WALAWI 6:2 - Biblia Ilagho Jiboie Kwa Wandu Wose

² “Mndungi ukabonya kaung'a kwa BWANA na kumkalia mmbao kwa maza repokezana angu kwa kummbikia, angu kumuiwia, angu kumkoronga kwa chia ingi;

WALAWI 6:2 ပူးပေါင်းရင်းမြစ်များ

KUZOYA 26:7

ukawizera wei ni mruna kwa kukaia oreobueghe kuwighoria wei ni muka wake, ukighesha waisanga wicham'bwagha kwa wundu ghwa Rebeka, angu orekoghe ughokie na ndighi.

ZABURI 51:4

Ni oho kumoni, ee, ni oho kumoni kuekeri nikubonyere kaung'a; nabonyere ijo jiko iwiwi imbiri kwako. Kwa huwo, seji kutanyire aighu yapo ni hachi, na kutanya kwako ni kwa loli.

MAKATANISHO 24:28

Kusakefunya wushahidi ghwa tee aighu ya mmbenyu, hata kusakeghora tee.

MAKATANISHO 26:19

wokoni na mundu umkaliagha mmbao na kughora, “Naaseka tu,” ooka woruwo.

ISAYA 21:2

Nawonie mawono gha malagho ghikurie: mundu osoka, waawuyasoka; na mtoteshi, waawuyatotesha. Inyo majeshi gha Elamu, kabenyi muzi; inyo majeshi gha Media, ghurughaienyi muzi. Mlungu uchaghumeria wasi ghose ghuredelo ni Babuloni.

ISAYA 24:16

Kufuma kutua kwa ndoenyi, dasikira chumbo ra makaso; ni chumbo remkasa Uo Mhachi. Ela ini nawuyaghamba, “Naawuyasia, ni bugha kwapo naawuyasia! Kwa kukaia Mkalii waawuyanifunya kwa mikalo, waawuyanifunya kwa mikalo.”

ISAYA 33:1

Ni bugha kwako oho kunonagha kusenonelo; oho kukaliagha, kusekalilo. Kukameria kunona, kuchanonwa. Kukameria kukalia, kuchakalilwa.

JEREMIA 9:5

Kula mundu waawuyakalia mmbao, ndekuwadie ungi ughoragha loli, weezaisira chumi rawo kughora tee, wabonyere wuwiwi, hata wisedimagha kuhea, wadabonya wuwiwi, hata ndewiheagha.

EZEKIELI 40:46

na icho chilangayagha cha kaskazinyi ni cha wakohani awo widumikagha madhabahunyi. Awo ni wana wa Zadoku, nawo niwo wiekeri aghadi ya kichuku cha Lawi widimagha kusughuda kaavui na BWANA wikimdumikia.

WALAWI 1:3

Ikakaia uafunya ng'ombe yake ikaie kizongona chekora, suti urede njau isene itiko. Uchaireda mnyangonyi ghwa Hema ekwania, eri kizongona chake chipate kurumirilwa ni BWANA.

WALAWI 19:11

“Kusakeiwa, hata kusekalie, hata mseghoriane tee.

WALAWI 5:15

“Mndungi ukabonya kaung'a usemanyire kwa kulemwa ni kulipa malipo kwa BWANA, uchareda kizongona kwa BWANA kwa wundu ghwa makosa, bauru kufuma chaghenyi iseko na itiko. Ighuri jaro jichaboiswa kunughana na malipo gha agho matuku gha Andu kwa Wueli; ni kizongona kwa wundu ghwa wuwiwi.

WALAWI 5:19

Ni kizongona cha malipo kwa wundu ghwa makosa, kwa wundu ghwa kaung'a uo mundu orem'bonyereghe BWANA.”

WALAWI 6:1

BWANA ukamzera Musa,

AMOSI 8:5

Mwaghamba, “Ituku ibaa ja Mori lukombe jisiali, diwoneuza viro? Sabato isiali, diwonefunya ngano diuze; dighaluse vipimo na kukalia wandu kwa kutumia vipimo va tee.

HABAKUKI 1:13

Kudima wada kurumaghianya na awa wandu wawiwi wikalie ee BWANA? Kwa kukaia meso ghako ni gha wueli ghisekundagha kuzighana mawiwi na makosa. Kwaki kunyamagha kima ingelo awo wandu wawiwi wiwitoteshagha wandu wa hachi kuwichumba awo?

JOHANE 8:44

Inyo mo wana wa ndeyo uja Mmbiwi, na bea rake niro reni mkundagha kuribonya. Uo orekoghe m'bwaghi kufuma kuzoya, hata na jingi ndekaiagha na loli, angu ndekuwadie loli ingi andenyi kwake anduangi. Iji waghora tee, wadaghora kikwake cheni: angu uo moni ni mtee, na ndee wa tee rose.

MABONYO GHA WADUMI 5:4

Welee, iji kusereiuzireghe, ndeerekoghe yako cheni anguwada? Huwo koni, nyuma ya kuiuza, pesa nderedeeka rako reni? Yakaia wada oho kubonya njama ihi ngolonyi kwako? Ndekumkalie mdamu anduangi, ela kwaamkalia Mlungu.”

WAEFESO 4:25

Kwa huwu mkisigha tee, kula mundu ughorie mmbao loli; angu deko via diweni na diweni.

WAKOLOSAI 3:9

Msekaliane mmbeni na mmbeni, angu mwamerie kughurua ghuja wundu ghwa kala na tabia yaro,

WUFUNUO 22:15

Cha shighadi reko iro koshi, na wasawi, na walaki, na wabwaghi wandu, na awo witasagha milimu, na kula mundu uikundagha tee na kuibonya.