WALAWI 5:9 - Biblia Ilagho Jiboie Kwa Wandu Wose

⁹ Niko uchaashinga bagha imu ya icho kizongona kwa wundu ghwa kaung'a luwarunyi lwa madhabahu, na bagha yasigharika uchaidia nandonyi ya madhabahu; ni kizongona kwa wundu ghwa kaung'a.

WALAWI 5:9 ပူးပေါင်းရင်းမြစ်များ

ISAYA 42:21

Yam'boie BWANA kuibonya sharia yake italo na kunekwa wubaa mungi, kwa wundu ghwa hachi yake.

WALAWI 1:15

Niko mkohani uchaireda aighu ya madhabahu, nao uchainyighara chongo na kuikora aighu ya madhabahu; na bagha yake ichadika luwarunyi lwa madhabahu.

WALAWI 1:5

Nao uchaibwagha iyo njau imbiri ya BWANA, na wana wa Haruni, awo wakohani wichafunya iyo bagha, na kuimichira madhabahu chia rose aho mnyangonyi ghwa Hema ekwania.

WALAWI 4:18

Sena uja Mkohani M'baa uchashinga bagha imu kwa iro mbembe inya ra madhabahu iko andenyi ya Hema ekwania imbiri ya BWANA, na bagha yasigharika uchaidia nandonyi ya madhabahu ya vizongona vekora iko mnyangonyi ghwa Hema ekwania.

WALAWI 4:25

Niko mkohani uchawada bagha imu ya kizongona kwa wundu ghwa kaung'a na chala chake, na kuishinga aighu ya mbembe ra madhabahu ekoria vizongona; na bagha yasigharika uchaidia nandonyi ya madhabahu ghekoria vizongona.

WALAWI 4:30

Na mkohani uchawada imu ya bagha yake na chala chake na kuishinga aighu ya iro mbembe ra madhabahu ekoria vizongona na bagha yasigharika uchaidia nandonyi ya madhabahu.

WALAWI 4:34

Na mkohani uchawada imu ya iyo bagha ya kizongona kwa wundu ghwa kaung'a na chala chake, na kuishinga aighu ya mbembe ra madhabahu ya vizongona vekora; na iyo yasigharika, uchaidia nandonyi ya madhabahu.

WALAWI 4:7

Sena uja Mkohani M'baa uchadunga bagha imu kwa iro mbembe inya ra madhabahu efukiria marumba imbiri ya BWANA, iko andenyi ya iyo Hema ekwania. Iyo bagha yasigharika, uchaidia nandonyi ya madhabahu ya vizongona vekora iko mnyangonyi ghwa Hema ekwania.

WALAWI 7:2

Iyo nyamandu ifunywaghwa kwa wundu ghwa kizongona cha malipo, ichabwaghilwa andu nyamandu rifunyiro kukaia vizongona vekorwa ribwaghilwaghwa; na bagha yaro ichadungwa chuwarunyi rose ra madhabahu.

WAEBRANIA 12:24

na kwa Jesu mpatanishi wa ilaghano iwishi, na bagha imichiro ighoragha nicha kuchumba iyo ya Abeli.

WAEBRANIA 2:10

Angu erefwaneghe, Mlungu uo uumbie vilambo vose, sena kwa chia yake vikakaia, umkatishe Jesu kwa chia ya matiriro, eri upate kuwireda wana wengi wingie kwa wubaa ghwake. Angu Jesu nuo kilongozi cha kukia kwawo.