WALAWI 5:6 - Biblia Ilagho Jiboie Kwa Wandu Wose

⁶ nao uchafunya kizongona kwa BWANA kwa wundu ghwa iyo kaung'a oreibonyereghe. Uchafunya kufuma chaghenyi ng'ondi angu mburi ya waka ikaie kizongona kwa wundu ghwa kaung'a; na mkohani uchabonya mapatano kwa wundu ghwa kaung'a yake.

WALAWI 5:6 ပူးပေါင်းရင်းမြစ်များ

EZEKIELI 40:39

Na aeni aho lukumbinyi lwa mbengenyi, korekoghe na meza iwi kula luwaru, andu vizongona vekorwa, na vizongona va kaung'a, na vizongona va malipo vibwaghilwagha.

EZEKIELI 42:13

Niko uo mundu ukanizera, “Vumba viko chia ya kaskazinyi, na vumba viko chia ya kusinyi kulangaya cha wazenyi ni va wueli, aho niko awo wakohani wikaiagha imbiri ya BWANA, wichaaja agho mafunyo gha vizongona va wueli vichumbie, na aho niko wandu wichaakaia wikifunya agho mafunyo gha wueli ghichumbie vizongona va viro, vizongona kwa wundu ghwa kaung'a, na vizongona kwa wundu ghwa wuwiwi; angu andu aho ni kwa wueli.

EZEKIELI 44:27

Ituku uchaangia Andu kwa Wueli, andenyi ya waza ya nandenyi kudumika, uchafunya kizongona kwa wundu ghwa kaung'a rake, Ini Bwana MLUNGU naghamba.”

WALAWI 4:20

Huwo niko uchaabonya na iyo njau; sa iji koni orebonyereghe kwa njau ifunyiro kukaia kizongona kwa wundu ghwa kaung'a; na mkohani uchabonya mapatano kwa wundu ghwa kaung'a rawo; nawo wichafuilwa wughoma.

WALAWI 4:28

ukameria kuwonyerwa kaung'a yake, uchareda ifunyo ja mburi ya waka iseko na itiko kwa wundu ghwa iyo kaung'a yake oreibonyereghe.

WALAWI 4:31

Nao uchainja mavuda ghake ghose, sa iji koni mavuda ghiinjwagha kufuma kwa vizongona va mapatano; na kughikora aighu ya madhabahu ghikaie marumba mecha kwa BWANA. Kwa chia ihi, mkohani uchabonya mapatano kwa wundu ghwa kaung'a ra uo mundu, nao uchafuilwa wughoma.

WALAWI 4:32

“Ikakaia uo mundu wareda mwana wa ng'ondi ukaie kizongona chake kwa wundu ghwa kaung'a, uchareda wa waka useko na itiko;

WALAWI 4:35

Nao uchainja mavuda ghake ghose sa iji koni mavuda gha mwana wa ng'ondi ghiinjwagha kufuma kwa kizongona cha mapatano; na mkohani uchaghikora aighu ya madhabahu kwa BWANA; upate kubonya mapatano kwa wundu ghwa kaung'a rake oreribonyereghe, nao uchafuilwa wughoma.

WALAWI 6:6

Nao uchareda bauru iseko na itiko, ikaie kizongona kwa wundu ghwa makosa ghake kwa BWANA, na oho kuchabonya ighuri jaro kunughana na ighuri ja agho matuku.

MITALO 6:12

na kukutenga kwa wundu ghwa BWANA kunughana na agho matuku gha kutengwa kwake. Niko urede mwana wa ng'ondi wa womi wa mwaka ghumweri, ukaie kizongona kwa wundu ghwa makosa; ela iyo ngelo orezoeghe kukutenga, ndeichaatalwa; angu kukutenga kwake korelushiroghe.