamzera Musa,

WALAWI 17:10

“Mndungi wa nyumba ya Israeli, angu mghenyi uko aghadi konyu, ukaja bagha iyo yose, ini BWANA nichazamilwa ni uo mundu, nani nichamuinja ufume kwa wandu wapo.

WALAWI 17:14

Angu irangi ja kula nyamandu iko moyo jeeka andenyi ya bagha; niko nawizera wandu wa Israeli wiseje bagha ya nyamandu ingi, kwa kukaia irangi ja kula nyamandu jeeka baghenyi, mndungi ukaja bagha uchatanywa na wandu wake.

WALAWI 18:29

Angu uo ose uchaabonya jingi ja agho mawiwi, uchatanywa na wandu wa Mlungu.

WALAWI 19:8

Uo ose uchaaja, uchaduka wuwiwi ghwake moni, angu wachinona icho chereelesheroghe ni BWANA; nao uchatanywa na wandu wa Mlungu.

WALAWI 20:3

Ini moni nichalwa na uo mundu, nao uchatanywa na wandu wapo, angu waneka mlungu Moleki wana wake, na kuinona Hema ya Wueli na irina japo ja Wueli.

WALAWI 22:3

Mndungi wa kivalwa chenyu chose, ukawada vilambo vieleshero nafunyirwa ni wandu wa Israeli useelie, uchatanywa na wandu wapo. Ihi ni sharia kwa vivalwa venyu vose; Ini ne BWANA.

WALAWI 22:4

“Mndungi wa kivalwa cha Haruni uko na sima angu ufumwagha ni wufia, useje ivo vindo vieleshero, hata wameria kueleshwa kufuma kwa wukongo ghwake. Mkohani ungi ukaadada kilambo chingi chiseelie, ngera ni mundu ufue angu mundu ufumwagha ni mbeu rake ra kiwomi,

WALAWI 23:29

Mndungi ukalegha kufunga tumu ituku ijo, uchatanywa na wandu wapo.

WALAWI 7:20

ela mndungi useelie ukaja iyo nyama ya kizongona cha mapatano chifunyiro kwa BWANA, ndechaatalwa kukaia umu wa wandu wa Mlungu anduangi.

WALAWI 7:22

BWANA ukamzera Musa,

WALAWI 7:25

Uo ose uchaaja mavuda gha nyamandu yafunywa ikaie kizongona chekora kwa BWANA, uchatanywa na wandu wake.

WALAWI 7:27

Uo ose uchaaja bagha, uchatanywa na wandu wake.”

MITALO 19:22

Icho chose chichaadadwa ni mundu useelie, chichakaia chiseelie; na uo uchiadadagha icho kilambo, uchakaia useelie hata luma lwa kenyi.”

WUKUMBUSO 14:10

iri risewadie mapezi na makoko mseje; nderielie konyu.

WUKUMBUSO 14:3

“Kuseje kilambo chingi chighirilo ni BWANA.

1 SAMUELI 20:26

Elaima ituku ijo Sauli ndereghorieghe ilagho jingi, angu oregheshereghe, “Kewada Daudi waapatwa ni ilagho jimu jikam'bonya ukaie useelie kimzango.”