WALAWI 5:13 - Biblia Ilagho Jiboie Kwa Wandu Wose

¹³ Kwa chia iyo, mkohani uchabonya mapatano kwa wundu ghwa kaung'a yake, nao uchafuilwa wughoma. Masighariko gha mufu ghichawuya gha mkohani; ni kizongona cha viro.”

WALAWI 5:13 ပူးပေါင်းရင်းမြစ်များ

HOSEA 4:8

Mwawuyafugha kwa wundu ghwa kaung'a rawuyabonywa ni wandu wapo; nenyo mwaawuyaboilwa iji wachuria kubonya kaung'a.

WALAWI 2:10

Icho chose chasigharika cha ifunyo ja viro chichawuya cha Haruni na wana wake; jakaia jieleshero na ndighi loli loli, angu ugho mkate ghwafuma kwa ifunyo jifunyiro kwa BWANA.

WALAWI 2:3

Mufu ghose ghwasigharika, ghuchawuya ghwa Haruni na wana wake; ghwakaia ghwa wueli loli loli, angu ghwafuma kwa ifunyo jifunyiro kwa BWANA.

WALAWI 4:20

Huwo niko uchaabonya na iyo njau; sa iji koni orebonyereghe kwa njau ifunyiro kukaia kizongona kwa wundu ghwa kaung'a; na mkohani uchabonya mapatano kwa wundu ghwa kaung'a rawo; nawo wichafuilwa wughoma.

WALAWI 4:26

Na mavuda ghake ghose uchaghikora aighu ya madhabahu, sa iji koni orebonyereghe kwa vizongona va mapatano. Uchabonya wupatanisho kwa wundu ghwake, nao uchafuilwa wughoma.

WALAWI 4:31

Nao uchainja mavuda ghake ghose, sa iji koni mavuda ghiinjwagha kufuma kwa vizongona va mapatano; na kughikora aighu ya madhabahu ghikaie marumba mecha kwa BWANA. Kwa chia ihi, mkohani uchabonya mapatano kwa wundu ghwa kaung'a ra uo mundu, nao uchafuilwa wughoma.

WALAWI 5:10

Nao uchafunya ija nyonyi ya kawi ikaie kizongona chekora, kunughana na sharia. Mkohani uchabonya mapatano kwa wundu ghwa kaung'a ya uo mundu, nao uchafuilwa wughoma.

WALAWI 5:12

Nao uchaghureda kwa mkohani, ughubeghe ngonde ichue, ghukaie sa ifungu jekumbuka kukaia ghwaafunywa kwa BWANA; nao uchaghukora aighu ya vizongona madhabahunyi; ni kizongona cha vindo kwa wundu ghwa kaung'a.

WALAWI 5:14

BWANA ukamzera Musa,

WALAWI 5:16

Uchalipa iyo sile ya makosa ukosere, sena uchurie mirongo iwi kwa ighana ya agho malipo na kumneka mkohani; uchaifunya iyo bauru ikaie kizongona kwa wundu ghwa makosa ghake, nao uchafuilwa wughoma.

WALAWI 5:4

“Mndungi ukabonya ighemi kisha kisha usemanyire usepimagha, ikaiagha ni jebonya kiwiwi angu nicha usemanyagha, ingelo wachamanya, uchatalwa kukaia mkosi.

WALAWI 5:5

“Mndungi ukakaia mkosi aghadi ya jingi ja agha, uchairumiria kaung'a yake iyo oreibonyereghe;

WALAWI 5:6

nao uchafunya kizongona kwa BWANA kwa wundu ghwa iyo kaung'a oreibonyereghe. Uchafunya kufuma chaghenyi ng'ondi angu mburi ya waka ikaie kizongona kwa wundu ghwa kaung'a; na mkohani uchabonya mapatano kwa wundu ghwa kaung'a yake.

WALAWI 7:6

Kula mundu wa womi uko aghadi ya wakohani wadima kuja iro nyama; richajilwa andu kueleshero, kwa kukaia ni vindo vieleshero loli loli.

1 WAKORINTHO 9:13

Welee, ndemmanyire angu awo wiandikilo widumike Hekalunyi wadaja vindo va Hekalunyi, na awo widumikagha madhabahunyi wadapata iwaghio ja ivo vizongona vifunywagha anguwada?

1 SAMUELI 2:28

Ngamsaghua Haruni aghadi ya vichuku vose va Israeli ukaie mkohani wapo; ufukireghe marumba aighu ya madhabahu yapo ukirwa naivera imbiri kwapo. Ngachineka kinyumba cha wawayo hachi eja vizongona vose vekora verekoghe vikifunywa ni wandu wa Israeli.