WALAWI 5:7 - Biblia Ilagho Jiboie Kwa Wandu Wose

⁷ “Ela ikakaia ndedimagha kupata mwana wa ng'ondi uchareda kwa BWANA vana viwi va mbughi angu maringo awi kukaia kizongona kwa wundu ghwa kaung'a yake; imu ikaie kizongona kwa wundu ghwa kaung'a, na imu kwa wundu ghwa kizongona chekora.

WALAWI 5:7 ပူးပေါင်းရင်းမြစ်များ

WALAWI 12:6

“Matuku gha kukuelesha kwake ghikakatia, ikaiagha ni gha mwana wa womi angu wa waka, uchareda mwana wa ng'ondi wa mwaka ghumweri kwa mkohani, mnyangonyi ghwa Hema ekwania kwa wundu ghwa kizongona chekora, na chana cha mbughi angu iringo, ikaie kizongona kwa wundu ghwa kaung'a.

WALAWI 12:8

Iji usedimagha kupata mwana wa ng'ondi, uchareda vana viwi va mbughi angu va maringo; imu kwa wundu ghwa kizongona chekora, na imu ichakaia kizongona kwa wundu ghwa kaung'a; na mkohani uchabonya mapatano kwa wundu ghwa uo muka, nao uchaeleshwa.”

WALAWI 14:30

Niko uja mundu uchafunya mbughi angu iringo jimu, seji udimagha;

WALAWI 14:31

ikaie kizongona kwa wundu ghwa kaung'a, na imu kwa wundu ghwa kizongona chekora chiaimweri na kizongona cha viro. Na mkohani uchabonya mapatano imbiri ya BWANA kwa wundu ghwa uo mundu ukunde kueleshwa.

WALAWI 15:30

na mkohani uchafunya imu kizongona kwa wundu ghwa kaung'a, na imu kwa wundu ghwa kizongona chekora, nao uchabonya mapatano kwa wundu ghwa uo muka imbiri ya BWANA kwa wundu ghwa uko kufumwa ni bagha kwake.”

WALAWI 16:5

Sena uchawusa fwandi iwi kufuma kwa wandu wa Israeli, rikaie kizongona kwa wundu ghwa kaung'a, na bauru imweri kwa wundu ghwa kizongona chekora.

WALAWI 27:8

Uo mundu ubonyere ighemi, ukakaia mkiwa putu usedimagha kulipa ijo isabu, uchareda uja mundu kwa mkohani, nao uchampima ighuri jake kunughana na ndighi ya uja mundu ubonyere ighemi.

WALAWI 5:11

“Na ikakaia ndedimagha kupata mbughi iwi angu maringo awi, niko uchafunya kilo imweri ya mufu ghudendere kwa wundu ghwa iyo kaung'a uibonyere, usedunge mavuda ghangi angu vilungo; kwa kukaia ni ifunyo kwa wundu ghwa kaung'a.

WALAWI 7:1

“Ihi niyo sharia ya vizongona kwa wundu ghwa makosa, ni sharia ya wueli loli loli.

WALAWI 9:3

Kuwizere wandu wa Israeli wiwade fwandi ikaie kizongona kwa wundu ghwa kaung'a, na ngache na mwana wa ng'ondi wose wa mwaka ghumweri-ghumweri wisene itiko jingi wikaie kizongona chekora;

MITALO 5:6

“Wizere wandu wa Israeli huwu, ngera mndungi wa womi angu wa waka wabonya kaung'a kwa kulemwa kukaia mloli kwa BWANA seji wandu wibonyagha nao ukaie mkosi,

MITALO 6:10

Ituku ja wunyanya, urede tagho iwi ra mbughi kwa mkohani angu vana va maringo aho mnyangonyi ghwa Hema ekwania,

MITALO 6:11

mkohani ucharifunya kizongona, imu kwa wundu ghwa kaung'a, na imu kwa wundu ghwa kizongona chekora; upate kubonya wupatanisho kwa wundu ghwake angu ushekerelo kubonya kaung'a ni ija gharia; ituku ijo jeni, uchawuria wunaziri ghwake,

MATHAYO 10:16

“Idana ini niamduma sa ng'ondi aghadi ya vikwau, mkaie na akili sa choka, na wa mboa sa mbughi.

MATHAYO 21:12

Nao Jesu ukangia Hekalunyi, ukawiwinga cha shighadi wandu werekoghe wikiuza na kughua vilambo andenyi ya Hekalu; ukaribingilisha meza ra awo werekoghe wikivunja pesa, na vifumbi va awo werekoghe wikiuza maringo.

MATHAYO 3:16

Nao nyuma ya Jesu kubaputizwa, ukajoka shwa kufuma machinyi. Na mlungunyi kukafunukuka, ukammbona Roho wa Mlungu ukisea sa mbughi na kukaria aighu yake.

LUKA 2:24

na kufunya kizongona cha mbughi iwi, angu vana viwi va maringo, sa iji koni ighorelo sharienyi kwa Bwana.

2 WAKORINTHO 8:12

Ikakaia ngolo efunya eko, icheni mundu uko nacho, nicho cheni chirumirilwagha ni Mlungu; hata si icho usewadie anduangi.