WALAWI 7:2 - Biblia Ilagho Jiboie Kwa Wandu Wose

² Iyo nyamandu ifunywaghwa kwa wundu ghwa kizongona cha malipo, ichabwaghilwa andu nyamandu rifunyiro kukaia vizongona vekorwa ribwaghilwaghwa; na bagha yaro ichadungwa chuwarunyi rose ra madhabahu.

WALAWI 7:2 ပူးပေါင်းရင်းမြစ်များ

ISAYA 52:15

Kwa huwo uchawishinua wandu wa mbari nyingi, na wazuri wichanyama kima kwa wundu ghwake; angu wichawona iro maza wisereghoreloghe, na kuritambua iro maza wisererisikireghe anduangi.”

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

EZEKIELI 40:39

Na aeni aho lukumbinyi lwa mbengenyi, korekoghe na meza iwi kula luwaru, andu vizongona vekorwa, na vizongona va kaung'a, na vizongona va malipo vibwaghilwagha.

WALAWI 1:11

Uchaibwaghia chia ya kaskazinyi ya iyo madhabahu imbiri ya BWANA, na wakohani, awo wana wa Haruni wichaimichira iyo madhabahu bagha chia rose.

WALAWI 1:3

Ikakaia uafunya ng'ombe yake ikaie kizongona chekora, suti urede njau isene itiko. Uchaireda mnyangonyi ghwa Hema ekwania, eri kizongona chake chipate kurumirilwa ni BWANA.

WALAWI 1:5

Nao uchaibwagha iyo njau imbiri ya BWANA, na wana wa Haruni, awo wakohani wichafunya iyo bagha, na kuimichira madhabahu chia rose aho mnyangonyi ghwa Hema ekwania.

WALAWI 14:13

Nao uchabwagha uo mwana wa ng'ondi andu vizongona kwa wundu ghwa kaung'a, na vizongona vekorwa vibwaghilwagha. Uchabonya huwo, kwa kukaia vizongona kwa wundu ghwa makosa karakara na vizongona kwa wundu ghwa kaung'a ni ifungu ja mkohani; navo ni va wueli loli loli.

WALAWI 3:2

Nao uchawikiria mkonu ghwake aighu ya chongo cha iyo nyamandu, na kuibwagha aho mnyangonyi ghwa Hema ekwania; na wana wa Haruni, awo wakohani, wichaimichira madhabahu bagha chia rose.

WALAWI 3:8

ukiwikiria mkonu ghwake aighu ya chongo chake; nao uchaibwagha imbiri ya Hema ekwania, na wana wa Haruni wichamichira bagha yake chuwaru rose ra madhabahu.

WALAWI 4:24

nao uchawikiria mkonu ghwake aighu ya iyo fwandi, na kuibwagha imbiri ya BWANA andu aho vizongona vekorwa vibwaghilwaghwa. Ni kizongona kwa wundu ghwa kaung'a.

WALAWI 4:29

Nao uchawikiria mkonu ghwake aighu ya chongo cha iyo mburi ya kizongona kwa wundu ghwa kaung'a, na kuibwaghia andu vizongona vekora vibwaghilwagha.

WALAWI 4:33

nao uchawikiria mkonu ghwake aighu ya chongo cha uo mwana wa ng'ondi wa kizongona kwa wundu ghwa kaung'a, na kum'bwagha andu aho wibwaghiagha vizongona vekora.

WALAWI 5:16

Uchalipa iyo sile ya makosa ukosere, sena uchurie mirongo iwi kwa ighana ya agho malipo na kumneka mkohani; uchaifunya iyo bauru ikaie kizongona kwa wundu ghwa makosa ghake, nao uchafuilwa wughoma.

WALAWI 5:7

“Ela ikakaia ndedimagha kupata mwana wa ng'ondi uchareda kwa BWANA vana viwi va mbughi angu maringo awi kukaia kizongona kwa wundu ghwa kaung'a yake; imu ikaie kizongona kwa wundu ghwa kaung'a, na imu kwa wundu ghwa kizongona chekora.

WALAWI 5:9

Niko uchaashinga bagha imu ya icho kizongona kwa wundu ghwa kaung'a luwarunyi lwa madhabahu, na bagha yasigharika uchaidia nandonyi ya madhabahu; ni kizongona kwa wundu ghwa kaung'a.

WALAWI 6:25

“Kumghorie Haruni na wana wake: Ihi niyo sharia aighu ya vizongona kwa wundu ghwa kaung'a. Nyamandu yafunywa kizongona kwa wundu ghwa kaung'a, ichabwaghilwa ichia cha magharibi andu iro nyamandu rifunywagha kukaia vizongona vekorwa ribwaghilwagha; iji ni ifunyo jieleshero loli loli.

WALAWI 6:7

Na mkohani ucham'bonyera uo mundu mapatano imbiri ya BWANA, nao uchafuilwa wughoma kwa maza iro rose ubonyere na kuwuya mkosi.”

MITALO 6:12

na kukutenga kwa wundu ghwa BWANA kunughana na agho matuku gha kutengwa kwake. Niko urede mwana wa ng'ondi wa womi wa mwaka ghumweri, ukaie kizongona kwa wundu ghwa makosa; ela iyo ngelo orezoeghe kukutenga, ndeichaatalwa; angu kukutenga kwake korelushiroghe.

WAEBRANIA 11:28

Kwa irumirio, orewikieghe Pasaka, ukamichira bagha vizingitinyi va minyango eri uo Malaika Mtoteshi wa wavalwa wa imbiri usekewiadada.

WAEBRANIA 12:24

na kwa Jesu mpatanishi wa ilaghano iwishi, na bagha imichiro ighoragha nicha kuchumba iyo ya Abeli.

1 PETRO 1:2

Wandu wisaghulo na kuwikwa ni Mlungu uja Aba, na kueleshwa ni uo Roho, wipate kumsikira Jesu Kristo, na kueleshwa kwa bagha yake. Mvono na sere nderichurikie konyu.