WALAWI 6:3 - Biblia Ilagho Jiboie Kwa Wandu Wose

³ angu kumkalia kwa kilambo cherelagharieghe chikawoneka, nao ughemeghe wei ndechiwonekie, angu chia iyo yose zima wadamu wibonyagha kaung'a nayo.

WALAWI 6:3 ပူးပေါင်းရင်းမြစ်များ

KUFUMA 23:4

“Kukakwana na ng'ombe angu punda wa m'maiza wako walaghaya, kummbunjire.

KUFUMA 28:42

Sena kuwibonyere weke mwadeghu wa kitani ndicha, kufuma kiwonunyi hata barenyi; wipate kufinikira wuduu ghwawo.

MAKATANISHO 24:28

Kusakefunya wushahidi ghwa tee aighu ya mmbenyu, hata kusakeghora tee.

MAKATANISHO 30:9

nisecheghuda nandighi na kukukana oho ngighamba “Nani uwangwagha BWANA?” hata nisekaie mkiwa nicheiwa na kujilusha irina ja Mlungu wapo.

JEREMIA 5:2

Hata ngera wawuyaghema kwa irina ja BWANA wikighamba, “Sa iji BWANA ukaiagha moyo.” Ela sena wadaghema kwa tee.

JEREMIA 7:9

Kwani mwadima kuiwa, na kubwagha, na kulaka, na kughema kwa tee, na kufukiria Baali marumba, na kutasa milungu mizima msereimanyireghe,

EZEKIELI 44:19

Na iji wakafuma cha waza ya shighadi wandunyi, wicharua iro nguwo wadumikagha naro, na kuriwika andenyi ya vumba va wueli, na kurwa nguwo zima, eri wisakekuranganya na wandu wikikaia na marwao gha wueli, ghisecheshoghonua wandu kwa kuwibonya wandu wiadade vilambo va wueli.

WALAWI 1:16

Niko uchainja chija kifu na wuchafu ghwaro na kuchidagha mbai na mbai ya madhabahu, chia ya mashariki andu ivu jidilwagha.

WALAWI 16:4

Imbiri usengirie andenyi ya Andu kwa Wueli Kuchumbie, suti ukuoghoshe moni kwa machi, ima uro ijoho ja kitani ja wueli, na mwadeghu wa kitani, na mkowa ghwa kitani, na kiremba cha kitani. Agho ni marwao gha wueli.

WALAWI 19:12

Kusakeghema kwa irina japo kwa tee, kuchejilusha; ini ne BWANA Mungu wako.

ZEKARIA 5:4

BWANA Uwadie-Ndighi-Rose waghamba uchaiduma ihi njowe shighadi ingie nyumbenyi kwa kitoi, na nyumbenyi kwa mundu ughemagha kwa tee kwa irina jake; nayo ichakaia nyumbenyi kwawo na kuwinonia vilambo.”

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.