WALAWI 5:2 - Biblia Ilagho Jiboie Kwa Wandu Wose

² “Mndungi ukawada kilambo chiseelie usemanyire, ikaiagha ni gharia ya nyamandu ya isakenyi, angu ifughilo, angu shimandu nao uluo, uchatalwa kukaia mkosi.

WALAWI 5:2 ပူးပေါင်းရင်းမြစ်များ

ZABURI 19:12

Nani udimagha kughimanya makosa ghake? Kunilekie makosa ghivisikie kwapo ee BWANA.

ISAYA 52:11

Fumenyi, mfume Babuloni mghende noko, mseadade kindo chingi chiseelie; fumenyi aghadi kwake mkueleshe mmbeni; inyo mmbose muvidwagha vilambo va BWANA.

WALAWI 11:11

Richadua wuchafu konyu, mserije, hata gharia rawo mseriadade.

WALAWI 11:8

Nyamandu iri rose mserije, hata gharia rawo mseriadade, ni nyamandu riseelie konyu.

WALAWI 4:13

“Ikakaia ni izungu jose ja Israeli jabonya kaung'a wisemanyire, na kughinona agho malaghiro gherefunyiroghe ni BWANA; na ilagho ijo jikaie jisemanyikie izungunyi hata wikaie wakosi;

WALAWI 5:17

“Mndungi ukabonya kaung'a aghadi ya iro BWANA orelaghirieghe risebonyo usemanyire uchakaia mkosi, nao uchalipa kwa wundu ghwa wuwiwi ghwake.

WALAWI 5:3

Mndungi ukawada wuchafu ghungi ghwa mdamu ugho ghose ghudimagha kum'bonya uluo usemanyire, ingelo wachamanya, uchatalwa kukaia mkosi.

WALAWI 5:4

“Mndungi ukabonya ighemi kisha kisha usemanyire usepimagha, ikaiagha ni jebonya kiwiwi angu nicha usemanyagha, ingelo wachamanya, uchatalwa kukaia mkosi.

WALAWI 7:21

Na mndungi ukaadada kilambo chingi chiseelie, ikaiagha ni mundu angu nyamandu angu wuchafu ugho ghose, nao uje nyama ya kizongona cha mapatano chifunyiro kwa BWANA, uchatanywa na wandu wake.”

HAGAI 2:13

Niko Hagai ukaghamba, “Mndungi ukakaia useelie kwa kuadada gharia, nao uadade chimu cha ivi vindo, welee vikaia viseelie?” Wakohani wikatumbulia, “Ee vikaia viseelie.”

MITALO 19:22

Icho chose chichaadadwa ni mundu useelie, chichakaia chiseelie; na uo uchiadadagha icho kilambo, uchakaia useelie hata luma lwa kenyi.”

LUKA 11:44

Ni bugha konyu angu mwafwanana na makaburi ghisewonekagha na wandu wadaghiwadia wisemanyagha.”

2 WAKORINTHO 6:17

Kwa huwo, fumenyi aghadi kwawo mtane nawo, waghamba Bwana; nenyo mseadade kindo chingi chiseelie; niko nichaamkaribisha.

WUKUMBUSO 14:8

Na nguwe, angu iko na kochokocho ribarikie na kuwaghika, ela isekeragha, ndeielie konyu. Mseje nyama yaro hata mseadade gharia raro.